Filipi 2:1 - ALLAH ANE WENW KET MEKE WAROGO WOKNINAKHIKHE WENE

¹ Nit Kristus ninom hunik dogolik, at nen ninetaiken ago watdinanhik, ninebe akmurogon ninetaiken thebelhik, Agoreke ninom hunik dogolik, yomaknisigik, hagakhe korlek nit-nit hanorogon nakmu-hakmurogon hagakhorek iti nen,

Filipi 2:1 Iomraidhean Croise

Lukas 2:25

Etanem ap o Yerusalem meke ageikhe etaga Simeon welageikhe. At obabut hano, Allah ayukhogon dogolik, motok mothogon hagakhe lageikhe. Itithogon hagakhe dogolik, akhuni Israel meke inakla hanorinabi wisigin meke iti therogo werekma, Allah Agoreke oba duk isikhemo welageikhe.

Yohanes 14:18

An meneke, hit hinebe yekerugi irlagakot meke negen thogotdinageiluk ligin dek o. Yabokane napuke 'bithisasiginat o.

Yohanes 14:27

Halok he, hit hinetaiken hapukhogon dogoagaluk an netaiken hapukhogon welagarek meke wokhisalok ligin o. Iti akhuni agat oba meke nen wogeisegarek iti hak wokhisagein dek iti nen, hinelabut hisik dogolik hinayuk agup o.

Yohanes 17:13

An nebe hoba wisigin mekeat, yogotak an agat oba ya dogolik, an nakla arleken akhegerek iti hak, it inakla arleken motok akhoagaluk, wene tha'bokhogonat iti yokhikhi o.

La'isasikhe 2:46

Itithogon hagakhe dogolik, iniki ageikhe huk ageidek hunik-hunigat Allah ai halekma natogokhik, inakla arleken akhekhe dogolik, inobabut thebekhogonat inaila hipiri inom kusogo nikik, hagakhe lagoukha.

La'isasikhe 4:32

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Roma 8:26

Itithogon therogo dogolik, nit ninebe ninobatne dek werekma, Allah Agoreke nen yomaknisiliogo. Nit Allah ayoko 'buogoluk ninane nikithogon u heat ninobakha palek werekma, Allah Agoreke nen akhuni inane baga usak erlok dek meke, etaiken ane baga Allah ayoko 'biliogo.

1 Korintus 12:13

Nit ninebe tha'bokhogonat Yahudi meke inom, Yunani meke inom, inatuaneke meke inom, inasokneat welageikharek meke inom, at Kristus ebe opakiat meke ninom hunesuagaluk, at Agoreke nen ima usa'inanhikhe iti o. Nen, i elesi opakiat meke nokorek hak, at Agoreke opakiat meke ninakla 'bisikhe.

1 Korintus 15:31

Nagarlak lak nerugi. Hinetaiken ninoe Etagapogot Kristus Yesus oba hakotdiluk ninom hunik welago iti nen, an hit hinobasik hogorakhekhe dogolik men yokhisak. An hibiku-yogoku nebe nasuogoluk hagakhe korlek nobakhanini hapugutdiluk welagei o.

1 Korintus 3:16

Nit ninebe Allah ai halegat, iluk hinokodek nogo a? Allah Agoreke ninakla ai halogo welagarek, iluk hinokodek nogo a?

2 Korintus 2:14

Itithogon mekeat he, at Kristus obatne ageikhesik elokhe waganhe korlek nukhunem, nit at ninom hunik meke Allah nen Kristus oporlik woknisik nekherek, iluk hogorasuok o. Itithogon woknisik nekhe dogolik, obasi hano meke thak-pakhogon lagarek hak, at Kristus hagakhikhe wene etnogo nit nen wialogo o yi ai ti ai wolok loagaluk woknisik nekherek.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Efesus 4:4

Allah nen hinayoko 'bekhe dogolik, “An nen hanothinabigin o,” iluk, abok opakiat meke yokhisasikhe hak, at ebe opakiat meke hinom hunikhik, Agoreke opakiat meke waganhik, hagakhigip iti o.

Filipi 1:8

Yesus Kristus nen hit hinebe tha'bokhogonat akmu welagarek hak, an nen hit nakmuat dogolik, “Ninom dogolo e,” iluk, nakla eberogonat apekhe lagei meke iti, at Allah ilu o.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Kolose 2:2

Hit hinetaiken ago warek dogolik, hit-hit hinom hunik nakmu-hakmurogon dogobageik iluk itithogon hagakhe lagei o. Hit itithogon dogolik he, “Wene iti eberogonat,” iluk, hutdiluk nen, wene munini hinakla ebekhidek motok 'bogokhogon dogolik, wene Allah akla limago welageikhe wene iti hutukhogon hinilu asugun o. Wene iti, Kristus ebeat o.

Kolose 3:12

Hit hinebe, Allah nen wenago ekaerek hasik 'bakhasikhesik nen, “An nekaerek na'buri o,” iluk, akmurogon welagarek iti. Halok he, su ket meke ikharek hak, hinobabut men meke waganino. Inebe inakmurinakharek meke iti inom, inobabut enago welageikharek meke iti inom, inekaerek nen hogorakhigidek inetaiken thebekhogon welageikharek meke iti inom, inobabut liokhogon hagakharek meke iti inom, inobakhanini hapugutdiluk welageikharek meke iti inom, hinobabut iti meke waganino.

Ibrani 6:18

Wene hupuk palogo yogeisasikhe iti, nit Allah apma uki ago meke ninakla nen, “Hanotninabigin,” iluk eberek welago meke ninetaiken hapukhogon dogoagaluk nirat abok yoknisasikhe. Abok yoknisigik, hupuk palhik, wene pere isikhe iti, nit nen, Allah ekalat ekherek motok dek, iluk ninetaiken hapukhogon dogoagaluk yoknisasikhe iti.

1 Yohanes 3:24

Nit Allah nen wene ninasuk wakhikhe wene iti hologo mothogon hagakhe lago halok he, at Agoreke woknisasikhemo ninakla werek, iti baga, nit at ninom hunik, nen at nit ninom hunik welago, iluk hutdekhe lago.

1 Yohanes 4:12

Nen, Allah ebe iti, akhuni ageikhe nen inileken motok higidek o. Mekeat he, nit-nit nakmu-hakmurogon dogogun halok he, Allah ninom hunik motok dogogun o. Itithogon werekma, ebekeram Allah nen akmutninakhe dogolik, akla apasikhe iti hagat, yi meke ti meke hano 'bogokhogon hagakharek iti hak, nit-nit nakmu-hakmurogon dogoagaluk 'bogokhogon hagatninabiogo iti.

1 Yohanes 4:16

Nit nen, “Allah nen akmutninakherek iti hutdogosik eberogonat,” iluk apekhe lago. At obabut akmutninakho motok welagarek iti nen, tha nen obabut akhuni akmurinakho motogat welagarek halok he, Allah nen at ipisak hunik motok, nen, at nen Allah ipisak hunik motok, welageikharek.