Filipi 1:7 - ALLAH ANE WENW KET MEKE WAROGO WOKNINAKHIKHE WENE

⁷ Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 1:7 Iomraidhean Croise

La'isasikhe 20:23

Itithogon nokodek mekeat he, an o kota ageikhe nen ageikhe lageik hagakherek etoma tha'bokhogonat at Allah Agoreke nen, Hiki herle wakhik, yi aik ti aik hoba 'bigik, hagasugun o, iluk yoknekherek iti anek nilu o.

La'isasikhe 21:33

Here'isukhama ap tentara inoe kok etnogo ebe Paulus oba horokhogon lageikhesik, ebe ha'iluk nen, agarumi nen pisue omaken pere baga iki herle wasuagaluk yogeisasikhe. Yogeisasikhesik nen, “Ap yi tha nogo. Nikithogon hagakhemo,” iluk hinok waganhikhe.

1 Korintus 13:7

Inakmurogon dogolik, yi wene ti wene inoba agunem, inobakhanini hapugutdiluk welageik, inetaiken Allah oba hakotdiluk welageik, hano asigin iluk inakla arleken akhigik, inetaiken hapukhogon welageik, hagakharek iti.

1 Korintus 9:23

An it akhuni tha'bokhogonat inobabut itithogon waganogo hagakhe lagei iti, it ninom hano meke iteerek asuogoluk hano wene iti hasigat hagakhe lagei o.

2 Korintus 3:2

Nit wokninabuagaluk, hit hinebeat holal hakene waganek nit ninetaikenma werekma, akhuni tha'bokhogonat nen etaa thalhik, hutdinanhik, hagasusak werek o.

2 Korintus 7:3

An nen alebageik yokhisekhe dogolik, “Hit he, hinebe ninetaiken oba hunik motok welagap o. Halok he, ninom watlasumo watlasusagat o. Nen, ninom niniluk dogoumo, dogosagat o,” iluk itihogon alebageik isigi iti nen, yogotak, wene yokhisigi iti, wene hinoba 'bigiluk igi dek o.

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

Efesus 3:1

Iti nen, an Paulus hit akhuni itikmanke meke Kristus Yesus nen tilhinabuagaluk, at hasik niki herle warogo 'banhama welagei o.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Efesus 6:20

Wene iti yogeisekhe dogoagaluk at Kristus nen nayoko 'biluk la'ani ageikhemo an witluk yogeisekhe lagei iti hasik niki herle warogo 'banhama welagei. Itithogon dogolik, an nayuk dekhogon hano wene iti yogeisekhe dogosak tak-tagat yogeisekhe dogeik nen, sembayan an nobasik ekhe dogonoat o.

Filipi 1:12

Nagarlak lak nerugi. Wene yi hinilurogon yokhisak. An yigithogon hagatnakha yi baga, hano wene dek ageidek kogat arik liliogo.

Filipi 1:13

An Paulus Kristus hasigat niki herle wakhama welagei yi baga, it ap at Kaisar etagapogot aila ukinogo iluk, holagapema thuam welageikharek meke tha'bokhogonat inom, it akhuni aperek yoma meke tha'bokhogonat inom nen, ekagat hutdaniogei.

Filipi 1:14

An niki herle warogo 'banhama welagei yi nen, Allah a'buri aperek inebe kokmake inetaiken ninoe Etagapogot oba hakotdiluk horle atluk nen, wene Kristus hasik inane baga pakhogon yogeisekhe dogosak inayuk dek ariogo iti o.

Filipi 2:22

Meke re, at Timotius obabut ekagat hagakherek etnogo hinilu o. Ina'buri nen inopase lak yomageisegarek hak, at ebe, Allah apma dogolik an yomakneagaluk hano wene etnogo nipisak nen yogeisilik nekhe lagosik.

Filipi 4:14

Erlok hagakhe dogosak meke re, an nerlageik werekma, hit nen yomakneegethep iti hano motok o.

Filipi 4:15

Hit Allah a'buri o Filipi meke nagarlak lak nerugi. Ebekeram, an hano wene yogeisilik nekhe dogeigiluk, o Makedonia nen wagunem, Allah a'buri o hetlake nen yomakneekhe lagoukha degat meke re, hit anek ninom hunik dogolik, yomakneugunem horlekhe lagagi iti hiniluat o.

Filipi 4:3

Nen, hat nagarlak ageikhe Allah ayabu nipisak hunik motok hagakhe lago etnogo, it humi inebe pere iti yomageisanogoluk yokhikhi iti o. It humi iti inom, ap Klemen etnogo inom, it ato an ninom Allah ayabu opakiat hagakhe lago meke emenogo inom, hano wene ninobatnerogon ninom yogeisilik nekhe lago meke ninetaga tomok, at Allah aruesika baga naburlal-haburlal hagarinabigin meke inetaga holal waganogo 'bekherek etnogo baga, waganek werek.

Kolose 4:18

Yi anek he, an Paulus nekaerek niki nen holal waganogo heagei wathinakhi. Hit nen he, “Paulus iki herle warek werek,” iluk noba eberek dogono o. Allah obabut hano etnogo nen hakhisik dogoak o.

Kolose 4:3

Sembayan ekhe dogolik, nit ninobasik, men ekhe dogono, “Allah ninopase. Wene Kristus nen hagakhikhe wene, alep hakla limago welageikhe meke etnogo, it Paulus lak nen yogeisilik nekhe dogoagaluk, thu hualisano,” iluk, sembayan nit ninobasik ekhe dogono. Wene iti hasigat niki herle warogo 'banhama yoma welagei.

1 Tesalonika 5:5

Akhuni o dikene lia baga welageikharek hak, hit tha'bokhogonat lia iti iteerek mekeat welagap o. Nit he, o hibako mummo welageikharek hak, iti meke iteerek welago 'buk. Dek o.

2 Timotius 1:8

Itithogon wokhisekherek iti, ninoe Etagapogot abok akhuni aperek yogeisausak hekarli dekhogon pakhogonat yogeisigik, nen, an at hasigat niki herle warogo 'banhama welagei yi hasik, hekarli dek halonhogo welageik, hagakhe dogono. Itithogon hagakhe dogolik, akhuni aperek nen hano wene iti hasik, yi aik ti aik hagatninakho korlegat, an Allah obatne baga welagarek hagat, hobakhanini hapugutdiluk dogono.

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

Filemon 1:13

An hano wene yogeisilik nekherek iti hasik niki herle warogo 'banhama werek korlek hat nen yomakneekhe dogou hak, hobolukmo at nen yomakneekhe dogoagaluk ebe hakhausak mekeat he,

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

1 Petrus 4:13

At Allah nen Kristus ebe thelekmaat la'i agunem, hogorasugun itinem, hinakla arleken akhauwogoluk, hinakla nen, “At Kristus oba yi aik ti aik hilik hilik watlageikhe hak, nit at ninom hunik dogolik itithogonat hekhe lago,” iluk hinakla arleken akhekhe dogono.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

2 Petrus 1:13

At ninoe Etagapogot Yesus Kristus nen yoknikhikhe hagat, an nebe naburlal meke elanma hasik welagei yi, nokorlogo here'isalok ibat ligin horogat welagei, iluk an nilu welagei iti nen, yogotak nebe niluk welagei ya baga, wene iti hasik hinakla eberogo yokhisekho motok dogosak apekhe lagei o.

1 Yohanes 3:14

Allah nen ninebe watlageikharekma nen wokninabiluk iniluk welageikharekma 'binanhemo welago iluk, nit-nit ninagarlak lak ninerugi ninom nakmu-hakmurogon welago iti nen hutdekhe lago o. Halok he, tha nen akhuni aperek akmurogon dek, a'it welagarek meke iti ebe watlageikharekma etomaat werek o.