Filipi 1:23 - ALLAH ANE WENW KET MEKE WAROGO WOKNINAKHIKHE WENE

²³ An hagasusak meke wene pere werek iti nen, netaiken pere ariogo. An watlatluk nen, Kristus nipisak dogoumo hano. Ebe hano motok itiat o.

Filipi 1:23 Iomraidhean Croise

Lukas 12:50

Akhuni yoma ima usa'isiliogei hak, an yi aik ti aik hagatnabugun meke re, aban werek korlek, nakla weak motok welagei.

Lukas 23:43

at Yesus nen, men yogokhikhe, “O yogotak yiat nipisak o hanoma etoma lalok dogogun o, iluk eberogonat yokhikhi o,” iluk yogokhikhe.

Lukas 8:38

Wisigiluk hagakhunem, ap mokat inobabut weak meke akla ukisikhesikmo mukhogo ula'isikhe meke etnogo nen, men isikhe, “Noe. Nipisagat nekhe dogouok nen, luok o,” iluk, ane a'buarek ane Yesus yogokhikhe meke re, at Yesus nen, “Dek o,” iluk aila la'ekhe dogolik,

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 14:3

An o etoma arat lalok hit hinaila arat karelogo 'biluk nen, an dogoginmo etoma ninom dogouok nen iluk, napuke wokhinabi isigin o.

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

La'isasikhe 7:59

'Biluk nen, ebe helekit oba wakhe korlek, at Stefanus etnogo Yesus etaga palhe dogolik, “Yesus noe. Nagoreke hat nen woknabi me o,” iluk isikhe.

2 Korintus 5:8

Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

2 Korintus 6:12

Nit nen hit hinobasik, ninakla wene itithogon lia'agosik welago mekeat he, hit anek he, nit ninobasik hinakla akin welagap o.

Filipi 1:24

Meke re, an hit hinobasik agat oba yoma dogosak hanoat o.

1 Tesalonika 2:1

Nagarlak lak nerugi. Hit hinakla nen, “It Paulus lak ninoba wagoukha iti, we yugunat alomarogo wageidek,” iluk, hinekaerek hiniluat o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Tesalonika 4:17

Yabokane nit niniluk dogogun meke ninomat oisa akla hotnokhogon woknisik dageiluk nen, ninoe Etagapogot ninom turlem upu etoma abuk asi dageiluk nen, at ninom motogat dogogun o.

2 Timotius 4:6

Akhuni nen an nebe Allah hasik namep ulabogo nasugun oba arat hakok i aga o. Itithogon nasugunmo, an nebe nopase oba lausak tak-tagat agama welagei o.

A'bikaka 14:13

Wene itithogon isinem holhirik oba nen, yabokane, pogot oba nen ane men yoknikhunem nasuk holhi, “Yogotak akhuni ninoe Etagapogot inom hunik dogolik, at hasik hano hagakhunem inasugun meke, inakla motok arleken akhagun o, iluk holal waganogo 'bino o,” iluk yoknikhunem Allah Agoreke pogot oba nen ane kokhogon men yoknekhe, “Iti eberogonat o. It akhuni iti Yesus obasik thet wiik-weakhogon yabu hagakhe lageikha meke iti, ebe hagakhukha meke wolok lugun iti nen he, thet hano walugun o,” iluk yoknikhunem nasuk holhi.