Filipi 1:15 - ALLAH ANE WENW KET MEKE WAROGO WOKNINAKHIKHE WENE

¹⁵ It iti aperek nen inakla korlo atluk, an noba ua palhe dogoligat, yogeisiliogei iti o. Meke re, it aperek nen inakla hano dogolik,

Filipi 1:15 Iomraidhean Croise

Matius 23:5

It nen yi meke ti meke hagariogei iti tha'bokhogonat, Akhuni nen 'bitnisik dogoak, iluk, inakla apekhe dogolik hagariogei o. It nen, Sembayan ekhe lagei, iluk, Allah ane thuesika baga holal waganogo inilhaoak oba herle wakharek etnogo, it nen kokhogon wakhik, su itikmanke meke ninat ikharek etnogo, it nen su erageik uanhogon ikhik,

La'isasikhe 10:36

Meke re, nit akhuni tha'bokhogonat ninoe Etagapogot Yesus Kristus nen dapukhogon 'binanuagaluk, wene hano wene iti, ebe nit akhuni Yahudi meke ninoba la'i ageikhe iti hinilu o.

La'isasikhe 11:20

It itithogon hagakhe lagoukha mekeat, it aperek inom lo lagoukha meke inai, o Siprus meke men, o Kirene meke men, o kota Antiokhia wagoukhasik, wene hano wene ninoe Etagapogot Yesus hagakhikhe wene iti, it akhuni inukuloak etaga Yunani meke yogeisasukhaat.

La'isasikhe 5:42

Dukhisukhasik, it emenogo nen Allah ai halekma ukigik, akhuni inailake ukigik, hagakhe dogolik, “Allah nen, Ap ageikhe nen akhuni tilhinabuagaluk ayoko 'biluk la'isigin, isikhe etnogo, ebe Yesus Kristus itiat o,” iluk Yesus nen hagakhikhe wene, hano wene etnogo thogotdigidek hunik-hunigat yakulisigik, yogeisigik, nekhe lagoukha.

La'isasikhe 8:35

Itithogon yogokhikhemo, at Filipus nen hano wene Yesus hagakhe lageikhe wene yakulisigiluk, wene erlo holal waganek iti baga nen pilinerogo yogorik usasikhe.

La'isasikhe 8:5

Itithogon yogeisilik laga dogolik, at Filipus o Samaira o kota kokma etoma wageikhesik nen, wene men yogeisasikhe, “Allah nen, Ap ageikhe tilhinabuagaluk la'isigin, iluk abok yoknisasikhe etnogo, ebe la'i agama wagasik itithogon hagakhe,” iluk abok yogeisekhe lageikhe.

La'isasikhe 9:20

Itithogon welagoukha itinemat, o it akhuni Yahudi meke sembayan ekhe lagoukhama ukisikhesik, wene Yesus hasik yogeisekhe dogolik, “At Yesus iti, ebe Allah a'burat o,” iluk yogeisekhe lageikhe.

Roma 2:8

Itithogon mekeat, it akhuni aperek nen inekaerek hasik anek hagakhe dogolik, ebe wene isinem inasuk hologo hagakhidek here'isalok, weak wene anek inasuk hologo hagakharek meke iti, Allah akla aga hetpet dageilik wene kokhogon inoba 'bigin o.

1 Korintus 1:23

nit anek he, Kristus o harokhogon oba meldiluk wakhukha wene etnogoat yogeisekhe lago. Yogeisugunem, it akhuni Yahudi meke nen, “Wene iti weak,” iluk kolelogo herek'isigik, nen, it akhuni itikmanke meke nen, “Wene iti, akhuni kepu meke nen egarek hakene iliogei,” iluk here'isigik, iliogei o.

1 Korintus 13:3

Yi meke ti meke an nikimo meke tha'bokhogonat akhuni inameke dek meke supurisigik, nebe motok warogo hali noagaluk neram nenat hagakhik, hagakhe dogolik mekeat he, akhuni aperek inebe nakmurogon dogogin dek halok he, we yugunat alomarogo hagakhe dogosak o.

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

2 Korintus 11:13

It iti, Kristus nen inayoko 'biluk la'isa ageikhe meke 'buk. At nen la'isa agarek meke negen hagatlatluk witluk akhuni nukhetdisiliogei mekeat o.

2 Korintus 12:20

An yabokane hinoba wisigin iti witluk nen, an nen, “It inobabut hano werekma ligin,” iluk apekhe lagei hak, dek. Weak werekma 'bithisa ageik, nen, hit nen, “At Paulus obabut hano,” iluk egethep hak, dek. Weak dogolik 'bithisa ageik, hagasunogo iluk, nelabut hiriogo. Hit-hit hinom wene yakhik, ua palhik, hinakla aga dageigik, hinekaerek hasik anek hagakhik, inabok weak thelekma palhik, limago palhik, hinekaerek nen hogorakhigik, yugunat-yaganat hagakhik, hagakhunem an wisusak iti, nayuk.

2 Korintus 4:5

Wene yogeisilik nekhe lago iti, ninekaerek hagakhorek wene 'buk. Dek o. At Yesus Kristus hagakhikhe mekeat o. At Yesus ebe ninoe Etagapogot iluk, nit at hasik hit hinatuaneke welago, iluk yogeisogorek iti.

Galatia 2:4

Itithogon mekeat he, it aperek nen he, ninagarlak lak Allah a'buri meke negen hagatlatluk lelokhogon limago ukitluk nen, oado aperlagap paluagaluk isukhaat. Itithogon limago ukitluk nen, nit Kristus ninom opakiat atluk ninasokneat dogolik ninobabut hagakhorek meke iti, it nen, “Erlo nikithogon nen hagatlageikhasik hagariogei,” iluk erlo herasuogoluk uki agoukha iti. Itithogon herakhukhasik inapma 'binaniluk, it hagakharek meke iti hagakhe dogoagaluk inileken 'bitnisa uki agoukha iti.

Filipi 2:3

Yi meke ti meke hagasuogoluk, hinakla nen he, “An anek hanorogon hagakhe dogogin,” iluk, hinekaerek nen hinalonhogon hagakhe dogogup o. Hinakla nen hogorakhigidegat, “It aperek hano. An he, erlok dek,” iluk, apekhe dogono.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.