Wene yi ipisak tak-tak, ap ageikhe aila nen o walegat lagaluk, atuaneke aila therogo dogoagaluk 'bisalok lagarek. Lagaluk, atuaneke emenogo inayabu dopok supusogo wogeisekhe dogolik, Hat ageikhe yi hagakhe dogono. Hat ageikhe yi hagakhe dogono. Hat ageikhe nai holagapema thuam welagatek meke yi, hileken hanorogo dogono, iluk supusogo wogeisalok lagarek hakeneat o.
Filipi 1:1 - ALLAH ANE WENW KET MEKE WAROGO WOKNINAKHIKHE WENE1 Hit Allah a'buri Kristus Yesus hinom hunik dogolik, o Filipi welagathep meke, hinebe tha'bokhogonat inom, hinougi Allah a'buri hakhisik welageikharek meke inom, Allah a'buri yomageisegarek meke inom, nagarlak lak nerugi. An Paulus Timotius nipisak nen Kristus atuaneke dogolik wene holal waganogo hinoba la'i ago iti o. Faic an caibideil |
Filipi 1:1
48 Iomraidhean Croise
Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.
Itithogonat, at Petrus nen men yogeisasikhe, “Etai holal waganek etaga Mazmur etnogo baga men isukha, O at werekma aila tho bon asuak. Ap ageikhe at aila etoma inebe degat dogoak o, iluk holal waganhukha. Nen, ageikhe men isukhaat, At ebe iteerek welagarek meke iti ap ageikhe horloak o, iluk isukha.
Domba therisik welageikharek iti hak, hit nen Allah a'buri therisik dogoagaluk, at Agoreke nen hinayoko 'bisikhemo, therisik dogolik, hinekaerek hinobabut hebelogo dogono o. Itithogon hinobabut hebelogo dogolik nen, Allah a'buri yoma, at ekaerek a'but amep oba woginakhikhemo inebe at ekaerek a'buri werek, iluk hanorogo therisik dogono o.
Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.
Nagarlak lak nerugi. An Paulus Allah akla apasikhe baga, Yesus Kristus nen nayoko 'biluk la'ani ageikhe meke etnogo, ninagarlak Timotius etnogo nipisak nen hit Allah a'buri o Korintus natogokhethep meke inom, o propinsi Akhaya etoma ya ta welagathep meke tha'bokhogonat inom, wene yi holal waganogo hinoba la'i ago iti o.
Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.
Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.
Hit Allah a'buri o Tesalonika natogokhe dogolik, ninopase Allah inom, ninoe Etagapogot Yesus Kristus inom, hinom hunik welagap meke, nagarlak lak nerugi. An Paulus, Silas Timotius ipisak ninom nen, wene yi holal waganogo hinoba la'i ago iti o. Ninopase Allah obabut hano etnogo nen hano meke wokhisigik, hinetaiken hapugutdinagagik, hagakhe dogoak o.
Hit hinoba aban wageidek o Filipi etoma werekma, akhuni etoma meke nen inakla erlok degetdinaniluk yi aik ti aik hagatninakhe lagoukha. Itithogon mekeat, ninopase Allah nen ane hano wene etnogo ninayuk dekhogon yokhisasuagaluk hagatninakhikhemo wagagusik yokhisasi werekma akhuni doalegat nen, “Wene iti nina'it o,” iluk, ekhe korlegat, ninobatnerogo yokhisekhe lagagu etnogo, hiniluat o.
At wisigin itinem ebe wagunem, ekaerek a'buri inetaiken at oba hakotdiluk welageikharek meke nen, at ebe hogorakhik, agugerakhik, hagasuagaluk wisigin iti o. Nen, nit nen wene iti ninilu meke pakhogon yokhisa agagumo, hit nen, “Eberogonat o,” iluk waganhigip iti nen, hit ninom nenat, at hogorasugun o.
Iti hagat he, Allah a'buri meke yomageisekhe dogoagaluk, inobabut yi hakene meke meldisausak. Inilaga yamukthek meke halok, inane pere egarek dek meke halok, anggur eken apusu nasi motok dek meke halok, uang, yi meke ti meke, hano meke, “An meke anek dogolep,” apegarek dek meke halok, meldisausak o.
Titus na'but o. An Paulus nen, Allah atuaneke dogolik, akhuni at nen wenageinakhikhe meke inetaiken at oba hakotdiluk werekma ago watdisigik, nen, nit at apma dogolik ebe wene yakulisekhe lago wene etnogo hutukhogon inilu asuagaluk yakulisigik, hagasuagaluk Yesus Kristus nen nayoko 'biluk la'ani ageikhe meke etnogo nen, wene yi holal waganogo hoba la'i agei iti o.
Ap Allah a'buri aperek therisik dogolik, Allah hasigat hagakhe dogogin iti nen, it aperek nen wene oba 'iliogei dek meke halok, meldusak o. At nen he, “It aperek isinem weak. An igi anek he, hano,” iluk, ekherek dek meke halok, akla aga horok hakokthek dek meke halok, i anggur eken apusu oba labu'buk nekerek dek meke halok, akla aga horogot awulagam hagakherek dek meke halok, “Uang, yi meke ti meke an anek noba dogolep,” iluk, apekherek dek meke halok,
Filemon nagarlak o. Nagarlak nipisak Kristus obasik hagakhorek meke hebe nakmu o. An Paulus, Kristus Yesus obasik niki herle warogo 'banhama welagei meke etnogo, ninagot Timotius nipisak nen, hat hebe inom, Allah a'buri aperek hat haila natogokharek meke inom, nineru Apia inom, ninagot Arkhipus, wim yakherek hak, Allah hasik ninom ninobatnerogon hagakhe lago meke etnogo inom, wene yi holal waganogo hinoba la'i ago iti o.
Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.
Nen, husagal ebe 7 meke niki ebeke hago werekma hegen etnogo inom, lampu yibakharek meke isok tilik ebe 7 meke emas meke hagarek inom, hileken hegen etnogo, wene limago wene meke iti, pakhogon yokhisik o. Husagal ebe 7 meke hegen iti ebe re, it malaikat Allah a'buri gereja 7 meke natogokharek meke therisik welageikharek iti hisegen o. Nen, lampu yibakharek meke ebe 7 meke iti ebe, it Allah a'buri gereja 7 meke natogokharek meke itiat hisegen o,” iluk yoknekhe.
Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.
Wene itithogon yoknekhesik nen, yabokane yoknekhe dogolik, “An karok elak ebelak-ebelak mago meke nikimo hago welagei meke etnogo nen wene yi yokhisik, At malaikat Allah a'buri o Pergamus natogokharek meke emenogo therisik welagarek meke etnogo, wene an nen yogosigin meke yi, hat holal waganogo oba la'in o,
Itithogon yoknekhesik nen, yabokane yoknekhe dogolik, “An he, erloma nen logat ekapul oba motogat dogogin meke etnogo arat watlagagisik nen yabokane niluk agagisik welagarek meke etnogo nen, wene yi yokhisik, At malaikat Allah a'buri o Smirna natogokharek meke therisik welagarek meke etnogo, wene an nen yogosigin meke yi, hat nen holal waganogo oba la'in o,
Itithogon mekeat he, at nen men yoknekhe, “A! An itithogon hogotnabusak dek o. An nebe, hat men, hagarlak lak aperek at Allah ane yogeisegarek meke men, it aperek inebe tha'bokhogonat wene holal waganek yi inasuk hologo mothogon hagakhe dogogun meke men, ninom tak-tak, ninebe at Allah atuaneke anekma, hetaiken at Allah oba hakotdiluk, at anek hogorasusak o,” iluk yoknekhe.
Sanasan