Filemon 1:10 - ALLAH ANE WENW KET MEKE WAROGO WOKNINAKHIKHE WENE

¹⁰ Iti, an niki herle warek dogolik, at Onesimus etaiken Kristus oba hakotdekhe iti nen, ebe na'but hakene hagatlageik, an nebe at opase hakene hagatlageik, hagatlagosik nen, at ebe waganinogoluk yokhigi o.

Filemon 1:10 Iomraidhean Croise

Markus 9:17

it akhuni doalegat natogokhukha meke emenogo ap ageikhe nen men yogokhikhe, “Noe. An na'but yi mokat obabut weak meke akla ukekhesik werekma ane kut dek ageikhemo nen hoba wolok wagei o.

Roma 12:1

Nagarlak lak nerugi. At Allah ninebe akmu iluk wene ageikhe hinakla kagalik. Allah ako warekhe lagoukha hak, hinebe hiniluk mekeat, at ekaerek hasik 'bisalok, at akla hanorogo wogokhe dogono o. At apma dogolik, at hasik hagasusak meke itithogonat hagakhe dogono o.

1 Korintus 4:14

An nen holal waganhe lagei yi, hit hinekarli wasigiluk waganhe lagei 'buk. Hit hinebe an ebeat na'buri meke negen nakmu dogolik hinasuk wakhe lagei o.

1 Korintus 4:15

Hit Kristus hinom hunik werekma, ap wene yakulhisiliogei meke inebe 10.000 doalegat werek mekeat he, hinopase re, doalegat 'buk. Ina'buri itaginakharek hak, an nenat wene hano wene iti yokhisa agagisik Kristus Yesus hinom hunogo 'binagasigimo welagap iti baga, hinopase narligat agagisik welagei o.

Galatia 4:19

Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.

Kolose 4:9

At ipisak wisuagaluk, ninagot Onesimus, ebe ap hit meke obabut hupunhek ninakmu meke etnogo, ipisagat la'isasigin iti o. It witluk nen he, wene nit yoma hagakhe lago meke tha'bokhogonat yokhisasugun o.

Titus 1:4

Titus na'but o. Hetaiken nit ninom tak-tagat Allah oba hakotdiluk welagan iti baga, an nekaerek na'but harat agagin iti o. Ninopase Allah inom, ninoe Kristus Yesus tilninakherek meke inom, ipisak inobabut hano etnogo nen, hano meke wokhigik, hetaiken hapugutdageigik, hagakhe dogoak o.

Filemon 1:11

At alebageik, hat hasik hanorogon hagasusak meke erlok dek negen welageikhe meke re, yogotak hat hasik anek 'buk. An nipisagat hasik hanorogon hagatnisekhe dogogin meke erlogat werek o.

Filemon 1:13

An hano wene yogeisilik nekherek iti hasik niki herle warogo 'banhama werek korlek hat nen yomakneekhe dogou hak, hobolukmo at nen yomakneekhe dogoagaluk ebe hakhausak mekeat he,

3 Yohanes 1:4

Itithogon isinem an nen yi hasik ti hasik nakla arleken herlekha'bugat negen akhegerek mekeat he, hit hinebe an na'buri nen ebe wene herogo dogolik, hano mothogon hagakhunem nasuk holherethek nen, nakla arleken motok kogat akhegerek iti o.