LUKAS 9:51 - ANKANKINEM ḆEḆYE RO FAFISU INE

⁵¹ Fafisu fyanam kwar fa Yesus ḇyeḇekano ḇe boiyaswa, kyara namuk fa ryaḇe Yerusalem.

LUKAS 9:51 Iomraidhean Croise

MARKUS 16:19

Fyor Yesus dawos rarirya yoḇ si raimnai, diryor ḇe boiyaswa ma Kyain ro Allah ḇar raku Ḇyedi.

LUKAS 12:50

Nari yasma kandera ḇefnakḇa ma sne yedi ḇyefesfyas, rofyor roi ḇeḇesya ani ryama ḇaim!

LUKAS 13:22

Rofyor oso Yesus imbran ḇe Yerusalem, dunuk ro mnu ḇe mnu ḇo ḇyuk farkarkor.

LUKAS 17:11

Ro Yesus mararan ḇyedi ḇe Yerusalem, imbrasye yawek ḇeyawas Samaria ma Galilea.

LUKAS 18:31

Yesus dor manfamyan samfur seser risuru ḇyesya, ma ikofen farosi: “Insape koraḇe Yerusalem ma roi ḇeḇor nabisya sfas fa ḇekur Rumkun Snonkaku ani nari namnis.

LUKAS 19:11

Yesus dawos pdef wos ḇyena faro ḇemnafi ro diansya, kuker wos sarḇer oso, snar fyanam kwar ḇe Yerusalem ma kawasa ansi skara ḇo soḇo nari Allah Ḇaḇesasoser ḇyedi ifyafer fasaw.

LUKAS 19:28

Yesus dawos raposa, pyonsi ro maran ḇyedi ḇe Yerusalem.

LUKAS 24:51

Ma fafisu ḇyeḇoksi, ḇyeḇekanow ḇe boiyaswa ma ibursi.

LUKAS 9:57

Fafisu Yesus ma manfamyan ḇyesi simbran pdef marandan sedi, snon oso ikofen faro Yesus: “Nari yaso au, ḇemoḇ rosai waḇe rwayoḇna.”

YOHANES 13:1

Ras oser wer munara Paskahya ḇyeḇefrur, Yesus ifawi kwar, mboi fafisu ḇyedi ryama kwar fa ibur supswan ine faro kmari. Imnis raris iswar manfamyan ḇyesi rarirya baboine iswarsi isof papupesya.

YOHANES 16:28

Yarama ro Mami ma yarama ḇe supswan ine; yabur supswan ine wer ma yara faro Mami wer.”

YOHANES 16:5

ḇape baboine nari yakaḇer faro ḇewan aya kwarya ma mkono osero ḇaḇeri ḇefuken maro aya: Waḇe rwa ḇeso?

YOHANES 17:11

Ma aya isya ro supswan ine werḇa, ḇape sikada sisya kaker ro supswan ine, ma yara mufaḇe aw. O Mami ḇesren, fadurusi ro snonsnon ḇedi, isoine snonsnon bedi bema ḇe aya kwar; insa sḇeoser imnis raris Ko.

YOHANES 6:62

Ma rariso rofyor mkomam Rumkun Snonkakuya dekḇe moḇ randakya isya roya?

FARFYAR RO MANWAWANSYA 1:2

isof ro ras ḇyeḇekanow ya. Fafisu ḇyeḇekanow ḇaim ḇyuk sasoser kwar kuker papoik Rur Ḇesren faro manwawan kyimfir kwar ansi.

FARFYAR RO MANWAWANSYA 1:9

Yesus dawos rarirya posa, ḇyeḇekanowḇo sesaksi kam, ma mandifna nakawef i bur mamam sena.

EFESUS 1:20

ḇyuki ifrur rofafisu ḇyawes Kristus rofandu ḇemarsya ma ḇyeifa kyain ro ḇar raku ḇyedi ro boiyaswa,

FILIPI 3:14

ḇape moḇ yafararur raiso ine: yafanander rosai ḇero ḇarpur ayedi kwar ma yamamker monda faro rosai ḇero ḇarpon ayedi, ma yafrar faro yasma sasuref, isoine fararyor ro boiyaswa ro Allah snar Yesus Kristus.

1 TIMOTIUS 3:16

Ma kaku ḇeri kankunes ḇaḇeari koḇedi iba kaku: “Fyasna mankundi kwar ro ḇaḇesnonkakuya, Rurya fyasna irya kaku; ḇefasna mankundi faro malaikatsya. Ḇyeḇeḇaryas rofandu er-er ḇemamḇaḇir Allah ḇasya; ḇyeḇekyar ro supswan ḇesiper, ma ḇyeḇekanow ḇeboiyaswa.”

IBRANI 12:2

Mkorama komam monda faro Yesus, snar i ḇefnoḇek ko faro ḇaḇekakyarya faro i ro randakya isof papupesya! Ḇyefandun ḇa imar ro apropya imnis roi oso ḇefrur mamyai. Iswarepen monda marisen nari ḇyaḇir ro ḇarpurya. Baboine ḇyuk sasoser fnoḇek Allah ro ḇar raku karapesa nasanya.

IBRANI 6:20

Yesus syun fapyon ko kwar, rofafisu iso rarwas Melkisedek, ḇye Imam Ḇeba isof fyoro-fyoro.

1 PETRUS 3:22

ḇekain ro Allah ḇar raku ḇyedi, rofyor ḇyeḇekanow ḇeboiyaswa kwar ḇyuk sasoser faro malaikatsya kam, papoikna kam ma samambraḇna kam nkunem faroi.