LUKAS 9:11 - ANKANKINEM ḆEḆYE RO FAFISU INE

¹¹ Ḇape kawasa ḇeḇor sifawi i, inja siso i. Ismasi ma dawawos farosi ro Ḇaḇesasoser Allah ma ḇyuk pararei faro kawasa ḇeḇefandun pararesya.

LUKAS 9:11 Iomraidhean Croise

MATIUS 14:14

Fafisu Yesus ryande, myam kawasa ḇeḇor ansi ma iswar si, ḇo ḇyuk pararei faro ḇeduf si.

MATIUS 21:31

Mansei ro fandu romawa ansu ya ḇeḇeuser kmari marisen ḇyedi?” Skarem, ḇo soḇo: “Romawa ḇeḇesuru ya.” Yesus ikofen faro si: “Yakofen faro mko, kaku ḇeri ḇeyor som ma bin ḇefrur farḇuk nari spon mko fa ssun ro Allah Ḇaḇesasoser ḇyedi.

MATIUS 21:43

Rarirya yakofen faro mko, nari Allah Ḇaḇesasoser ḇyedi ḇye ḇeyun bur mko ma nari ḇye ḇeḇuk faro er oso ḇeḇuk bon faro Ḇaḇesasoser ani. [

LUKAS 1:53

Ḇyuk faro snonkaku ḇebisersya, roi ḇeborkam, kuker farsbawer, ma iwan snonkaku ḇenanasyafa sibur beidi.

LUKAS 5:31

Rarirya Yesus kyarem faro si ma ikofen: “Snonkaku ḇeprei sya sefandun ḇena monsya ḇa, mboi ḇedof sya kada;

LUKAS 8:1

Posa kwar fyoroba Yesus imbran yar ro mnu ḇe mnu ma ḇyaryas Ankankinem Ḇeḇya ro Ḇaḇesasoser Allah. Ma manfamyan samfur seser risuru sifnoḇek i,

LUKAS 8:10

Inja kyarem: “Faro mko kada mkosma fakamaman fa mkofawi kankunes ro Ḇaḇesasoser Allah, ḇape faro snonkaku ḇese roi ḇeḇesya ani ḇyeḇeḇuk kuker sarḇer, insa smam ḇoi seknaḇa ma srower ḇoi sifawi naḇa.

LUKAS 9:10

Rofyor wawan ansi skaḇer sfarfyar faro Yesus rosai sifrur kwar na. Raimnai Yesus dunsi ma sraḇe mnu oso ḇenirḇe Betsaida, isof semir monda fnoḇek Yesus.

LUKAS 9:12

Fafisu mandiraya manfamyan samfur seser risuru ḇyansi srama faroi ma sikofen ḇo soḇo: “Wawan kawasa ḇeḇor ansifa sibur, insa sraḇe mnu-mnu ḇefanam nane fa ssewar moḇ seryar ro ma roḇean, snar koisya ro moḇ ḇeḇeusḇa.”

LUKAS 9:2

Ma iwansifa sḇaryas Ḇaḇesasoser Allah ma ssḇuk pararei faro snonkaku,

YOHANES 4:34

Yesus ikofen farosi: “Roḇean ayena isoine yafrur marisen ḇewan ayanya ma yaḇeimnis fararur ḇyuk ḇe ayanya.

YOHANES 6:37

Roi ḇeḇor kam Mami ḇyuk faro aya, nakam nari ndama faro aya, ma mansei nari ḇerama faro aya, nari yasaweni ḇa.

FARFYAR RO MANWAWANSYA 28:31

Kuker isnai kaku ma royo idwarek ḇa ḇyaryas Allah Ḇaḇesasoser Ḇyedi ma ḇyuk farkarkor ḇekur Manseren Yesus Kristus.

ROMA 10:14

Ḇape rariso snonkaku sor Manseren, rofyor sikyar ḇaim? Ma rariso siḇe sikyar faro Manseren, rofyor simnaf Allah ḇaim? Rarirya kako rariso nari simnaf Manseren, rofyor ono sḇaryas faro siḇaim?

ROMA 10:17

I eḇedar snonkaku sikyar snar simnaf ḇararyas ma ḇaryas ani simnafi snar snonkaku ono sisya sḇaryas ro Kristus.

ROMA 15:3

Snar Kristus kako kyara raryaḇ faro mankundi ḇardiḇa. Ro Refoya sfas radine, “Anonef ḇeḇor ssḇuk faro mko nkur aya kwar.”

2 TIMOTIUS 4:2

Baryas Allah wos ḇyedi, fasos rofafisu ḇeḇye roḇa fafisu ḇesamswen, fasna rosai ḇesasar, wasonek ma buk ananun kuker kaḇaḇaḇ ma farkarkor.

IBRANI 4:16

Rarirya komkak ḇa kora faro Allah ḇeḇuk sasoser kuker snemura. Nari Allah iswar ko ma ḇyeḇok ko ma kosma fafnoḇek, rofafisu koḇefandunya.