LUKAS 8:21 - ANKANKINEM ḆEḆYE RO FAFISU INE

²¹ Ḇape kyarem faro si: “Awini ma naek ayesya siso, ḇemnaf Allah wos ḇyena ma ḇefrur na.”

LUKAS 8:21 Iomraidhean Croise

MATIUS 17:5

Ma rofyor Yesus dawawos kaker, kuker arḇeḇer mandif ḇesna oso isabu fa iswoḇer sko ma ro mandif ani skomnaf mkaren oso ikofen: “Ine Rumkun yaswar kakurirya, faro I sneri imarisen, iḇye mkomnaf I.”

MATIUS 25:40

Ma Wairek ani nari kyarem faro si: Yakofen faro mko, kaku ḇeri roi ḇeḇor kam mkofrur faro oser ro fandu naek Ayesi ḇeḇenyawa ḇa sine, irya mkofrur kwar maḇe Aya.

MATIUS 25:45

Ma nari kyarem faro si: Yakofen faro mko, kaku ḇeri roi ḇeḇor rosai mkofrur ḇa faro naek Ayesi ḇeḇenyawa ḇa sine, rarirya kako mkakfrur na faro Aya ḇa.

MATIUS 28:10

Rarirya Yesus ikofen faro su: “Mumkak awer. Mura mukofen faro naek Ayesi, insa sra ḇe Galilea, ma ro diwa nari smam Aya.”

LUKAS 8:15

Ḇesapi ro saprop ḇeḇye isoine snonkaku, ḇemnaf wos anna kwar, ḇekram na ro sne kuker ḇaḇye ma nasasyar bon ro ḇaḇefarmkuya.”

LUKAS 8:20

Snonkaku sikofen ḇadir faroi: “Snami ma naek bansi sisya ro ḇandi ma simarisen sisrow au.”

YOHANES 13:17

Rofyor mkofawi roi nane kam kwar, ma rofyor mkofrur na ido, aski faro mko.

YOHANES 20:17

Yesus ikofen faroi: “Pan awer ro aya, snar yara faro Mami ḇaim, mboi rwa wakofen faro naek ayansi, mboi insape yaḇe yara faro Mami ma Kma mko ḇedi, faro Allah ayedi ma Allah mkoḇedi.”

2 KORINTUS 5:16

Iso eḇedari, nkokara snonkakusya werḇa imnis warnkyara snonkaku. Randakya nkokara Kristus kwar roḇar snonkaku, ḇape baboine roḇa kwar.

2 KORINTUS 6:18

Nari yaḇe Kma faro mko, ma nari mkoḇe romawa maro aya, Manseren ḇepoik kaku ikofen rarirya.”

YAKOBUS 1:22

Ḇape mkuffarmyan wos ani ma mkorower monda awer; snar rarirya ḇaido mkoḇeankar mankun mko.

1 YOHANES 2:29

Mkofawi kwar Kristus ikenem ma iso Allah marisen ḇyedi. Snar rarirya mkofawi kako snon oso ikenem ma iso Allah marisen ḇyedi, ikada Allah romawa ḇyedirya.

3 YOHANES 1:11

Naek ayedi yaswar kaku, waso awer rosai ḇeḇye ḇa. Mboi waso rosai ḇeḇye. Mansei ḇefrur roi ḇeḇye, ḇyeknam ro Allah. Ma mansei ḇefrur roi ḇarḇor, isoine isrow Allah ḇaim.