LUKAS 8:13 - ANKANKINEM ḆEḆYE RO FAFISU INE

¹³ Ḇesapi ro saprop ḇeḇe karui isoine snonkaku, ḇemnaf wos anna, sisma na kuker raryaḇ, ḇape wos anna nerares ḇa, sikyar knik monda ma rofafisu faraurowes sisusubur kakyar sena.

LUKAS 8:13 Iomraidhean Croise

MARKUS 6:20

snar Herodes ḇyemaf Yohanes i snar ifawi Yohanes snonkaku ḇenapes ma ḇesren inja fyadiren i. Ḇape rofyor imnaf sap Yohanes sneri ḇyefisfyas, rarirya no imarisen imnaf i.

LUKAS 8:12

Ḇesapi ro nyan andir anna isoine snonkaku ḇemnaf wos anna kwar; ḇarpurya Ibirisya ryama ma dun wos anna bur sisnesna, insa sikyar awer ma sisma koreriḇa.

LUKAS 8:14

Ḇesapi ro manuk borek isoine snonkaku ḇemnaf wos anna, ma nasur pdef ḇape ḇaḇeḇirḇar ma ḇaḇekayan ma kankenem ḇaḇe marares, nepen na isof nbuk bon ḇembrai ḇa.

YOHANES 15:2

Snaw ayena ḇeḇuk bon ḇana kyaruk na mboi snaw ḇeḇuk bon na ifron sren na, insa namarem syadi wer.

YOHANES 15:6

Mansei ḇeḇeoser kuker ayaḇa, nari ḇyeḇesawen imnis snaw ma nari myas, ḇarpurya snonkakusya siryur na ma sisawen na ro forya fa nananem.

YOHANES 5:35

Yohanes imnis paramrom ḇesak ma ḇesnai ma mkokada mkomarisen knik monda sasnai ḇyedi.

1 KORINTUS 13:2

Rofyor yasma fakamaman faro yaḇaryas Allah wos ḇyedi, ma yafawi kankunes ro roi ḇeborkam, ma yafawi roi ḇeborkam; ma rofyor yasma kakyar ḇeba kaku isof yawan bon nafa nabur, ḇape yaswar snonkaku ḇeseḇa, rarirya yaḇefainda roi osoḇaḇeri!

1 KORINTUS 15:2

Rofyor naek waswarepen nako faro rosai yaḇaryas ani, rarirya Ankankinem Ḇeḇye ani ḇyuk koreri faro au; demir rofyor mkona na kuker kakyarḇa.

GALATIA 3:1

Sye, kawasa Galatia mkoyano, ḇemamkarkirḇa, mansei ḇeyawninyan mko kwar? Yesus Kristus ḇyeḇepaiepen kwar ro aprop ani ḇyeḇefasna kwar faro mko ḇake?

GALATIA 3:4

Roi mkosma kwar anna kam nefromoke? Nari nefromoḇa!

EFESUS 3:17

insa Kristus kyain ro mkosnemna snar kakyar mkoḇena, ma mkoḇe rares ma mkoḇe knam ro saswar.

KOLOSE 1:23

Inja nari mkodworen ro kakyarya, mkores faswef ma mkomarmer ḇa, ma mkorir awer kakyar faro Ankankinem Ḇeḇyeya, mkomnaf kwarya ma ḇyeḇeḇaryas kwar ro supswan ine, ma aya ine, Paulus, ḇeyuffarmyan faro i kwar.

KOLOSE 2:7

Ma mkoḇerares ro i ma mko ḇeḇeḇawes roi, ma kakyar mkoḇena nadworen syadi ro rosai sḇukfarkor mko, ma mkosnemna nafo kuker kasumasa.

1 TESALONIKA 3:5

Eḇedari yafarmku wer ḇa, mboi yawan Timotius, insa yafawi rariso kakyar mkoḇena, snar yaḇeḇirḇar rofyor mkosma fafrowes ro Ibirisya kwar ma nari ḇaḇesewar nkoḇeja ḇyefromo.

1 TIMOTIUS 1:19

Snonkaku ono sisampum sneuser ḇesren ani eḇedari kakyar sena ndo,

IBRANI 10:39

Ḇape nkoine nkoḇeoser kuker ḇaḇeoserya ma ḇeḇorḇa, mboi nkoine kawasa ḇekyar faro Allah ma ḇesma kankenem.

YAKOBUS 2:26

Snar imnis baken ḇena rur ḇa irya kakyar ḇemar rirya, rarirya kako kakyar fnoḇek fararur ḇa irya kakyar ḇemar rirya kako.

2 PETRUS 2:20

Ma smamḇaḇir Manseren ma Yesus Kristus, Ḇeḇuk korerima ḇeko, fyaspar mankundi kwar ro arwarem supswan, ḇape kyaḇer faro nawer, isof ḇarpurya kankenem sena naḇyeḇa syadi wer ro randakya.

2 PETRUS 2:22

Wos peper ine kyaku fafyasna rosai sifrurna, “Rofanya kyaḇer fadan ḇayorem ḇyena,” ma “Randip simasi kwar, nari kyaḇer fadaner i ro aner ḇyedi.”

1 YOHANES 2:19

Mbroḇ Kristus ḇyesi snonkaku ḇebur ko kwar, inja snonkaku koḇesisya ḇa. Snar sun ro rarwas koḇedi ido nari sisya kuker ko. Ḇape sisasyarbur ko, fyasnai oso ro si snonkaku koḇedisya ḇa.

YUDAS 1:12

Rofyor mkofrur munara nanan, snonkaku ansi sifrur mamas rofandu mko, snar simai ḇa sanan kuker masaḇsoḇ, ma sfandun mankunsi monda. Sikada simnis mandep wamya iwufpum, ḇape ssḇuk mekem ḇa. Sikada simnis ai knam ḇemarem ḇa rofyor mamaremya; ai knam spas rares na kwar inja nmasbos kaku.