LUKAS 8:10 - ANKANKINEM ḆEḆYE RO FAFISU INE

¹⁰ Inja kyarem: “Faro mko kada mkosma fakamaman fa mkofawi kankunes ro Ḇaḇesasoser Allah, ḇape faro snonkaku ḇese roi ḇeḇesya ani ḇyeḇeḇuk kuker sarḇer, insa smam ḇoi seknaḇa ma srower ḇoi sifawi naḇa.

LUKAS 8:10 Iomraidhean Croise

MATIUS 11:25

Ro fafisu ani Yesus isandik ma ikofen: “Yakofen kasumasa faro Au, Mami, Manseren nanki ma supswan, snar nakam wayokef na bur snonkaku ḇefawi nananem, ḇape ḇasna faro snonkaku waworek.

MATIUS 16:17

Yesus ikofen faro i: “Aski faro au Simon Yunus mandaḇen ḇyedi snar snonkaku riso ḇekofen ḇadir faro au ya ḇa, ḇoi Kma yedi ro boiyaswa.

MARKUS 4:11

Kyarem faro si ḇo doḇe: “Kankunes Ḇaḇesasoser Allah ḇyeḇeḇair kwar faro mko, ḇape faro snonkaku ḇese roi ḇeḇor anna neḇefarkor ḇe si kuker sarḇer,

MARKUS 4:12

insa: Se mka fa smam ḇape skara na ḇa, se kna fa simnaf ḇape sifawi kankunes ḇyeja ḇa, imbude simbror ḇo sisma ampun di.”

YOHANES 12:40

“Yafrur mkamor sena fa napraf, Yafrur sisnesna fa nedip; insa mkamor sena nmam awer, kakara sena nafawi awer. Insa skaḇer awer faro aya, fa yaḇuk parare farosi.”

ROMA 16:25

Sanandik faro Allah! Ikada ipok ḇyuk samambraḇ ma kakyar faro naek srar imnis Ankankinem Ḇeḇye ro Allah yaḇaryas kwar ro Yesus Kristus. Yaḇaryas ḇararyas ani imnis rosai Allah fyasna kwar; isoine roi Allah daw kwar ro wampasi wambarek utin-utin snonkaku sifawiḇa.

1 KORINTUS 12:11

Roi ḇeḇor anna Rur oser ani iso ḇefrur nakamya; ḇyuk fawawi ḇardi faro oser-oser raris Rur ani mankundi moḇ imarisen raya.

KOLOSE 2:2

insa sisnesna naprei ma sḇeoser ro saswari, isof sisma nana ḇeḇor kam ḇekur ḇaḇesnekin ro kakara, inja smambaḇir Allah kankunes ḇyedi isoine Kristus, sna nana ḇaḇemamkarkir ḇeḇor kam ma fawawi anna neḇeyokef ro Kristus.

1 TIMOTIUS 3:16

Ma kaku ḇeri kankunes ḇaḇeari koḇedi iba kaku: “Fyasna mankundi kwar ro ḇaḇesnonkakuya, Rurya fyasna irya kaku; ḇefasna mankundi faro malaikatsya. Ḇyeḇeḇaryas rofandu er-er ḇemamḇaḇir Allah ḇasya; ḇyeḇekyar ro supswan ḇesiper, ma ḇyeḇekanow ḇeboiyaswa.”