LUKAS 7:6 - ANKANKINEM ḆEḆYE RO FAFISU INE

⁶ Inja Yesus isosi ma srakam. Fafisu sfanam mambri ani rum ḇyedi, iwan bati ḇyesi onofa sikofen faro Yesus: “Tuan, bekandera awer snar aya ine yasyusḇa fa swun ro rum ayedi;

LUKAS 7:6 Iomraidhean Croise

MATIUS 20:28

imnis raris Rumkon Snonkaku ryama insa suf farmyan i ḇa, mḇoi insa duf farmyan ma insa ḇyuk kankenem ḇyedi fa ḇyukḇak namuk kawasa ḇeḇor.”

MATIUS 3:11

Yaḇuk masi sren faro mko kuker war imnis aḇyair marandor, ḇape ḇera papur aya Ikada Ipoksyadi ro aya ma yasyusḇa fa yaper roi ḇesower wemin ḇyesi. Ikada nari ḇyuk masi sren kuker Rur Ḇesren ma kuker for.

MARKUS 5:24

Inja Yesus iso snon ani. Kawasa donek ḇefnak ḇa sakso i, ma sifyos epen Yesus.

LUKAS 5:8

Ro fafisu Simon myam roi ḇeḇesya ani kyainwepur ma ḇyansuba ro Yesus ḇarpon ḇyedi, ḇo ikofen: “Manseren, wasusubur aya, snar ayaine snonkaku ḇesasar.”

LUKAS 7:4

Rofyor sisrow Yesus kwar, sor famfnoḇek ro Yesus ma sikofen: “Wafnoḇek snon ine,

LUKAS 7:5

snar ikada iswar er koḇesi ma iso ḇeḇawes rum ari nkoḇedi.”

LUKAS 7:7

knam ine eḇedarfa mankundaya yaramufa ḇe auḇa. Ḇape wakofen monda wos oser, nari manfyan ayani iprei.

LUKAS 8:49

Rofyor Yesus iwawos kaker, snon oso ro kina mananir rum ari ani ryama ikofen ḇo doḇo: “Romawa bani imar kwar, inja wafrur kandera awer Gurui.”

FARFYAR RO MANWAWANSYA 10:38

Rariso Allah ryemi kuker Rur Ḇesren ma papoik, iso, ḇembran yar-yar ma ḇefrur pyum ma ḇeḇuk pararei faro snonkaku kam rur ibiris iswoḇer si, snar Allah ifnoḇeki.

YAKOBUS 4:10

Mkorun mko ro Manseren ḇarpon ḇyedi, ma nari ikanow mko.

YAKOBUS 4:6

Ḇape saswar-fakamaman, Allah ḇyukma ḇeko, syambraḇ syadi ro marisen rur koḇesi. Rarirya ikofen: “Allah isampum ḇemarares, ḇape iswar ḇerun sisnesna.”