LUKAS 7:44 - ANKANKINEM ḆEḆYE RO FAFISU INE

⁴⁴ Ma isiḇer faro bin ani ḇo ikofen faro Simon: “Mam bin ine? Yasun ro rum bedi, ḇesyaḇo buk waro ḇyan wemin ayesuya ḇa, ḇape imasi wemin ayesu kuker mkaru ma ipyos wemin ayesuya kuker snonburyam ḇyena.

LUKAS 7:44 Iomraidhean Croise

LUKAS 7:38

Rofyor dores ro Yesus dokor ḇyedi fanam wemin ḇyesuya ma kyanes, ma ḇyan Yesus wemin ḇyesuya kuker mkaru ḇyena ma ipyos na kuker snonburyam ḇyena, raimnai isyum Yesus wemin ḇyesuya ma ryemi kuker mani spum ani.

LUKAS 7:43

Simon kyarem: “Yakara snon sipyos nyaki ḇeḇor ḇyenanya.” Yesus ikofen faroi: “Kaku ro kakara bedi.”

YOHANES 13:5

raimnai iwek war ro sayer oso, ma ḇyuki ḇyan manfamyan ḇyesi wemin sena ma ḇyunek kuker marḇun ḇefes ro sifer ḇyedi ani.

1 TIMOTIUS 5:10

ma sfasna ḇair sifrur fararur ḇeḇye, imnis sfaduru romawa, ssḇuk sim ḇeḇeryar faro dakam, suffarmyan snonkaku ḇena kakyar oser, ma sifnoḇek snonkaku ḇeyananjarsya – rarirya sifrur kaku ḇeri fararur ḇeḇyena.

YAKOBUS 2:6

Ḇape mkokoryae snonkaku ḇesabararsya kwar. Mkofawiḇake snonkaku ḇeḇekayan siso ḇeḇewayam mko ma ḇesmer mko ḇekankain karkara ḇenapes?