LUKAS 7:16 - ANKANKINEM ḆEḆYE RO FAFISU INE

¹⁶ Snonkaku ansikam simkak ma sisandik Allah, ma sikofen: “Nabi ḇeba oso syaye rofandu koḇedi,” ma “Allah ryakaki kawasa ḇyesi.”

LUKAS 7:16 Iomraidhean Croise

MATIUS 15:31

Rarirya kawasa ḇeḇor ansi sikandor snar smam awer sya sawawos, manis sya siprei, ḇepapipen sya simbran, ḇepraf sya smam, ma rarirya si sandik Allah Israel.

MATIUS 21:11

Ma kawasa ḇeḇor ansi skarem: “Ine nabi Yesus ro Nazaret ro sup Galilea.”

MATIUS 28:8

Subur fasau rus ani, kuker makakak fnoḇek raryaḇ ḇeba ma sufrar fasau fa sukofen ḇayir faro manfamyan Yesus.

MATIUS 9:8

Ma kawasa ḇeḇor ḇemam roi ḇeḇesya ani simkak ma sisandik Allah ḇeḇuk kwar papoik ḇerarirya faro snonkaku.

LUKAS 1:65

Rarirya snonkaku ḇekain yar-yar i sya simkak kam, ma roi ḇeḇesya anna kam nefarfyar pampyam ro bran Yudea ḇesiper.

LUKAS 1:68

“Sanandik faro Manseren, Allah Israel, snar ryakaki er ḇyesi, ma dun fasaspar farosi.

LUKAS 19:44

ma nari simkok aw fnoḇek kawasa besi ma arsen bedi karui oso kyon ro karui oso boriḇa, snar wafawiḇa fafisu rosai Allah ryakaki awya.”

LUKAS 2:20

Rarirya manfarandows ansi sibur kaḇer, ma sisandik Allah snar roi ḇeborkam simnaf ma smam anna, nakam namnis raris rosai sikofen kwar farosi.

LUKAS 24:19

Ifuken su ḇo doḇo: “Rosai ḇeḇesyaya?” Sukarem: “Rosai ḇeḇesya kuker Yesus snon Nazaret. Ima nabi rirya, ḇepoik ro fararur ma wos ro Allah ḇarpon ḇyedi ma ro ḇarpon er nkoḇesi kam.

LUKAS 5:26

Snonkaku ḇeḇor ansi sikandor, ma sisandik Allah, ma simkak kaku, ma sikofen: “Ras ine nkomam kwar roi ḇefrur kanandor ḇeba.”

LUKAS 5:8

Ro fafisu Simon myam roi ḇeḇesya ani kyainwepur ma ḇyansuba ro Yesus ḇarpon ḇyedi, ḇo ikofen: “Manseren, wasusubur aya, snar ayaine snonkaku ḇesasar.”

LUKAS 7:15

Ma snonkbor ani ikḇok ma kyain ma irandak dawawos, ma Yesus ḇyuki faro snari.

LUKAS 7:39

Rofyor snon Farisi ḇepos Yesus ani myam roi ḇeḇesya ani, ikofen ro sne ḇyedi: “Nabi riso ine kada nari ifawi, mansei ma bin sai ḇepan roi; nari ifawi bin ine bin ḇesasar rirya.”

LUKAS 8:37

Raimnai kawasa ḇekain ro sup Gerasa sor faro Yesus, insa ibursi, snar simkak mankenem. Inja Yesus dek ro waiya, ma skayun kaḇer.

LUKAS 9:19

Skarem ḇo soḇo: “Yohanes Ḇemasi, ono ḇese kako soḇo: Elia, ono ḇese wer soḇo, snon oso ro nabi-nabi ḇepon ansi ikḇawes kwar.”

YOHANES 1:21

Raimnai sifuken faroi: “Au rya ke nabi beramaya?” Kyarem: “Roba!”

YOHANES 1:25

Sifuken faroi ḇo soḇo: “Rofyor wairek ḇeḇuk koreriya iso awḇa, Elia iso awḇa, ma nabi risawḇa ido, snaro buk masi sren?”

YOHANES 4:19

Bin ani ikofen faroi, ḇo doḇo: “Manseren, insape yafawi aw nabi oso.

YOHANES 6:14

Fafisu snonkaku ansi smam aḇyair kanandor ifrur kwar ani, sikofen ḇo soḇo: “Kaku ḇeri inekada nabi nari ḇerama ḇe supswan ine.”

YOHANES 9:17

Raimnai sikofen wer faro snon ḇepraf ani, ḇo soḇo: “Mboi awne ido, rosai wakofen roi, snar ifrur mkamor ḇesuya fa mam kwar?” Kyarem farosi, ḇo doḇo: “Inido nabi rirya.”

FARFYAR RO MANWAWANSYA 5:5

Rofyor Ananias imnaf wos ani isapi ma imarbos beri. Inja kawasa kam ḇemnaf roi ḇeḇesya anine simkak fafayaḇa.

FARFYAR RO MANWAWANSYA 7:37

Moses anine kaker iso ḇekofen faro kawasa Israel: Nabi oso ḇemnis raris aya ine nari Allah ḇyausi faro mko ro fandu naek mkoḇesi.

GALATIA 1:24

Ma sisandik Allah snar aya.