LUKAS 6:8 - ANKANKINEM ḆEḆYE RO FAFISU INE

⁸ Ḇape ifawi swaruser sena, inja ikofen faro snon ḇramin ḇar ḇemar ani: “Wayor au ma wores ro faduine!” Inja snon ani iyori fa dores.

LUKAS 6:8 Iomraidhean Croise

MATIUS 9:4

Ḇape Yesus Ifawi swaruser sena inja Ikofen: “Snaro mkokara roi-roi ḇeḇyeḇa ro mkosnemna?

MARKUS 3:3

Yesus ikofen faro snon ḇramin ḇar ḇemar anya ḇo doḇe: “Rwama wores ro fa-du!”

LUKAS 13:12

Fafisu Yesus myam bin ani, dori ma ikofen: “Ne awine waprei ro dafduf ḇedi.”

LUKAS 5:22

Ḇape Yesus ifawi swaruser sena, inja ikofen faro si: “Rosai mkokara ro mkosnemna?

LUKAS 6:9

Raimnai Yesus ikofen faro si: “Yafuken faro mko: Rosaiso sefakofrur ro ras Mananai Yahudi, kofrur roi ḇeḇyeke roḇaido kofrur ḇarḇor, kofnoḇek nyawa snonkaku roḇaido komun si?”

YOHANES 2:25

ma fandun fa snonkaku oso ikofen faroi, ro manseirya wer kako snar myamkir rosai isya ro snonkaku sisnes na.

YOHANES 21:17

Yesus ikofen faroi wer ḇerarwan ḇeḇekiorya: “Simon, Yohanes mandaḇen ḇyedi, waswar syadi ayake?” Inja Petrus sne ḇyedi fyafardun snar Yesus ifuken ḇerarwan rikior: “Waswar syadi ayake?” Ma ikofen faroi: “Manseren, Manseren wafawi roi ḇeḇor kam, wafawi, mboi yaswar aw.” Yesus ikofen faroi: “Wafarandows domba-domba ayesi.

YOHANES 9:4

Nari kofrur ḇewan ayanya fararur ḇyena rofyor isnaya isya kaker; mboi roḇya ryama, snonkaku oso ipok ifararur werḇa.

FARFYAR RO MANWAWANSYA 20:24

Ḇape yafandun nyawa yediḇa beri, mboi yasowar fa yasma knam ḇepupes fa yafrur posa afuffarmyan Manseren Yesus ḇyeasas faro aya insa yaḇe saksi Ankankinem Ḇeḇye ro saswar ma fakamaman Allah.

FARFYAR RO MANWAWANSYA 26:26

Wairek ikako ifawi roi ḇeḇor nane kam, rarirya yamku ḇo yawos pdef kuker sananai faroi. Yafawi kaku roi oseroḇa fa wairek dakfawiḇa snar roi ḇeḇor nane neḇefrur ro moḇ ḇeḇeursḇa ḇa.

FILIPI 1:28

kuker makakak kermkuno ḇaḇeri faro mbroḇ mkoḇesi. Faro sikam irya aḇyair raroya, ḇape faro mko aḇyair ro askiya, ḇerama ro Allah.

IBRANI 4:13

Ma roi ḇekenem oso kako iyokef ḇa ro Allah ḇarpon ḇyedi, snar roi ḇeḇor kam nbas ma nbaḇer ro Allah ḇarpon ḇyedi. Ma nari kokarem faro i.

1 PETRUS 4:1

Inja, Kristus isma kandera kwar imnis kandera ḇaḇesnonkaku, rarirya mko kako mkofasos romamun mkoḇena kuker kakara ḇeradine, – snar mansesi ḇesma kandera ḇaḇesnonkaku, imnai kwar ro ifrur sasar, –

FASASNA FARO YOHANES 2:23

Ma ḇeso isya nari yamun si kako insa jemaat sifawi kam aya kada yafawi snonkakusya swaruser sena. Nari yamunsu faro mko kam imnis oser-oser fararur ḇyedi.