LUKAS 5:2 - ANKANKINEM ḆEḆYE RO FAFISU INE

² Myam wai risuru ro danosen andir ani. Mandaswan sya sido kwar fa sḇan pam sena.

LUKAS 5:2 Iomraidhean Croise

MATIUS 4:18

Ma rofyor Yesus Isya imbran sye danosen Galilea, myam manbekanayek risuru, isoine Simon sap kako ḇe Petrus ma ḇedar ḇyedi, Andreas. Suisya ssunap pam ro danosen, snar su mandaswan in.

MATIUS 4:21

Ma rofyor Yesus Ibur moḇ ani kwar, myam manbekanaek risuru wer, isoine Yakobus Zebedeus mandaḇendi kuker ḇedar ḇyedi Yohanes, sufnoḇek kma suḇedi, Zebedeus, skoisya skoyanem pam ḇe waiya. Yesus dor su,

MARKUS 1:16

Rofyor Yesus imbran ro yendisare ḇero danosen Galilea, myam Simon ma naekri Andreas. Suisya ssunap pam ro danosen ani snar mandaswan suirya.

MARKUS 1:19

Ma ro marandan ḇyani fyoro ḇa wer Yesus myam Yakobus, Sebedeus mandaḇendi, ma naekri Yohanes, suyanem pam ya ro wai ya dori.

LUKAS 5:1

Ro fafisu oso Yesus dores ro danosen andir Genesaret, ma kawasa sibor spanjuḇer i fa simnaf Allah wos ḇyena.

LUKAS 5:3

Dek ro wai oso isoine Simon wai ḇyedi, ma iwan fa sri wai ani ḇeḇanda knik ḇyinkwan bur danosen andirya. Raimnai kyain ro waya ma ḇyuk farkarkor faro kawasa ḇeḇor ansi.

YOHANES 1:40

Oso rofandu su ḇemnaf Yohanes wos ḇyedi ma ḇeso Yesus snonsnon ḇyedi Andreas, Simon Petrus ḇedar ḇyedirya.