LUKAS 5:10 - ANKANKINEM ḆEḆYE RO FAFISU INE

¹⁰ rarirya kako Yakobus ma Yohanes Zebedeus mandaḇen ḇyansui ḇefnoḇek Simon. Yesus ikofen faro Simon: “Wamkak awer, randak ro knikine nari bemandaswan snonkaku.”

LUKAS 5:10 Iomraidhean Croise

MATIUS 13:47

“Rarirya kako Ḇaḇesasoser Boiyaswa imnis pam paspos ḇenap ro soren, ma in syoso-syoso sḇar ro pam ani.

MATIUS 14:27

Ḇape Yesus ikofen fasaw faro si: “Mkoknon! Ayai ri, mkomkak awer!”

MATIUS 20:20

Raimnai Zebedeus mandaḇen ḇyesu fnoḇek sna suḇedi skora faro Yesus, ma sna suḇedi ḇyan suba ro ḇarpon ḇyedi fa dor roi oso ro i.

MATIUS 4:19

Yesus Ikofen faro su: “Murama, muso Aya, insa Yana muḇe mandaswan snonkaku.”

MATIUS 4:21

Ma rofyor Yesus Ibur moḇ ani kwar, myam manbekanaek risuru wer, isoine Yakobus Zebedeus mandaḇendi kuker ḇedar ḇyedi Yohanes, sufnoḇek kma suḇedi, Zebedeus, skoisya skoyanem pam ḇe waiya. Yesus dor su,

MARKUS 1:17

Yesus ikofen faro su ḇo doḇe: “Ne, murama muso aya, ma nari Yana mu ḇe mandaswan snonkaku.”

LUKAS 5:7

Inja skorar min skoḇesi ro wai ḇese ani insa srama sakfnoḇek sko. Ma srama sakfnoḇekḇo inkoser in ro wai ansuya rao fanam sumsar.

LUKAS 5:9

Snar i ma snonkaku ḇefnoḇek sya sikandor snar in ḇeḇor skofor ansi;

LUKAS 6:14

Snonsnon sena naiso nane, Simon nyiriḇe Petrus, ma Andreas Simon ḇedar ḇyedi, Yakobus ma Yohanes, Filipus ma Bartolomeus,

YOHANES 21:2

Ro danosen andir ani manfamyan ḇyesi ono sisya siryur isoine: Simon Petrus, Tomas sap kako ḇe Didimus, Natanael ro Kana ro Galilea, Zebedeus mandaḇen ḇyesuya ma manfamyan ḇyesi suru wer.

FARFYAR RO MANWAWANSYA 2:4

Ma sifo kuker Rur Ḇesren, mboi sirandak sawos ro wos-wos ḇeso, raris moḇ Rur ya ḇyuk fa sawos raya.

2 KORINTUS 8:23

Titus, inido min ayedi ḇefararur fnoḇek aya fa ḇefnoḇek mko. Ma faro naek ḇese ansuine, ḇeso fnoḇek Titus, kawasa Kristen siso ḇewan sunya – sanandik oso faro Kristus.

2 TIMOTIUS 2:26

ma rarirya nari sḇaḇir wer, nari sḇeḇeperbur Ibirisya denem ḇyedi ḇeyaḇek si kwar kuker marisen ḇyena.