LUKAS 5:1 - ANKANKINEM ḆEḆYE RO FAFISU INE

¹ Ro fafisu oso Yesus dores ro danosen andir Genesaret, ma kawasa sibor spanjuḇer i fa simnaf Allah wos ḇyena.

LUKAS 5:1 Iomraidhean Croise

MATIUS 11:12

Rofyor Yohanes Ḇemasi ikḇawes isof knikine, Ḇaḇesasoser Boiyaswa ḇyeḇesrewma snonkaku ḇesrew isya ssewar fa siḇriwark i.

MATIUS 14:34

Rofyor skofyafer kwar skorande ro Genesaret.

MARKUS 3:9

Yesus iwan manfamyan ḇyesya fa ssfasos wai ya faroi snar imkak donek ya sifyosepen indi.

MARKUS 4:1

Rofyor oso Yesus ḇyuk farkarkor wer ro danosen andir ya. Ma kawasa donek ḇefnak ḇa siryur yar i, inja dek ro wai ḇepyar na iya fa kyain ro wai anya ḇoi kawasa ansya ssna ro ḇonde ro danosen andir ya.

MARKUS 5:24

Inja Yesus iso snon ani. Kawasa donek ḇefnak ḇa sakso i, ma sifyos epen Yesus.

MARKUS 6:53

Skofyafer kwar Yesus ma manfamyan Ḇyesya skorande skopyar ro Genesaret.

LUKAS 12:1

Rofafisu ani snonkaku syaran-syaran spanjuḇer kwar, isof sifyosapepen. Rarirya Yesus ikofen ḇepon faro manfamyan ḇyesi: “Mkoḇesasor mko ro ragi isoine ḇaḇeankarkar ro kawasa Farisisya.

LUKAS 5:2

Myam wai risuru ro danosen andir ani. Mandaswan sya sido kwar fa sḇan pam sena.

LUKAS 8:22

Ro ras oso Yesus dek ro wai fnoḇek manfamyan ḇyesi, ma ikofen farosi: “Mkorama kokaḇorḇe danosenya ḇariwara.” Rarirya skokaḇor.

LUKAS 8:23

Ma rofyor skayun kaker, Yesus ḇyarek ma denef. Kniko ḇama wamdoḇer iso ro danosen ani, isof ḇakna nekro wai ma fyanam imsar.

LUKAS 8:33

Rarirya rur ḇemaḇak ansi sisasyar bur snon ani ma ssun ro randip ansi. Randip nai ansi soper ro fofen andirya ma ssun ro danosen ma simar kam.

LUKAS 8:45

Raimnai Yesus ikofen: “Mansei ḇepan ro aya?” Ma snar oso kyaremba, Petrus ikofen ḇo doḇo: “Guru, kawasa ḇeḇor spanjuḇer ma sifyos apepen au.”

YOHANES 1:40

Oso rofandu su ḇemnaf Yohanes wos ḇyedi ma ḇeso Yesus snonsnon ḇyedi Andreas, Simon Petrus ḇedar ḇyedirya.

YOHANES 6:1

Raimnai Yesus imbran ḇe danosen Galilea ḇar iwara, isoine danosen Tiberias.

IBRANI 13:7

Mkofanander awer manfarkin mkoḇesi, ḇefkai ḇair Allah wos ḇyedi faro mko kwar. Mkoswarepen kankenem ḇepupes sena ma mkokyar faro Allah ma mkofrur farari kakyar ma fararur sena.