LUKAS 4:6 - ANKANKINEM ḆEḆYE RO FAFISU INE

⁶ Ibiris ikofen faro i: “Papoik ḇeḇor nakam kuker payamyum ḇyena nari yaḇuk na faro Au, snar nakam neḇeḇuk kwar maro aya ma yakḇuk na faro manseirya wer yamarisen sya.

LUKAS 4:6 Iomraidhean Croise

LUKAS 4:7

Inja rofyor bansuba ḇeaya, nakam nari nwana.”

YOHANES 12:31

Knikine samamyai imbran ro supswan ine: knikine kako papoik supswan ine ḇyeḇesawen ḇe ḇondi;

YOHANES 14:30

Yawos nabor wer faro mkoḇa, snar papoik supswan ine ryama ma ipok ayaḇa.

YOHANES 8:44

Kma mkoḇedi Ibirisya inja mko marisen mkoso marisen ḇyena. Ro randakya Ibirisya myamun, ikada iso napnapes yaḇa, snar napnapesya isya roiḇa. Rofyor ḇyeankar, ima kaku snar rari ḇyedi moḇ ryairi, snar ḇyeankarkar ma ḇye kma ro ankarkar na kam.

2 KORINTUS 11:14

Kokandor fararur sedi ḇerariryaḇa snar Ibiris mankundi kako ḇyefarari malaikat ḇesren.

EFESUS 2:2

Mkokenem ro sasar na, snar mko nyan supswan ine, ma mkoḇeyuser ḇesma papoik ḇaḇesasoser ro sansoren, isoine rur ḇeḇarḇor baboine ḇefararur rofandu snonkaku ḇeḇarḇorsya.

1 PETRUS 1:24

Snar ro Refo sfas radine: “Snonkakusya kam simnis aḇris, ma baba sena kam namnis aḇris pampen. Aḇrisya myaryoi, ma pampenya kako kyapaf,

1 YOHANES 5:19

Kofawi koine koḇeknam ro Allah, ma supswan ḇesiper ine isya ro papoik Ibirisya.

FASASNA FARO YOHANES 12:9

Korḇen ḇeba ani ḇyeḇesawen ḇeḇondi! Ikada ikak sinan ani ḇenirḇe Ibiris, roḇa Setan (manfamyan Ibiris) ḇeḇeankarkar supswan ḇesiper. Ḇyeḇesawen fnoḇek malaikat ḇyesi ḇesupna.

FASASNA FARO YOHANES 13:2

Aiwan yamam ani isna imnis harimau, (aiwan ḇeyan ḇepek) ma weminsya simnis beruang (aiwan ḇeḇarḇor) wemin, ma snonipoiya imnis singa (aiwan ḇeyan ḇepek) snonipoi. Ma korḇen ani ḇyuk samambraḇ ḇyena faroi, ma karapesa ḇaḇesasoser ḇyedi, ma papoik ḇeba ḇyedi.

FASASNA FARO YOHANES 13:7

Simarisen faḇye embroḇ Allah kawasa ḇyesi ma ifrur kafyo si. Ma ssḇuk papoik faro i robo keret, kawasa, wos, ma ersya.