LUKAS 4:41 - ANKANKINEM ḆEḆYE RO FAFISU INE

⁴¹ Ro snonkaku sibor kako rur ḇemaḇaksya sisasyarbur si ma sfararar, ḇo soḇo: “Rumkun Allah risaw.” Raimnai idwarek pakrek si ma imewerbos kaku sawawosri, snar sifawi ikada Wairek dirya.

LUKAS 4:41 Iomraidhean Croise

MATIUS 26:63

Ḇape Yesus ḇyefasis monda. Raimnai Imam Ḇeba ani ikofen faro I, ḇo doḇo: “Kuker snonsnon Allah ḇekenem, wakofen faro nko, Auryake Wairek, Rumkun Allah iso Auke roḇa.”

MATIUS 4:3

Raimnai ḇefararwrowesya ryama ma ikofen faro I: “Kaku Au Rumkun Allah, buk sasoser insa karu nane nemamami.”

MATIUS 8:16

Ro mandira ya ssun faro Yesus snonkaku ḇeḇor rur ḇemaḇak siswoḇer sya ma kuker wos oser monda Yesus iyaw rur-rur ansi ma ḇyuk pararei faro snonkaku ḇeduf si.

MATIUS 8:29

Ma snon ansui suyar naba, suyoḇo: “Rosai waḇe wafrur ḇe nko, ne, Rumkun Allah? Inja rwama kwar ya isoineke fa buk kandera faro nko ḇepon ro fafisu ya ḇaim?”

MATIUS 8:4

Raimnai Yesus ikofen faro i: “Waswarepen, wakofen ḇadir awer pararei bedine faro snonkaku oso, ḇoi rwafa fasnai mankundaw faro imam ma buk farsarser, raris Moses ḇyuk sasoser kwar faro si.”

MARKUS 1:25

Ḇape Yesus Ḇye wef i ḇo doḇe: “Be fasis, wasasyar buri!”

MARKUS 1:32

Ro mandira ya, rofyor ori syun kwar, sun snonkaku ḇeduf ma snonkaku rur-ḇemaḇak sisawoḇer sya kam faro Yesus.

MARKUS 1:34

Yesus ḇyuk pararei faro snonkaku ḇesma dafduf ḇeḇor ansi, ma rur-ḇemaḇak sya iyaw sibor kaku; imewer ḇyuk fa rur-ḇemaḇak ansya sawosri, snar sifawi I kwar.

MARKUS 3:11

Rofyor rur ḇemaḇak sya smam i, sisapi ma sḇansuba faroi ro ḇarpon ḇyedi ma sar naba: “Au ine Rumkun Allah.”

LUKAS 4:39

Rarirya dores fanam bin ani, raimnai iyaw sam-sam ani, ma dafduf ani iburi. Bin ani ikḇok ḇeri ma duffarmyan si.

YOHANES 20:31

ḇape roi ḇeḇor nane neḇefas kwar insa mko kyar, mboi Yesus Wairek ḇeḇuk koreri, Allah Rumkun ḇyedirya, ma snar mko kyar faroi, inja mkosma kankenemya.

YAKOBUS 2:19

Wakyare, snar Allah oser monda isya. Ḇape rodursya kako sikyar rarirya ma sradai.