LUKAS 4:25 - ANKANKINEM ḆEḆYE RO FAFISU INE

²⁵ Ma yakofen faro mko, ma wos Ayenane nkaku: Ro fafisu Elia kosmai bin kabom sibor ro Israel rofyor nanki isisen ḇewampasi wambarek rikior ma paik ri wonem ma rofyor andoḇa ḇeba myun sup ani ḇesiper.

LUKAS 4:25 Iomraidhean Croise

MATIUS 20:15

Ipyumḇake yafrur marisen ro sneri kuker nana yena? Roḇaido wamsor, snar yafrur pyum?

LUKAS 10:21

Rofyor ani kako Yesus iryaḇ rodo Rur Ḇesrenya ma ikofen: “Yakofen kasumasa faro au Mami, Manseren nanki ma supswan, snar wayokef roi nanebur snonkaku ḇefawi ma beswaruser nananem sya, ḇape fasna na faro snon ḇefawi royo ḇaimsya. Mami, roi ḇeradine naiso ḇefrur fa wamarisen na.

ROMA 9:15

Snar Allah ikofen faro Moses, “Yamarisen yafasna fakamaman faro mansei yaḇe yafasna fakamaman faroya, ma yamarisen yafasna saswar faro mansei yaḇe yafasna saswarya farosya.”

ROMA 9:20

Ḇape naek srar! Naek srar mkokada snonkaku monda. Inja naek srar mkomsik fa mkokarem faro Allah ḇa! Rariso nari uren sapropya ikofen faro ḇefruriya ḇo doḇo, “Snaro wafrur aya fa yaradine?”

EFESUS 1:11

Yakofen “ro Kristus”, snar ro Allah kosma rarwas ro ḇaḇeasas ḇyedi – koine ro awarya ḇyuk fa kosma rarwas ani imnisbos kuker Allah kakara ḇyedi, ifrur roi ḇeḇor kam imnis marisen ḇyedi –

EFESUS 1:9

Snar fyasna kwar kankunes marisen ḇyedi maḇeko, imnis aw ḇyedi, isoine aw dun namuk kwar ro randakya kuker Yesus

YAKOBUS 5:17

Elia snonkaku monda ḇemnis kuker ko, ma ḇyenadi kaku ḇeri kwar, insa mekemya imyun awer, ma mekemya imyun ro supya ḇa isof wampasi wambarek rikior ma paik riwonem.

FASASNA FARO YOHANES 11:6

Susma papoik fasusisenwarek nanki insa mekemya isabu awer rofyor suḇaryas Allah wos ḇyedi. Susma papoik faro war sun na kako, insa sufadwer war anna fanarik. Ma susma papoik kako fasuprer supna kuker kandera syoso kam, rofafisu rosai sumarisenya.