LUKAS 3:3 - ANKANKINEM ḆEḆYE RO FAFISU INE

³ Inja Yohanes ryama ro supya mnuk Yordan ḇesiper ma ḇyaryas, ḇo doḇo: “Mkombror ma mkor masi sren ma nari Allah ipyos nyaki sasar mkoḇena kam,

LUKAS 3:3 Iomraidhean Croise

MATIUS 3:11

Yaḇuk masi sren faro mko kuker war imnis aḇyair marandor, ḇape ḇera papur aya Ikada Ipoksyadi ro aya ma yasyusḇa fa yaper roi ḇesower wemin ḇyesi. Ikada nari ḇyuk masi sren kuker Rur Ḇesren ma kuker for.

LUKAS 1:16

nari ikfin kawasa Israel sibor fa skaḇer faro Manseren, Allah sedi,

LUKAS 1:77

insa ḇyuk fawawi faro kawasa ḇyesi mboi nari sismai korer ḇekakuya, rofyor Allah ipyos nyaki sasar sena kwar,

LUKAS 4:1

Yesus, ḇefo kuker Rur Ḇesren, kyaḇer ro war Yordan, raimnai Rur Ḇesrenya duniḇe sup ḇeḇeursḇa.

YOHANES 1:28

Roi ḇeḇesya nane ndarirya ro Betania, ro Yordan, ḇar wamurem moḇ Yohanes ḇyuk masi sren roya.

YOHANES 3:26

Inja sra faro Yohanes ma sikofen faroi, ḇo soḇo: “Rabi, snon ḇefnoḇek kuker aw ro war Yordan ḇariwara ma faroi buk ḇaḇesaksi kwar, dakḇuk masi sren kako ma kawasa syakam sra faroi.”

FARFYAR RO MANWAWANSYA 13:24

Fafisu siwaf rarama ḇyedi Yohanes ḇyaryas kwar faro er Israel ḇesiper insa simbror ma sor masi sren.

FARFYAR RO MANWAWANSYA 19:4

Paulus ikofen: “Masasi Yohanes ikada masasi snonkaku ḇembror kwar, ma ikofen faro kawasa ḇeḇorsya mboi nari sikyar faro i ḇerama papuri, isoine Yesus.”

FARFYAR RO MANWAWANSYA 22:16

Ma knikine rosai beḇirḇar kaker? Wayor au, fa wor ro Manseren ma wasma masi sren ḇefasren au ro sasar ḇena!