LUKAS 3:11 - ANKANKINEM ḆEḆYE RO FAFISU INE

¹¹ Kyarem farosi: “Mansei ḇena sansun risuru, irwas faro ḇeyaknaḇaya, ma mansei ḇena roḇean, dakfur rarirya kako.”

LUKAS 3:11 Iomraidhean Croise

MATIUS 25:40

Ma Wairek ani nari kyarem faro si: Yakofen faro mko, kaku ḇeri roi ḇeḇor kam mkofrur faro oser ro fandu naek Ayesi ḇeḇenyawa ḇa sine, irya mkofrur kwar maḇe Aya.

LUKAS 11:41

Ḇape roḇean sek aninem ma bensya siser na buknaḇe farsarser ido kaku ḇeri ḇese nakam nari nasren faro au.

LUKAS 18:22

Yesus imnaf rarirya ikofen faroi: “Ḇape roi oser isya kaker fa nari wafrurya: boḇ pres nana benakada ma warwas na faro ḇesaḇararsya, rarirya nari wakna nana ḇero boiyaswa, posa rwama waso aya.”

LUKAS 19:8

Ḇape Zakheus iyori ma ikofen faro Manseren: “Manseren, rarwas ro nana ayena, nari yaḇuk na faro snonkaku ḇesaḇararsya ma rofyor yun syadi roi ono ro snonkaku onoido nari yakaḇer na ḇe rarwan rifiak.”

YOHANES 13:29

Snar Yudas iso ḇeyuf mansrip ḇeser pipiya inja skara, mboi Yesus iwani fa kyoḇes roi ḇeḇefandun faro munara ani, roḇaido ḇyuk roi ono faro ḇesaḇararsya.

FARFYAR RO MANWAWANSYA 10:2

I kuker kina ro rum ḇyedi sikyar ma sararyof faro Allah ma ḇyuk farsarser nabor faro er Yahudi ma ḇyenadi ḇesya kwar faro Allah.

FARFYAR RO MANWAWANSYA 10:31

Kniko snonkaku oso dores ro ḇarpon ayedi, ma sansun ḇyena nasnaper ma ikofen: “Kornelius nadi ḇena Allah imnaf na kwar ma farsarser ḇena kam Allah iswarepen na ro ḇarpon ḇyedi.

FARFYAR RO MANWAWANSYA 10:4

Myambos malaikat ani kuker makakak ma ikofen: “Rariso ine o Manseren?” Malaikat ani kyarem: “Nadi ma farsarser ḇena kam nek kwar faro Allah ḇarpon ḇyedi ma Allah iswarepen au.

EFESUS 4:28

Snonkaku ḇekarawraw, kyaraw wer awer, iḇye syadi ifararur sambraḇ kaku ro fararur ḇeḇye kuker ḇra ḇyesuya, isof isma roi ono faḇyerwas na faro snonkaku ḇesma mnisḇasya.

1 TIMOTIUS 6:17

Buk swarepen faro ḇenanasya ro supswan ine insa simarares awer si ma sikyar awer roi nari ḇero imnis nana, mboi sikyar faro Allah ro nana ḇyena ḇyukma ḇeko ro roi ḇeḇor fakona na.

1 TIMOTIUS 6:18

Buk swarepen faro si insa sifrur roi ḇeḇye, snana ro ḇaḇenapnapesya, simarisen ssḇuk ma sirarwas

IBRANI 6:10

Snar Allah inapes, isof nari fyanander ḇa fararur mkoḇena faro i ro fafnoḇek mkoḇena mkofrur faro kawasa ḇese ḇeḇe Kristensya, mkofnoḇek isof ro baboine kako.

YAKOBUS 1:27

Ḇaḇeari ḇekaku ma ḇefarorewḇa ro Allah, Kma koḇedi ḇarpon ḇyedi, isoine ryakaki awak param ma kabomsya ro ananjar sena, ma ḇyesasor mankundi insa supswan ine ifrur mamas aweri.

YAKOBUS 2:14

Fainda rosai, naek srar ayesi, rofyor oso ikofen, ikada nya kakyarya, ḇape fyasna ro rari fararur ḇyena ḇa? Nari kakyar berarirya ḇyuk koreri faroike?

1 YOHANES 3:17

Rofyor snon oso nya papus ro supswan ine, ma myam naek ḇyedi isma namnis ḇa, ḇape imewer fyasna fafnoḇek faro naek ḇyedi, rariso snon ani ikofen ḇo doḇo, iswar Allah?

1 YOHANES 4:20

Rofyor snonkaku oso ikofen ḇo doḇo, “Yaswar Allah,” ḇape dayin naek ḇyedi, snonkaku ani isararer. Snar snonkaku ḇeayin naek ḇyedi myam faroya, nari rariso iswar Allah myam ḇaimya.