LUKAS 23:5 - ANKANKINEM ḆEḆYE RO FAFISU INE

⁵ Ḇape seyayu besya kwar, ḇo soḇo: “Fyarkor ninyan kawasa ḇeḇor kuker farkarkor ḇyena ro Yudea ḇesiper, ḇyerandak ro Galilea ma ryama kwar kako rodine.”

LUKAS 23:5 Iomraidhean Croise

MATIUS 11:1

Yesus danun faro manfamyan samfur seser risuru Ḇyesi kwar raimnai ibur moḇ ani fa ḇyuk farkarkor ma ḇyaryas Ankankinem Beḇye ro mnu-mnu sena.

MATIUS 2:1

Yesus ḇyeḇeaḇen kwar ro Betlehem ro sup Yudea ro awar Wairek Herodes, snon ḇefawinananem mak ono srama ker ḇar Wamurem ḇe Yerusalem ma sifuken:

MATIUS 27:24

Fafisu Pilatus myam nyan ḇyena kam nefromo, isyadi wer siḇe sifrur mbrus inja dun war fa ḇyukḇan ḇramin ḇyesi ro ḇarpon kawasa ansi ma ikofen: “Aya, yaḇe sasarḇa faro rik snon ine; Irya mankun mkokarem!”

MATIUS 4:23

Yesus Imbran yar sup Galilea ḇesiper; ma ḇyuk farkarkor ro rum nadi sena ma ḇyaryas Ankankinem Ḇeḇye ro Ḇaḇesasoser Allah ma ḇyuk pararei faro snonkaku ḇeduf ma ḇeḇeroro sibor ro fandu er ine.

MARKUS 1:14

Sfor Yohanes raimnai Yesus rya ḇe Galilea ma Ḇyaryas Ankankinem Ḇeḇye ro Allah,

LUKAS 11:53

Ma rofyor Yesus ibur moḇ ani, ḇefawinananem Refo Yahudi ma Farisisya sḇair pdef ma sifuken ḇesya kwar kuker roi nabor.

LUKAS 23:23

Ḇape sibras naba ḇo sedafdifer ḇesya kwar insa ḇyeḇepai ro aprop ma papupesya sefainda.

LUKAS 23:6

Rofyor Pilatus ryower rarirya ifuken, inja snon ine snon Galilea riryake?

YOHANES 1:43

Ro meserdi, Yesus kyara namuk fa ryaḇe Galilea, isrow kuker Filipus ma ikofen faroi: “Waso aya!”

YOHANES 19:15

Inja sibras ḇo soḇo: “Mkomuni! Mkomuni! Mko pai ro aprop!” Pilatus ikofen farosi, ḇo doḇo: “Inja mkomarisen ḇoyapai wairek mkoḇedi ro aprop?” Mananir imam-imam ansi skarem, ḇo soḇo: “Nkona wairek oso ḇese ḇa mboi Kaisar ikada wairek nkoḇedirya!”

YOHANES 2:11

Ine aḇyair kanandor ḇepon Yesus ifrur ro Kana sup Galilea, ma kuker aḇyair ine fyasna baba ḇyedi. Inja manfamyan ḇyesi sikyar faroi.

YOHANES 7:41

Ono wer sikofen, ḇo soḇo: “Ineido Wairek.” Ḇape ono wer sikofen, ḇo soḇo: “Roḇa, Wairekya ryama ro Galilea ḇa!

YOHANES 7:52

Skarem, ḇo soḇo: “Inja aw kako snon Galileake? Kwukeḇ Refo ma nari wafawi mboi nabi oso isya ryama ro Galilea ḇa.”

FARFYAR RO MANWAWANSYA 10:37

Mkofawi roi ḇeḇor ḇeḇesya kwar ro sup Yudea ḇesiper randak ro Galilea posa ro masasisren Yohanes ḇyaryas, isoine Yesus ro Nazaret.

FARFYAR RO MANWAWANSYA 23:10

Isof sifrur rakrok ḇeba, inja mananir sarar imkak, imbude spawakuk Paulus. Rarirya ḇyuk sasoser faro sarar ansi insa sado fa ssun Paulus ro fandu si ḇe ayar mamun.

FARFYAR RO MANWAWANSYA 5:33

Simnaf wos anna sisnesna nfafardun ma skara fa siḇe smun manwawan ansi.

FARFYAR RO MANWAWANSYA 7:54

Rofyor Kankain Karkara Agama simnaf wos anna sisnesna nasam kaku ma sark fafais sinasna.

FARFYAR RO MANWAWANSYA 7:57

Rarirya sar naba ma snos siknasna ḇo sopri ma sfori.