LUKAS 23:2 - ANKANKINEM ḆEḆYE RO FAFISU INE

² Ro dia sirandak ssḇuk safsof, ḇo soḇo: “Isna kwar maro nko, mboi snon ine fyarkor ninyan er nkoḇesi fa siḇor, ma myun warek nkoḇak som faro Kaisar, ma mankundi ḇardi ikofen ḇo doḇo, mboi ikada Kristus isoine Wairek.”

LUKAS 23:2 Iomraidhean Croise

MATIUS 17:27

Ḇape insa koḇe karui ḇekarkar faro si awer, rwa swarera ro danosen. Ma in pos ḇepon ya wai sḇari, nari wasma pipi dirham rifiak ro i. Wun si ma buk faro si fabuk ḇakwarek aya ma au kako.”

MATIUS 22:21

Skarem, ḇo soḇo: “Kakop ma fas-fas Kaisar.” Raimnai Yesus ikofen faro si: “Mkoḇuk faro Kaisar rosai Kaisar dor ro mko ma mkoḇuk faro Allah rosai Allah dor ro mko.”

MATIUS 27:11

Raimnai ssun Yesus ḇeḇarpon gubernur Pilatus. Ma gubernur ani ifuken I: “Au ryake wairek kawasa Yahudi?” Yesus kyarem: “Iso mankundaw wakofen ya.”

MARKUS 12:17

Ro dia Yesus ikofen faro si ḇo doḇe: “Rarirya mkoḇak faro kaisar rosai mkoḇuk faro kaisar ma faro Allah rosai mkoḇuk faro Allah!” Fyor simnaf kankarem Ḇyedine sikandor fafaya ḇa.

MARKUS 15:2

Pilatus ifuken Yesus ḇo doḇe: “Au ido wairek kawasa Yahudi ke?” Yesus kyarem ḇo doḇe: “Imnis wos bedi.”

LUKAS 23:14

ma ikofen farosi: “Mkun snonkaku ine maro aya imnis snonkaku ḇefarkor ninyan kawasa. Mankun mkomam mboi yakukeḇi kwar, ma sasar rosai mkoḇuksof i na yasma ono roiḇa.

LUKAS 23:5

Ḇape seyayu besya kwar, ḇo soḇo: “Fyarkor ninyan kawasa ḇeḇor kuker farkarkor ḇyena ro Yudea ḇesiper, ḇyerandak ro Galilea ma ryama kwar kako rodine.”

YOHANES 18:29

Eḇedari Pilatus isasyar fa isrowsi ma ikofen ḇo doḇo: “Rosai mkoḇuksof snon ineya?”

YOHANES 18:30

Skarem faroi ḇo soḇo: “Rofyor snon ḇeḇarḇor risyaḇa kada nari nkuni fa nkoḇuki faro awḇa!”

YOHANES 19:12

Rofyor ani Pilatus ḇyesewar fa fyaspar Yesus, ḇape kawasa Yahudisya sibras, ḇo soḇo: “Rofyor faspari ido Kaisar bati ḇyediso awḇa. Snonkaku oso ḇekara mankundi ḇe wairek ikada isampum Kaisar.”

FARFYAR RO MANWAWANSYA 24:13

Ma sipok sfasnai royo fa ḇyeknam faro au ḇa, ro rosaiso sḇuksof aya.

FARFYAR RO MANWAWANSYA 24:5

Nkofawi au wafawi kwar, snon ine imnis kaku dafduf kapyow, snonkaku ḇefrur aru biru fandu kawasa Yahudi ro supswan ḇesiper ḇekenem, pyum ma i snonkaku ḇeḇeḇukor ro farkarkor ninyan kawasa Nasarani.

ROMA 13:7

Inja bak faro ḇesasoserya, rosai nari bak faroi. Bak som, rofyor sor som ro naek srar mko, ma mkomkak faro mansei fandun fa mkobak farosya; ma mkoḇesyowi faro mansei ḇesma syowisya.