LUKAS 2:25 - ANKANKINEM ḆEḆYE RO FAFISU INE

²⁵ Ro mnu Yerusalem, snon oso isya snori Simeon. I snonkaku ḇekyar faro Allah ma ḇenapes, ma ḇewaf Ḇeḇuk sneprei faro Israelsya.

LUKAS 2:25 Iomraidhean Croise

LUKAS 1:6

Imbeswa suine sukenem nasren, ro Allah ḇarpon ḇyedi ma sukenem kuker ḇaḇeuser sasoser nakam raris Manseren moḇ ḇyukraya ma suḇeyuk royoḇa.

LUKAS 2:38

Ma rofyor ani kako ryama ro dia ma ikofen kasumasa faro Allah ma dawawos ro Romawa ani faro snonkaku ḇeḇor ḇewaf ḇaḇefaspar faro Yerusalem.

MARKUS 15:43

Eḇedari Yusuf, snon Arimatea, snon ḇebarara ro Kankain Karkara Agama, ḇewaf kako Ḇaḇesasoser Allah, imku fa rya dor Yesus baken Ḇyeja ro Pilatus.

LUKAS 1:41

Ma rofyor Elisabet imnaf Maria aroo ḇyena, romawa dores ani dapoper ro sneyuser ḇyena, ma Elisabet ifo kuker Rur Ḇesren.

2 PETRUS 1:21

snar ḇardadi anna neḇeḇaryas ro marisen snonkaku ḇa, ḇape kuker dafdif ro Rur Ḇesren snonkaku sawos kuker snonsnon Allah.

LUKAS 23:51

Ḇyesne oserḇa kuker fararur Kankain Karkara sawos namukya. I snon Arimatea ro mnu Yahudi oso ma ikako dakwaf-waf Allah Ḇaḇesasoser ḇyedi.

FARFYAR RO MANWAWANSYA 24:16

Inja yasewar ḇesya kwar insa yakenem kuker sneuser ḇesren ro ḇarpon Allah ma snonkaku.

FARFYAR RO MANWAWANSYA 10:22

Skarem faro i: “Kornelius snon mambri sne ḇenapes ma ḇeyararyof Allah ro fandu er Yahudisya kam si fawiyi, isma kwar fasasnai ro Allah ma mam malaikat ḇesren oso ḇekofen faroi insa dor au ḇe rum ḇyedi fa imnaf rosai nari wakofen faroi.”

FARFYAR RO MANWAWANSYA 10:2

I kuker kina ro rum ḇyedi sikyar ma sararyof faro Allah ma ḇyuk farsarser nabor faro er Yahudi ma ḇyenadi ḇesya kwar faro Allah.

LUKAS 1:67

Ma Zakharia, romawa ani kmari, Rur ḇesrenya kyanosni ma ḇyardi ḇo doḇo:

FARFYAR RO MANWAWANSYA 2:5

Rofyor ya snon Yahudi ḇekyar ono si sya ro Yerusalem ro er nakam ro supswan pember.