LUKAS 2:11 - ANKANKINEM ḆEḆYE RO FAFISU INE

¹¹ Ras ine Knam koreri ḇyeḇeaḇen kwar faro mko, isoine Kristus, Manseren, ro mnu Daud.

LUKAS 2:11 Iomraidhean Croise

MATIUS 1:16

Yakub daḇen Yusuf Maria swari, ḇeaḇen Yesus sapḇe Kristus.

MATIUS 1:21

Nari daḇen romawa snon oso ma nari nwir I ḇe Yesus, snar iso nari ḇeḇuk koreri faro er ḇyesi ro sasar sena.”

MATIUS 16:16

Inja Simon Petrus kyarem, ḇo doḇo: “Au kada Wairek Rumkun Allah ḇekenem!”

MATIUS 16:20

Raimnai Yesus myunwark manfamyan ḇyesi insa sikofen ḇayir awer faro manseirya wer mḇoi irya Wairek.

LUKAS 1:43

Manseiso ayaine, isof Manseren yedi snari ryakaki aya?

LUKAS 1:69

Ḇyuk aḇyair papoik oso kwar, ḇeḇuk koreri maḇeko, ro manfamyan ḇyedi Daud, kpu ḇyesi;

LUKAS 2:26

Rur Ḇesrenya isyaroi, ma isma fasasnaikwar ro Rur Ḇesrenya, mboi nari imarḇa rao isof dakmam Wairek, isoine i ḇesma ramrem kwar ro Manseren.

LUKAS 2:4

Rarirya kako Yusuf isasyar ro mnu Nazaret ro sup Galilea ḇesup Yudea, mnu Daud ḇenirḇe Betlehem, – snar ḇyeknam ro keret ma up Daud –

YOHANES 1:41

Andreas isrow Simon, naek ḇyedi ma ikofen faroi, ḇo doḇo: “Nkosrow kwar Wairek ḇeyun koreri.” (Wairek) isoine Kristus.

YOHANES 1:45

Filipus isrow Natanael ma ikofen faroi: “Nkosrow i kwar, Moses ikofen ro Refo Yahudi ma syap nabi-nabi ansya isoine Yesus, Yusuf romawa ḇyedi ro Nazaret.”

YOHANES 11:27

Marta kyarem, ḇo doḇo: “O Manseren, yakyar mboi aw Wairek Allah Rumkun ḇyedi, awso nari ḇerama ḇe supswan ine.”

YOHANES 20:31

ḇape roi ḇeḇor nane neḇefas kwar insa mko kyar, mboi Yesus Wairek ḇeḇuk koreri, Allah Rumkun ḇyedirya, ma snar mko kyar faroi, inja mkosma kankenemya.

YOHANES 4:25

Bin ani kyarem faroi, ḇo doḇo: “Yafawi, nari Wairek ryama, sniri kako ḇe Kristus; rofyor ryama kwar, nari ḇyaryas roi ḇeḇor nanekam maro nko.”

YOHANES 4:42

ma sikofen faro bin ani: “Nkokyar, snar wos ḇena wer ḇa mboi snar mankun inko, nkomnaf kwar roi ma nkofawi, mboi kaku ḇeri i ḇeḇuk koreri faro supswan ine.”

YOHANES 6:69

ma nkokyar kwar ma nkofawi au Manseren wawan ḇesren ro Allah.”

YOHANES 7:41

Ono wer sikofen, ḇo soḇo: “Ineido Wairek.” Ḇape ono wer sikofen, ḇo soḇo: “Roḇa, Wairekya ryama ro Galilea ḇa!

FARFYAR RO MANWAWANSYA 10:36

Wos ani iso Allah iwan fa sḇaryas faro er Israel isoine wos ḇeḇaryas aski ro Yesus Kristus i Manseren faro kawasa kam.

FARFYAR RO MANWAWANSYA 13:23

Ma ro up ḇyesi, imnis raris moḇ ḇyeasas kwar. Allah ḇyawes kwar Ḇeḇuk koreri faro snonkaku Israel, isoine Yesus.

FARFYAR RO MANWAWANSYA 17:3

Ikofen asuser faro si ma kyur fasnai, nari Wairek isma marindi ma diḇri fandu ḇemar sya, raimnai ikofen: “Ine Wairek, isoine Yesus, yaḇaryas faro mko.”

FARFYAR RO MANWAWANSYA 2:36

Inja er Israel syakam ipyum syadi si fawibos, isoine Allah isiḇer Yesus kwar, mkopai ro aprop ani, fa ḇye Manseren ma Kristus.”

FARFYAR RO MANWAWANSYA 5:31

I kada isma saḇsiḇer ro Allah mankundi ḇar raku ḇyedi fa ḇyemanfarkin ḇeḇeknam koreri, insa Israel simbror ma sisma ampun ro sasar sena.

1 KORINTUS 15:47

Adam ḇeponya ḇyeḇefrur ro saprop, Adam ḇeḇe suruya ḇyeknam ro boiyaswa.

FILIPI 2:11

Sikam nari skarem Yesus Kristus ikada Manseren, ma rarirya Allah Kmaya isma syom.

FILIPI 3:8

Rarirya roi ḇeḇor kam yakara naḇe roi ḇeḇefromo, snar mambir faro Yesus Kristus Manseren ayedi, naḇye syadi ro roi nakam. Snar i eḇedari yasawen ḇesena kam ma yakara naḇe mamas, insa yasma Kristus,

KOLOSE 2:6

Mkona Yesus Kristus, Manseren koḇedi kwar. Inja nari mkokenem faswef kuker i.

1 YOHANES 4:14

Mankun nko nkomam kwar Allah Rumkun ḇyedi ma nkoḇaryas faro snonkaku ḇese mboi Kmaya iwan i kwar faḇye Wairek Ḇeḇuk koreri faro supswan ine.

1 YOHANES 5:1

Snonkaku ḇekyar Yesus ikada Wairek Ḇeḇuk koreri, Allah ḇyeasas kwar, snonkaku ani kada Allah romawa ḇyedirya. Ma snonkaku ḇeswar Kmaya, iswar Kmaya Rumkun ḇyedi kako.