LUKAS 19:12 - ANKANKINEM ḆEḆYE RO FAFISU INE

¹² Inja ikofen: “Snonkaku ḇena mnu oso ryaḇe mnu ḇeḇinkwan insa sisiḇeri fa ḇye wairek ro diya, posa kyaḇer.

LUKAS 19:12 Iomraidhean Croise

MATIUS 21:38

Ḇape rofyor ḇefararur ro yaf ansi smam rumkun ḇyani, sawos yae faro si: Roma ine iso nari ḇeḇewaris yaf ine, mkorama komun i, insa kona waris ḇyedi.

MATIUS 28:18

Yesus isnefer si ma ikofen: “Papoik nakam ro boiyaswa ma supswan ine ne ḇeḇuk kwar maro Aya.

MARKUS 12:1

Raimnai Yesus dawawos faro si kuker wos sarḇer ḇo doḇe: “Snon oso dom yaf anggur ya, posa dar warek i. Raimnai ḇyai ner ssḇuk kafos anggur ya, ma ifrur kako kaderen moḇ ssḇukwaren warek yaf ya. Neḇe fasos kam kwar ido ḇye asas yaf anya faro snonkaku ḇesma sasuref fa ḇewaren warek ma ḇefararur ḇoi ryaḇe sup ḇese.

MARKUS 16:19

Fyor Yesus dawos rarirya yoḇ si raimnai, diryor ḇe boiyaswa ma Kyain ro Allah ḇar raku Ḇyedi.

LUKAS 20:9

Raimnai Yesus ikofen sarḇer ine faro snonkaku ḇeḇor ansi: “Snon oso isya ḇyas yaf anggur oso; posa ḇyuk yaf ani faro snon ḇefararursya raimnai ryaḇe sup ḇese rofafisu fyoro kaku.

LUKAS 24:51

Ma fafisu ḇyeḇoksi, ḇyeḇekanow ḇe boiyaswa ma ibursi.

YOHANES 18:37

Inja Pilatus ikofen faroi, ḇo doḇo: “Inja wairek risawke?” Yesus kyarem: “Imnis raris moḇ wakofen raya, kaku aya ine wairek. Iso eḇedari yaḇe ḇeaḇen ma iso eḇedari yarama ḇe supswan ine, insa yaḇuk ḇaḇesaksi ro ḇaḇenapnapesya; snonkaku oser-oser ḇeḇeknam ro napnapesya simnaf mkaren ayedi.”

FARFYAR RO MANWAWANSYA 17:31

Snar fyasnai kwar ras oso, fafisu rosai kuker napnapes nari ḇyemankara supswan kuker snonkaku oser fyasnai kwar posa ḇyuk faro kawasa kam fasasnai oso kuker ḇyaws i bur ḇemar sya.”

1 KORINTUS 15:25

Kristus iso ḇeyuf ḇaḇesasoserya pdef isof Allah ifrur fa Kristus darefepen mbroḇ ḇyesi kam fa skafyo faroi.

IBRANI 9:28

Rarirya kako Kristus ḇyefarsarser ḇerarwan oser monda imnis som ḇepyos sasar snonkaku sibor. Nari ryama wer ḇerarwan ḇeḇesuruya ḇyar sasar werḇa, mboi ḇyuk koreri faro snonkaku ḇewaf rarama ḇyedi.

1 PETRUS 3:22

ḇekain ro Allah ḇar raku ḇyedi, rofyor ḇyeḇekanow ḇeboiyaswa kwar ḇyuk sasoser faro malaikatsya kam, papoikna kam ma samambraḇna kam nkunem faroi.

FASASNA FARO YOHANES 1:7

Mkomam, ryama kuker mandep! Kawasa kam nari smam i, ḇewan i kuker bomsya kako. Ersya kam ro supna nari skanes snar i. O, Amin.