LUKAS 17:1 - ANKANKINEM ḆEḆYE RO FAFISU INE

¹ Yesus ikofen faro manfamyan ḇyesi: “Farkarkor ninyan naisya, ḇape kandera faro snonkaku ḇefrur rariryasya.

LUKAS 17:1 Iomraidhean Croise

MATIUS 16:23

Inja Yesus iknenef ma ikofen faro Petrus: “Biris wabur. Au karui ḇekarkar aya, snar kwara karkara Allah ḇyena ḇa, ḇoi karkara snonkaku.”

MATIUS 18:7

Supswan ryokada kuker ḇaḇeninyan ḇeḇor ḇyena: Mḇoi ḇaḇeninyan ya isya, ḇape snonkaku ḇeḇeninyan ya ryokada.

LUKAS 16:31

Abraham ikofen faroi: ‘Rofyor simnaf Moses ma nabi-nabisya wos senaḇa, nari simnaf snonkaku ḇemar ma beyiber rofandu ḇemarsya wos senaba kako.’ ”

ROMA 14:13

Snar rarirya koḇuk sasaryaye awer. Mboi naek srar koḇesewar insa kofrur awer roi oso, ḇefrur fa naek ḇena kakyar oser isma fafrowes ma isapi ro sasar.

ROMA 16:17

Naek srar! Yor kaku ḇeri mkoḇesasor mko ro snonkaku ḇefarkor ninyan ma ḇefrowes mko ro kakyar mkoḇena faro Manseren. Roi ḇerarirya, nasampum farkarkor ssḇuk kwar faro mko. Mkoḇinkwanbur snonkaku ansi.

1 KORINTUS 10:32

Mkokenem rarirya insa kankenem mkoḇedi ifrur fa snonkaku ḇeḇesya skarkar ma nafnai fa naek mkoḇesi sḇesasar awer; iḇye snon Yahudi roḇa snon ḇeḇe Yahudiḇa, roḇa wer Allah jemaat ḇyedi.

1 KORINTUS 11:19

Kaku rofandu mko anunḇesisye isya, insa komam mansesi ḇeḇe Kristen kakusya rofandu mko.

1 KORINTUS 8:13

Eḇedari, rofyor roḇean anna nafrur fa naek ayedi ḇyesasar, rarirya nari yakan wer ḇaḇeri roḇean anna. Imbude yafrur fa naek ayedi ḇyesasardi.

1 TIMOTIUS 4:1

Ḇape Rurya ikofenbos mboi rofafisu ḇarpurya, nari snonkaku ono nari sfamyunepen Allah raimnai siso rodur ḇeḇeninyan ma farkarkor ro Ibiris

FASASNA FARO YOHANES 2:14

Ma rariryano roi ono naisya yamarisen naba ro mko: Rofandu mko ono sisya siso farkarkor rosai Bileam ḇyukna. Bileam ḇyuk farkarkor faro Balak insa ḇyeninyan kawasa Israel, fasifrur sasar; ḇyeḇuk si fasan roḇean ḇefarser kwar faro amfyanir ma sifrur farbuk.

FASASNA FARO YOHANES 2:20

Ḇape yasampum mko: Snar mkoḇuk mkosnemna faro Izebel kwar, bin ḇekarem ḇinkundiḇe Allah wawan ḇyedi. Manfamyan ayesi sibor kwar isrer si ma fyarkor si fasifrur farḇuk ma san roḇean sḇukfarser kwar faro amfyanirsya.