LUKAS 16:8 - ANKANKINEM ḆEḆYE RO FAFISU INE

⁸ Inja tuan ani isandik manwarwaren ḇeḇye ba ani, snar ḇyerarirya kuker kakara ḇeḇye. Snar romawa supswan senaḇye faro min sesi, ro romawa isnasya.

LUKAS 16:8 Iomraidhean Croise

MATIUS 12:32

Rofyor snonkakuya isampum Rumkun Snonkaku, ikada isma payasyos, ḇape rofyor isampum Rur Ḇesren ikada isma payasyos ḇaḇeri ro supswan ine payasyos oḇa, ma ro ras ḇepupes ya kako payasyosḇa.

MATIUS 17:26

Petrus kyarem ḇo doḇo: “Ro mandaman sya!” Inja Yesus ikofen faro i: “Rarirya kawasa ḇyesi ma roḇa.

LUKAS 16:10

“Mansei ḇenapes ro roi kasun na, nari inapes kako ro roi ḇeba na. Mboi mansei ḇenapesḇa ro roi kasun na, nari inapesḇa kako ro roi ḇeba na.

LUKAS 16:4

Yafawi rosai nari yafrurya, insa rofyor yamnai ro fararur manwarwarenya, yasma snonkaku ono fa yaḇeryarus ro rum sena.

LUKAS 16:7

Posa ikofen faro ḇeḇesuruya: Awkako, wasma nyaki riḇeso? Snon ani kyarem: Gandum kadu utin oser. Ikofen faro snon ani: Syap nyaki ḇedi isoine, wafrur syap nyaki oso ḇese; fas ḇayir kadu samfur riwar.

LUKAS 18:6

Posa Manseren ikofen: “Mkokara rosai mankara ḇeḇarḇor ani ikofenya!

LUKAS 20:34

Yesus kyarem farosi: “Snonkaku rofafisu ine ro supswan inesya sḇekawin ma sfakawin si,

LUKAS 20:35

ḇape faro snonkaku skara ḇesyus fa ḇesma rarwas ro supswan ḇese ani ma ro aḇiḇer fandu snonkaku ḇemarsya, sḇekawin ḇa ma sfakawin siḇa.

YOHANES 12:36

Mkokyar faro isnaya, rofyor isnaya isya faro mko, insa mkoḇe romawa-romawa isna.” Yesus ikofen rarirya kwar, rya dofbursi.

1 KORINTUS 3:18

Snonkaku oso ḇyeankar mankundi ḇardi awer. Rofyor snonkaku oso rofandu mko kyara ifawi nanem imnis kakara ro supswan ine, snonkaku ani iḇyekada ifawi royoḇa, insa kaku ḇeri ifawinanem.

EFESUS 5:8

Ḇepon iwara mkoro pampan, ḇape baboine mkoroi Manseren isnai ḇyedi. Inja mkokenem imnis romawa ro isnaiya,

FILIPI 3:19

Ḇarpurya nari sisma raro, snar Manseren sedi iso marisen baken sena, simsik si kuker roi ḇefrur mamyai, siswaruserker monda roi ḇero supswan ine.

1 TESALONIKA 5:5

snar mko kam romawa ro sananai ma romawa ro meser. Koine snonkaku ro pampan roḇa snonkaku ro roḇ ḇa.

1 PETRUS 2:9

Ḇape mko kada er ḇekinfir, imnis imam ḇeḇewairek, er ḇesren; Allah kawasa mankundi ḇyesi, insa mkoḇaryas Allah fararur ḇeba ḇyena, ḇeyor mko kwar famkosasyarbur pampanya faro isnai ḇyedi ḇedameserya:

1 YOHANES 3:10

Inekada aḇyair rofandu Allah romawa ḇyesi kuker Ibirisya romawa ḇyesi: Mansei ḇefrur Allah marisen ḇyedi ḇa, roḇaido iswar naek ḇyesi ḇa, ḇyeromawa Allah ḇaim.