LUKAS 16:3 - ANKANKINEM ḆEḆYE RO FAFISU INE

³ Manwarwaren ani kyara fasis ḇo doḇo: Rosai nari yafrurya? Tuan ayedi ḇyuk fa yamnai ro fararur manwarwarenya. Fama nari yaḇekir fa yuf adafyaḇa, ma yafararyor yan nari yamai.

LUKAS 16:3 Iomraidhean Croise

MATIUS 20:8

Fafisu mandira kwar tuan ani ikofen faro manwadwaren yaf ya: Wor ḇefararur ansi ma baksi, bak ḇepon ḇesun papupes sya isof ḇesun ḇepon sya.

MARKUS 10:46

Yesus kuker manfamyan ḇyesya srama ro Yeriko. Ma ro fafisu Yesus isasyar kuker manfamyan ḇyesya ro Yeriko, fnoḇek kawasa ḇeḇor kaku, snon ḇesaḇarar ma ḇepraf isoine Timeus mandaḇen ḇye ḇenir ḇe Bartimeus kyain ro nyan andir ya.

LUKAS 12:17

Inja kyara ro sneḇyedi, ḇo doḇo: ‘Rosai nari yafrurya, snar yasma moḇ fa yabuki ikram an ḇeḇor ayenaneḇa.’

LUKAS 16:2

Inja dor manwarwaren ani ma ifuken: Kaku ro roi yamnaf ro aw na? Buk kankarem ḇenapes ro fararur bedi, snar nari wafararur ro fararur ani werḇa.

LUKAS 16:20

Ma snon ḇesaḇarar oso isya snonsnon ḇyedi Lazarus; baken ḇyedi ifo kuker armaker, ma ḇyarek ro kedwai snon ḇenana ani ḇyedi,

LUKAS 16:22

Fyoroḇa snon ḇesaḇarar ani ipsur, ma malaikatsya suni ma sriri ro Abraham wesop ḇyesuya.

LUKAS 16:4

Yafawi rosai nari yafrurya, insa rofyor yamnai ro fararur manwarwarenya, yasma snonkaku ono fa yaḇeryarus ro rum sena.

LUKAS 18:4

Fafisu riḇeso kwar mankara ani imewer. Ḇape rofafisu oso, ikofen ro sne ḇyedi: Aya ine yamkak Allah ḇa ma yaḇesyowi snonkaku ḇesesyaḇa.

YOHANES 9:8

Ḇape min ḇyesi ma ḇese ḇefawi i ḇefararyor ani, inja soḇo: “Inja snon ḇefararyor ani iso ineke?”

FARFYAR RO MANWAWANSYA 3:2

Ro dia snon oso isya ḇyemanis rofyor snari daḇen i isof sunfarma i kuker waryar. Ras-ras kam snon ani sriri fanam kedwai ḇeba ro Rum Allah, ḇenirḇe kedwai Ḇepyum, insa dor farsarser faro snonkaku ḇesun ro Rum Allah sya.

FARFYAR RO MANWAWANSYA 9:6

Indo wakḇok ma rwaḇe mnu ya, ro diwa nari sikofen faro au, rosai nari wafrur ya.”

2 TESALONIKA 3:11

Nkokofen radine snar nkomnaf, mboi ono sisya sikenem kuker aunosḇa ma sifararur ḇa, mboi ssombirek kuker roi ḇeḇefandun ḇa,