LUKAS 16:2 - ANKANKINEM ḆEḆYE RO FAFISU INE

² Inja dor manwarwaren ani ma ifuken: Kaku ro roi yamnaf ro aw na? Buk kankarem ḇenapes ro fararur bedi, snar nari wafararur ro fararur ani werḇa.

LUKAS 16:2 Iomraidhean Croise

MATIUS 12:36

Ḇape Yakofen faro mko: wos famfnom snonkaku sya sawos na nari skarem na ro ras mankara ya.

MATIUS 20:8

Fafisu mandira kwar tuan ani ikofen faro manwadwaren yaf ya: Wor ḇefararur ansi ma baksi, bak ḇepon ḇesun papupes sya isof ḇesun ḇepon sya.

LUKAS 12:20

Ḇape Allah ikofen faroi: Ne, snonkaku ḇefawi royoḇa, ro roḇ ineḇeri rur bedi nari ḇyeḇeyun bur aw, ma rosai fasos kwar na, mansei nkain faroya?

LUKAS 12:42

Manseren kyarem: “Inja, manfamyan mansei ḇeḇeaunos ma ḇefawinananem nari tuan ḇyedi ikanowi fa ḇyemananir faro manfamyan ḇyesikam fa ḇeḇuk roḇean farosi ro fafisuya?

LUKAS 16:1

Yesus ikofen kako faro manfamyan ḇyesi: “Snon ḇenana oso isya nya snon ḇekram kumpan oso. Snon ḇenana ani imnaf manwarwaren ḇyani ḇyoḇ afafer nana ḇyena.

LUKAS 16:3

Manwarwaren ani kyara fasis ḇo doḇo: Rosai nari yafrurya? Tuan ayedi ḇyuk fa yamnai ro fararur manwarwarenya. Fama nari yaḇekir fa yuf adafyaḇa, ma yafararyor yan nari yamai.

ROMA 14:12

Inja kokam oser-oser nari kyarem fararur ḇeḇor ḇyena faro Allah.

1 KORINTUS 1:11

Snar naek srar ono ro Kloë kina ḇyedi, sikofen ḇadir kwar maḇe aya, rakrakrok rofandu mko.

1 KORINTUS 4:2

Ḇepon kaku roi sor ro manfamyan ḇerariryasya isoine ḇaḇeuser faro tuan sedi.

1 KORINTUS 4:5

Inja rofyor fafisuya isya ḇaim, naek srar fasna fasaw awer snonkaku oso ḇyesasarke roḇa. Wawaf rao isof Manseren ryama resari. Iso nari ḇeḇas kankunes ḇeḇor ḇeyokef ro pampan. Iso nari ḇekakok swaruser ḇeḇor ḇekram ro snonkaku sisnesna. Rofafisu ani insape snonkaku oser-oser isma ro Allah sanandik ḇyuk ḇeina.

2 KORINTUS 5:10

Snar nari kokam kores ro ḇarpon Kristus karapesa nasan ḇenapes ḇyedi, ma oser-oser isma munsu imnis raris fararur ḇyedi ro supswan ine – fararur ḇeḇye roḇaido ḇeḇarḇor.

1 TIMOTIUS 4:14

Waswarepen naḇye insa wafrur raris fakamaman wasma kwar ro Allah Rur ḇyedi, rofyor manfarkin jemaatsya sisawar dofen aw ma nabisya ssḇuk kwar faro mankundaw ro ananun Allah.

1 TIMOTIUS 5:24

Snonkaku ono sasar sena indo nfababa, rofyor sun na ḇeḇaḇemankara ḇaimya, ḇape ono sasar sena insape nasnai ro ḇarpurya.

1 PETRUS 4:10

Mkuffarmyanyae mko, imnis raris fakamaman snonkaku oser-oser isma kwar imnis manfarkin ḇeḇye ro Allah saswar-fakamaman ḇyena.

1 PETRUS 4:5

Ḇape nari skarem faro Allah, ḇefasos kwar faḇeḇemankara faro ḇekenem ma ḇemarsya.

FASASNA FARO YOHANES 20:12

Ma yamam snonkaku ḇemarsya, ḇeba ma kasun, sores kam ro ḇarpon karapesa ḇaḇesasoser ani. Ma syapna neḇeḇas. Ḇarpurya syap oso ḇese ḇyeḇeḇas, isoine syap kankenemya. Ma rofafisu ani samamyai ssḇuk faro snonkaku ḇemarsya, imnis rosai sifrur kwar siso fasfasepen ro syap anna.