LUKAS 16:16 - ANKANKINEM ḆEḆYE RO FAFISU INE

¹⁶ Sasoser ro Refo Yahudi ma syap nabi-nabi sena nambran isof fafisu Yohanes; ma rofyor ani Ankankinem Ḇeḇye Allah Ḇaḇesasoser ḇyedi ḇyeḇeḇaryas, ma snonkaku oser-oser sfamfaḇri fa siḇe saksun roi.

LUKAS 16:16 Iomraidhean Croise

MATIUS 10:7

Mkora ma mkoḇaryas: Ḇaḇesasoser Boiyaswa fyanam kwar.

MATIUS 15:11

“Mkomnaf ma mkokara pyum: Roi ḇesun ro sḇadon naiso ḇeḇemamas snonkaku sya ḇa, mḇoi roi ḇesasyar ro sḇadon naiso ḇeḇemamas snonkaku.”

MATIUS 21:32

Snar Yohanes ryama fa fyasnai nyan ḇenapes faro mko, ḇape mko kyar i ḇa. Ḇape ḇeyor som ma bin-bin ḇefrur farḇakḇuk sikada sikyar faroi. Ḇape mkomam i ḇesyaḇo mkofafko ḇa ma mkokyar faro i ḇa kako.”

MATIUS 3:2

“Mkombror, snar Ḇaḇesasoser Boiyas fyanam kwar!”

MATIUS 4:17

Ro fafisu ani Yesus ḇyaryas: “Mkombror, snar Ḇaḇesasoser Boiyas fyanam kwar!”

MATIUS 4:23

Yesus Imbran yar sup Galilea ḇesiper; ma ḇyuk farkarkor ro rum nadi sena ma ḇyaryas Ankankinem Ḇeḇye ro Ḇaḇesasoser Allah ma ḇyuk pararei faro snonkaku ḇeduf ma ḇeḇeroro sibor ro fandu er ine.

MARKUS 1:14

Sfor Yohanes raimnai Yesus rya ḇe Galilea ma Ḇyaryas Ankankinem Ḇeḇye ro Allah,

MARKUS 1:45

Ḇape snon anya ibur ma ḇyaḇdas parare ḇyanya ḇe moḇ-moḇ na kam, isof Yesus ipok fa syun fababa wer ro mnu ḇeba ani ḇa. Ḇyarek ro moḇ ḇeḇeursḇa na, ḇape kawasa siswek i ḇesya kwar beraker moḇ nakam.

LUKAS 10:11

Rarirya kako oref ro mnu ani ḇekrof ro mkowemna, mkokokefna ro ḇarpon mkoḇedi, insa mkofawi roi ine: Ḇaḇesasoser Allah fyanam kwar.

LUKAS 10:9

Ma mkoḇuk pararei faro snonkaku ḇeduf ro mnu ani, ma mkokofen farosi: Ḇaḇesasoser Allah fyanam kwar faro mko!

LUKAS 16:29

Ḇape Abraham ikofen: ‘Syap Moses ma syap nabi-nabisya sisma na kwar. Iḇye simnaf ḇaḇesaksi anna.’

LUKAS 16:31

Abraham ikofen faroi: ‘Rofyor simnaf Moses ma nabi-nabisya wos senaḇa, nari simnaf snonkaku ḇemar ma beyiber rofandu ḇemarsya wos senaba kako.’ ”

LUKAS 9:2

Ma iwansifa sḇaryas Ḇaḇesasoser Allah ma ssḇuk pararei faro snonkaku,

YOHANES 1:45

Filipus isrow Natanael ma ikofen faroi: “Nkosrow i kwar, Moses ikofen ro Refo Yahudi ma syap nabi-nabi ansya isoine Yesus, Yusuf romawa ḇyedi ro Nazaret.”

YOHANES 11:48

Rofyor komam mondai, nari kawasa kam sikyar faroi, ma kawasa Roma nari srama ma skakok Allah Rum ḇyedi ma er koḇansine ḇesiper.”

YOHANES 12:19

Inja snon Farisi ansi sikofen yae faro mankunsi, ḇo soḇo: “Kopok kofrur royoḇa mboi mkomam kada, supswan ḇesiper siwayan kam fa sisoi.”

YOHANES 5:4

Snar rofafisu ono Manseren malaikat ḇyedi dado ro sawon ani fa irḇaren war ani; ma mansei ḇesabu ḇepon ro war ani ro fafisu irḇaren kwarya, ikada iprei ro dafduf rosairya wer.

FARFYAR RO MANWAWANSYA 3:18

Ḇape kuker nyan ine Allah ifrur mnis rosai ikofen kwar ro ḇepon kuker sḇayo nabi-nabi Ḇyesi, isoine Wairek iwan ani nari isma marindi.