LUKAS 15:7 - ANKANKINEM ḆEḆYE RO FAFISU INE

⁷ Yakofen faro mko: Rarirya kako nari raryaḇ syadi ro boiyaswa, snar snonkaku ḇesasar oser imbror, isyadi wer ro raryaḇ snar snonkaku samfur risiw seser risiw ḇenapes, ḇeḇefandun marandor ḇa.”

LUKAS 15:7 Iomraidhean Croise

MATIUS 18:13

Ma yakofen faro mko: Kaku ḇeri rofyor ismai, raryaḇ ḇyedi iba syadi snar oser ani, ro samfur risiw seser risiw ḇeḇorḇa ansi.

MATIUS 3:8

Inja mkoḇuk bon ḇemnis kuker marandor ḇekaku.

LUKAS 15:10

Yakofen faro mko: Rarirya kako nari raryaḇ isyadi fandu Allah malaikat ḇyesi, snar snonkaku ḇesasar oso imbror.”

LUKAS 15:29

Ḇape kyarem faro kmari ma ikofen: Wampasi wambarek nabor kaku, yuffarmyan mami, ma yaḇeyuk sasoser bena oso ḇaim, ḇape wakḇuk nek-nek mkun oso fa yaḇuki dakmarisen kuker maniḇoḇ ayesiḇa.

LUKAS 15:32

Iḇyekada rwama komarisen ma koryaḇ, snar ḇedar bani imar kwar ḇape ikenem kaber, ibor kwar fama kosma kaḇeri wer.”

LUKAS 15:6

ma rofyor rya ro rum kwar, dor maniḇoḇ ḇyesi ma snonkaku ḇefanami sya, ma ikofen farosi, ‘Mko marisen fnoḇek aya, snar domba ḇeḇor ayedi yasrowi kwar!’

LUKAS 15:8

“Roḇa bin mansei ḇena kumpan sarak samfur, ma rofyor oso ryo, rosai nari ifrurya? Nari pyam padamara ma syewar kuker aunos isof isrowi.

LUKAS 16:15

Raimnai Yesus ikofen farosi: “Mkoḇuk kaku ro mankun mko, ro ḇarpon snonkaku, ḇape Allah ifawi sne mkoḇena. Snar roi snonkaku semanmin na, Allah dayin na.

LUKAS 5:32

Yaramuma insa yor snonkaku ḇenapes sya ḇa, mboi snonkaku ḇesasar, insa simbror.”

ROMA 7:9

Ro randakya, yakenem kuker sasoser agamayaḇa. Ḇape rofyor sasoser agamaya isya kwar sasarya kako isya ḇeri