LUKAS 12:11 - ANKANKINEM ḆEḆYE RO FAFISU INE

¹¹ Rofyor sun mko faro kankain karkara jemaat roḇa faro ḇesasoser ma ḇena papoiksya, mkomkak awer rosai nari mkokofen fa mkoḇesano warek mko.

LUKAS 12:11 Iomraidhean Croise

MATIUS 23:34

Inja, mkomam, Aya yawan faro mko nabi-nabi, ma snon ḇefawinananem ma ḇefawi nananem Refo Yahudi: ono ro si nari mkomun si ma mkopai si ro aprop, ono wer nari mko prer si ro rum-rum ari mkoḇena ma mkoḇewayam si ro mnu ḇe mnu.

MATIUS 6:25

“Yakofen faro mko: Mkomkakwarek awer kankenem mkoḇena, nari rosai mkan roḇa mkinem, ma mkomkakwarek awer ḇaken mkoḇena kako, rosai nari mkofmar na. Mkofawiḇake kankenem ya isyadi ro roḇean ma ḇaken ya isyadi ro famamar?

MATIUS 6:27

Mansei ro fandu mko snar imkakwarek kankenem ḇyedi inja pyam rof oser monda ro nyan kankenem ḇyedi?

MATIUS 6:28

Ma snaro mkomkakwarek roi ḇefmar? Mkomamepen mampyoper pampen ro maper, ḇesur ḇoi ḇefararur ḇa ma ḇefawi ḇeroren ḇa,

MATIUS 6:31

Inja mkomkakwarek awer ma mkoḇo: Rosaiso nari nkan ya? Rosaiso nari nkinem ya? Rosaiso nari nkofmar ya?

MATIUS 6:34

Inja mkomkakwarek awer meserdi, snar meserdi nya ananjar ḇardi. Ananjar ro ras-ras imnis faro ras ani.”

LUKAS 12:22

Yesus ikofen faro manfamyan ḇyesi: “Eḇedari yakofen faro mko, ‘Mkoḇeḇirḇar awer snar kankenem mkoḇena, rosai nari mkanya, ma ro baken mkoḇena, rosai nari mkofmarya.’