LUKAS 11:9 - ANKANKINEM ḆEḆYE RO FAFISU INE

⁹ Eḇedari yakofen faro mko: Mkore, nari neḇeḇuk faro mko; mko sewar, snar nari mkosma; mkonuk snar nari kedwaya syeḇen fabe mko.

LUKAS 11:9 Iomraidhean Croise

MATIUS 21:22

Ma rosairya wer mkor ro nadi kuker kakyar, nari mkosmai na.”

MATIUS 21:31

Mansei ro fandu romawa ansu ya ḇeḇeuser kmari marisen ḇyedi?” Skarem, ḇo soḇo: “Romawa ḇeḇesuru ya.” Yesus ikofen faro si: “Yakofen faro mko, kaku ḇeri ḇeyor som ma bin ḇefrur farḇuk nari spon mko fa ssun ro Allah Ḇaḇesasoser ḇyedi.

MATIUS 6:29

ḇape Yakofen faro mko: Salomo kuker payamyum ḇyena kako, ḇape daksansuni kuker sansun ḇepyum inis pampen sya osoḇa.

MARKUS 11:24

Inja Yakofen ḇe mko: Rosairya wer mkor ma mkonadi wark na, mkokyar imnis raris mkosma na kwar, ma nari Allah Ḇyuk na faro mko.

MARKUS 13:37

Rosai yakofen faro mko, yakofen na faro kawasa kam: Insa mkowaren!”

LUKAS 11:10

Snar mansei ḇeyorya, nari ssḇuk faroi ma mansei ḇesewarya, nari isma ma mansei ḇenuk kedwaya, nari kedwaya syeḇen faroi.

YOHANES 14:13

ma rosai mkor kuker snonsnon ayedi, nari yafrur na faro mko, insa Kmaya isma baba ro Rumkunya.

YOHANES 15:16

Mkoi ḇekimfir ayaḇa ḇape ayaiso ḇekimfir mko. Ma yaḇeasas faro mko kwar, insa mkora ma mkoḇuk bon ma bon mkoḇena nako, insa rosai mkor ro Kmaya kuker snonsnon ayedi, Mami ḇyuk na faro mko.

YOHANES 15:7

Rofyor mkoḇe oser kuker aya ma farkarkor ayena nkain ro mkosnemna, mkor rosai mko marisen na ro Mami, nari mkosma na.

YOHANES 4:10

Yesus kyarem faroi: “Rofyor wafawi Allah fakamama ḇyedi ma mansei ḇeyor faro aw: Buk waroma yinem! Nari wor kwar roi fa ḇyuk kwar faro aw war ḇekenemya.”

ROMA 2:7

Kankenem ḇekain fyoroya ro Allah ḇyuk faro mansei ḇeḇeuser ma ḇeḇenaḇye, sisma syowi ma sanandik ḇekain fyoro-fyoro.

2 KORINTUS 6:2

Allah ikofen, ro Refo radine, “Rofyor yamarisen, yarower aw kwar, ma ro ras koreriya, yafnoḇek aw kwar.” Mkoswarepen kaku! Fafisu marisenya isoine. Ma rasya isoine fakosma koreri.

IBRANI 11:6

Kakyar isyaḇa, snonkaku osoḇa kako ifrur Allah marisen ḇyedi. Snar snonkaku ḇerama faro Allah, ikyar Allah isya, ma Allah myunsu faro ḇesewar kaku isya.

IBRANI 4:16

Rarirya komkak ḇa kora faro Allah ḇeḇuk sasoser kuker snemura. Nari Allah iswar ko ma ḇyeḇok ko ma kosma fafnoḇek, rofafisu koḇefandunya.

YAKOBUS 1:5

Ḇape rofyor rofandu mko ono sisya smamkarkir mnis ḇa ido, sor mamkarkir ani ro Allah kada, ḇeḇuk faro snonkaku kam kuker sanemura ma ḇeyor kaḇerna ḇa, – inja roi anna nari neḇeḇuk faroi.

YAKOBUS 5:15

Ma nadi ḇesasyar ro kakyar nari ḇyuk pararei faro ḇeduf ani ma Manseren nari ḇyawes i; ma ifrur sasar kwar, nari sasar ḇyena neḇepyos.

1 YOHANES 3:22

Ma rosai kor roi kosmana, snar koso sasoser ḇyena kam ma kofrur rosai imarisen na.

FASASNA FARO YOHANES 2:24

Ḇape eḇesesya ro Tiatira ḇeyakso farkarkor ḇeḇarḇor ani ḇa, ma ḇefarkor fawawi Ibiris ani ḇa. Yakofen nari yaḇuk kamnam ḇemarḇak faro mko ḇa.