LUKAS 11:4 - ANKANKINEM ḆEḆYE RO FAFISU INE

⁴ ma wapyos sasar nkoḇena, snar nko kako nko ḇuk maf faro snonkaku ḇefrur sasar maro nko; ma wun nkoḇe fafrowes na awer.”

LUKAS 11:4 Iomraidhean Croise

MATIUS 18:35

Inja Kma yedi ro boiyaswa nari dakfrur rarirya kako faro mko, rofyor mkono oser-oser ḇyuk ampunḇa faro naek ḇyedi kuker sne ḇesiper.”

MATIUS 26:41

Mkowaren ma mkoḇenadi, insa mkosapi awer ro fafrowes ya: rur ya kada imyaren user, ḇape kraf ya ma ipok ḇa.”

LUKAS 11:5

Raimnai ikofen faro si: “Rofyor snon oso rofandu mko ryaḇe bati ḇyedi rum ḇyedi ro romfawru ma ikofen faroi: Naeko, yorfa bukma ḇeaya mamami rikior,

LUKAS 13:4

Roḇaido mkoḇo snonkaku samfur seser riwar kaderen syosya imbriwer fa myunbos ro Siloam ansi, sasar sena naba syadi ro sasar snonkaku ḇena mnu ro Yerusalem?

LUKAS 22:46

Ikofen farosi: “Mkenef snaro? Mkokḇoke ma mkoḇenadi, insa mkosapi awer ro fafrowesya.”

LUKAS 8:13

Ḇesapi ro saprop ḇeḇe karui isoine snonkaku, ḇemnaf wos anna, sisma na kuker raryaḇ, ḇape wos anna nerares ḇa, sikyar knik monda ma rofafisu faraurowes sisusubur kakyar sena.

YOHANES 17:15

Yor fa wunsi bur supswan ineḇa, imboi insa fadirensi ro ḇarḇorya.

1 KORINTUS 10:13

Farawrowes mkosmaya ikada farawrowes snonkakusya sisma kam rirya. Ḇape Allah inapes ro asas ḇyena. Nari myam monda mkoḇa ro fafrowes ḇesyadi ro samambraḇ mkoḇena. Rofafisu mkosma fafrowes, nari ḇyuk nyan faro mko insa mkofarmku.

KOLOSE 3:13

Mkokḇaḇyae mko ma mkoḇuk ampunyae rofyor snon oso ikram masasor faro min ḇyedi; imnis raris Manseren ipyos sasar mkoḇena kwar mko kako mkakfrur rarirya kada.

2 TESALONIKA 3:3

Manseren ikada i kaḇaḇaḇ. Nari ḇyuk samambraḇ ma i ḇriwarek mko ro ḇeḇarḇorsya.

2 TIMOTIUS 4:18

Ma Manseren nari fyaspar ayabur ḇarḇorna kam. I kada nari ḇyuk aksi ḇeaya isof yasun ro Ḇaḇesasoser ḇyedi ro boiyaswa. Sanandik faro ḇaḇebaba ḇyedi fyoro-fyoro kada! Amin.

YAKOBUS 2:13

Snar ḇaḇemankara ḇena saswari isyaḇa nari ryarirya faro ḇesaswar ḇasya. Ḇape saswari nari ḇyuk fainda faro mankaraya.

FASASNA FARO YOHANES 2:10

Mkomkak awer kandera nari fyoro ḇa mkosma na. Mkoswarepen, Ibiris nari ḇyeono ro mko fassun ro bui faifrowes sas mko. Nari mkosma kandera ras samfur. Iḇyesyadi mkofarmku nako faro aya isof mkomar, nari yaḇuk faro mko wower ḇekakuya.

FASASNA FARO YOHANES 3:10

Snar mkoso sasoser ayena kwar ma mkofarmku kwar, aya kako nari yafadiren mko rofafisu kandera nari ḇemun supswan ḇesiper ine. Roi ḇeradine nari ndama nefarawrowes faro kawasa kam ro supna.