LUKAS 11:2 - ANKANKINEM ḆEḆYE RO FAFISU INE

² Yesus kyarem faro si: “Rofyor mkobenadi ido, mkokofen radine: Mami, nko fasren snonsnon bedi kada; Ḇaḇesasoser bedi ryama kada.

LUKAS 11:2 Iomraidhean Croise

MATIUS 10:32

Snonkaku oser-oser ḇekarem Aya ro ḇarpon snonkaku, Aya kako nari Yakkarem i ro ḇarpon Mami ro boiyaswa.

MATIUS 3:2

“Mkombror, snar Ḇaḇesasoser Boiyas fyanam kwar!”

MATIUS 5:16

Rarirya isnai ḇedi isak ma isnaiyar snonkaku sya insa smam fararur ḇepyum ḇena ma sisandik Kmami ro boiyaswa.”

LUKAS 11:1

Rofyor Yesus isya ḇyenadi ro moḇ oso. Fafisu ḇyenadi raimnai, manfamyan ḇyesi oso ikofen faroi: “Manseren, farkor nko ro ḇaḇenadi, imnis raris Yohanes fyarkor manfamyan ḇyesi.”

ROMA 1:7

Iso eḇedari yafas faro naek srar ayesimko, iḇyekada Allah kma koḇeja ma Manseren Yesus Kristus ḇyeḇok ma ḇyuk aski mufaḇe naek srar mkokam.

ROMA 8:15

Snar Allah Rur ḇyedi ḇyuk faro mko fa mkoḇe manfyanḇa, isof mkokenem kuker makakakḇa kwar. Snar Allah Rur ḇyedi ifrur fa mkoḇe rumkun faro Allah. Ma kuker papoik ro Allah Rur ḇyedi kor Allah ḇe “Kma, o Mami.”

2 KORINTUS 1:2

nukyar Allah Kma koḇedi ma Manseren Yesus Kristus ḇyeḇok ma ḇyuk aski faro mko.

GALATIA 1:4

Ḇeḇuk mankundi kwar ḇefarsarser snar sasar koḇena, insa fyasparko ro ḇarḇor supswan ine imnis Allah ma Kma koḇedi marisen ḇyedi.

EFESUS 1:2

Saswar-fakamaman ma aski ḇerama ro Allah, Kma koḇedi ma ro Manseren Yesus Kristus ryoyus mko.

FILIPI 1:2

Saswar-fakamaman ma aski-marisen ro Allah, Kma koḇedi, ma ro Manseren Yesus Kristus ryous mko kada.

FILIPI 4:20

Sanandik faro Allah ma Kma koḇedi isof fyoro-fyoro! Amin!

KOLOSE 1:2

faro naek srar Allah kawasa ḇyesi ḇekyar faro Kristus ro Kolose. Saswar-fakamaman ma aski ro Allah, Kma koḇedi, ryowus mko kada.

1 TESALONIKA 1:1

Ro Paulus, Silwanus ma Timotius faro kawasa jemaat ro Tesalonika, kawasa ro Allah Kmaya ma ro Manseren Yesus Kristus: Saswar-fakamaman ma aski-ḇaḇye ryowus mko kada.

1 TESALONIKA 1:3

Snar nkoswarepen fararur kakyar mkoḇena ḇeaya kwar, fararur saswar mkoḇena ma ḇaḇesaneraro ḇedworen mkoḇena faro Manseren koḇedi Yesus Kristus ro ḇarpon Allah ma Kma koḇedi.

2 TESALONIKA 2:16

Ma Allah, Kma koḇedi, kuker Manseren Yesus Kristus, saswar-fakamaman ḇyena iswar ko kwar ma ḇyuk ḇeko sneprei ḇekain fyoro ma saneraro ḇeḇye maḇeko,

FASASNA FARO YOHANES 11:15

Raimnai malaikat ḇeḇefikya iwuf kḇur ḇyedi, ma ro boiyaswa korower mkaren ḇeba kaku ḇekofen, “Papoik ḇaḇesasoser supswan baboine isya ro Manseren koḇedi ḇramin ḇyedi ma Wairek Ḇeḇuk koreri sḇeasas kwarya. Nari ḇyuk sasoser isof fyoro-fyoro!”

FASASNA FARO YOHANES 15:4

Manseren, mansei nari ḇemkak aw ḇa? Mansei nari ḇemewer ḇeḇaryas baba bedi? Werer monda wasren. Er nakam nari srama sḇansuba faro aw snar nyan bena nanapes kawasa kam smamna kwar.”

FASASNA FARO YOHANES 19:6

Posa kwar yarower rakrok oso imnis mkaren fananjur kawasa ḇeḇor kaku; rakrok ḇyedi imnis ḇak ḇemef ḇemaum ma imnis karadu ḇerok ḇeruru. Yarower sikofen, “Sanandik faro Allah! Snar Manseren, Allah koḇedi Ḇepoik syadi ani baboine ḇyewairek.

FASASNA FARO YOHANES 20:4

Ma yamam karapesa ḇaḇesasoser nabor, ma snonkaku ḇekain ro karapesa ḇaḇesasoser anna ssḇuk papoik farosi fasawos namuk samamyaiya. Yamam kako rur snonkaku skauk ḇru sena snar sḇesaksi Yesus, ma sḇaryas Allah wos ḇyedi. Snonkaku sinema sakḇansuba maroḇa faro aiwan, roḇa amfyanir ḇyedi kako. Si kako saksma aḇyair ḇaim ro aiwan ani ro andar roḇa ḇramin sena. Sikada sikenem kaḇer wer ma sḇesasoser imnis wairek fnoḇek Kristus rofafisu wampasi wambarek syaran oser.