LUKAS 10:7 - ANKANKINEM ḆEḆYE RO FAFISU INE

⁷ Mkokain ro rum oso ido, mkonan ma mkinem rosai sḇukna, snar mansei ḇefararurya, nari isma sasuref; inja mkobur awer rum ani ḇe rum-rum ḇese.

LUKAS 10:7 Iomraidhean Croise

MARKUS 6:10

Yesus dawos pdef faro si ḇo doḇe: “Mkorafa ro moḇ oso ra simarisen fa mkosun ro rum oso ido mkokain ro dia isof mkosasyar bur wer ro moḇ ani.

LUKAS 10:6

Ma rum ani ono sisya sefandun faro aroo mkoḇena, nari askiya kyainso si. Ḇape ono sḇefandun aroo mkoḇenaḇa ido, nasiḇer faro mko.

LUKAS 9:4

Ma rofyor mkosun ro rum oso kwar, mkoḇeryar rodia isof mkosasyar ma mkombran pdef mararan mkoḇedi rodia.

FARFYAR RO MANWAWANSYA 16:15

Isma masi sren kuker kawasa ro rum ḇyedi ḇesiper kwar, dor inko, ḇo doḇo: “Rofyor mko kara, ayaḇe bin ḇekyar faro Manseren, mkorama mkoḇe ryar ro rum ayedi.” Ḇyedifer inko isof inkoso i.

FARFYAR RO MANWAWANSYA 16:34

Posa dunsu ḇe rum ḇyedi ma ikankun fa suyan. Ma iryaḇ fafayaḇa snar i ma kawasa ro rum ḇyedi ḇesiper sikyar kwar faro Allah.

FARFYAR RO MANWAWANSYA 16:40

Raimnai subur bui ma sura ḇe Lidia rum ḇyedi; ma su srow naek ansi kwar ro dia ma suḇuk sneprei faro si, posa manwawan ansuya subur.

GALATIA 6:6

Ma mansei ḇesma farkarkor ro Manseren wosya, nari ḇyerwas roi ismana faro snonkaku ḇeḇuk farkarkor faro iya.

1 TIMOTIUS 5:13

Osower syun-swaye ro ono ḇese rum sena, indo simyaren ḇa ma simyaren ḇaya derer mondaḇaḇoi sḇeḇindaw ma spambarḇar snonkaku ḇese wawos sena ma sikofen roi ḇenapes ḇa.

2 TIMOTIUS 2:6

Manfrudo oso ḇefararur myaren ro yaf iso nari ḇeyan ḇepon pun ro ardomes ḇyena.