LUKAS 10:42 - ANKANKINEM ḆEḆYE RO FAFISU INE

⁴² ḇape oser monda iso ḇeḇefandunya: Maria kyinfir kwar rarwas ḇeḇye syadi, isoine roi oso ipok duni buriḇa.”

LUKAS 10:42 Iomraidhean Croise

MARKUS 8:36

Fainda rosai snonkaku oso nya ḇesiper supswan ḇoi, kankenem ḇyeja ryo buri?

LUKAS 10:39

Bin ani ḇeknik ḇyedi snonsnon ḇyedi Maria. Maria kyain fanam Yesus wemin ḇyesuya ma imnaf naḇye farkarkor ḇyena.

LUKAS 11:1

Rofyor Yesus isya ḇyenadi ro moḇ oso. Fafisu ḇyenadi raimnai, manfamyan ḇyesi oso ikofen faroi: “Manseren, farkor nko ro ḇaḇenadi, imnis raris Yohanes fyarkor manfamyan ḇyesi.”

LUKAS 12:20

Ḇape Allah ikofen faroi: Ne, snonkaku ḇefawi royoḇa, ro roḇ ineḇeri rur bedi nari ḇyeḇeyun bur aw, ma rosai fasos kwar na, mansei nkain faroya?

LUKAS 12:33

Mkobob nana mkoḇenakam fa mkobuk farsarser! Mko sip faro mko mansrip ḇedauḇa, isoine nana oso ro boiyaswa nari ḇeḇroba, ma ḇekarawsya nari skarawḇa ma as sya nari san naḇa.

LUKAS 16:2

Inja dor manwarwaren ani ma ifuken: Kaku ro roi yamnaf ro aw na? Buk kankarem ḇenapes ro fararur bedi, snar nari wafararur ro fararur ani werḇa.

LUKAS 16:25

Ḇape Abraham ikofen: ‘Rumkun yedi, waswarepen, awma wasma ḇaḇye bena kwar rofyor wakenemya. Mboi Lazarus isma kandera ḇefnakḇa. Baboine isma sneprei ma waksma kandera ḇefnakḇa.

LUKAS 18:22

Yesus imnaf rarirya ikofen faroi: “Ḇape roi oser isya kaker fa nari wafrurya: boḇ pres nana benakada ma warwas na faro ḇesaḇararsya, rarirya nari wakna nana ḇero boiyaswa, posa rwama waso aya.”

LUKAS 8:18

Inja, mkokara nyan manafnaf mkoḇena. Snar mansei ḇesma, faroi nari ssḇuk, ḇape mansei ḇesmaḇa, nari sunburi rosai kyara nasya faroi.”

YOHANES 11:1

Snon oso snonsnon ḇyedi Lazarus isya ro dafduf. Kyain ro Betania fnoḇek srar ḇyesuya Maria ma ḇedar ḇyedi Marta.

YOHANES 11:19

Rodia kawasa Yahudi sibor srama kwar faro Marta ma Maria fa ssḇuk sneprei faro su snar srar suḇedi marmar ḇyedi.

YOHANES 12:3

Ma Maria dun mani ḇespum ḇekakur kaku, kati mun ono fa ḇyuki ryem Yesus wemin ḇyesuya ma ipyos su kuker snonburyam ḇyena; ma rum ani ḇesiper isnarem apan ḇemani spum.

YOHANES 17:3

Kankenem ḇekain fyoroya, isoine mboi ssmambaḇir aw werer Allah ḇenapes, ma ssmambaḇir Yesus Kristus wawan kwar ani.

YOHANES 4:14

ḇape mansei ḇeyinem ro war nari yaḇuk faroi, ipok imbrow wer ḇa isof fyoro. Isyadi wer war nari yaḇuk faroi, nari ḇyewar ḇeryuḇer ro kankenem ḇyedi, ma isof kankenem ḇekain fyoroya.”

YOHANES 5:24

Yakofen faro mko: Kaku ḇeri mansei ḇerower wos ayena ma ikyar faro ḇewan ayanya, isma kankenem ḇemnaiḇa ma dakso samamyaiya ḇa, snar ikfisbur marmarya kwar ḇe kankenemya.

YOHANES 6:27

Mkofararur, faro roḇean nari ḇero na awer, mboi faro roḇean ḇekain fyoro faro kenkenem ḇemnai ḇaya kada, nari Rumkun Snonkaku ḇyuk faro mko; snar iso Mami ḇyeasas kwar, isoine Allah.”

1 KORINTUS 13:3

Ma yaḇerarwas nana yena fa yaḇukfarser faro ḇesaḇararsya, ma rofyor yaḇuk baken ayedi fa ḇyeḇekun, ḇape yana saswarḇa ido, nakam nefainda ḇaḇeri.

GALATIA 5:6

Snar kuker Kristus, ḇaḇesofakfuk ro baken, nefandunḇa, mboi fararur kakyarya kuker saswar monda.