LUKAS 10:21 - ANKANKINEM ḆEḆYE RO FAFISU INE

²¹ Rofyor ani kako Yesus iryaḇ rodo Rur Ḇesrenya ma ikofen: “Yakofen kasumasa faro au Mami, Manseren nanki ma supswan, snar wayokef roi nanebur snonkaku ḇefawi ma beswaruser nananem sya, ḇape fasna na faro snon ḇefawi royo ḇaimsya. Mami, roi ḇeradine naiso ḇefrur fa wamarisen na.

LUKAS 10:21 Iomraidhean Croise

MATIUS 16:17

Yesus ikofen faro i: “Aski faro au Simon Yunus mandaḇen ḇyedi snar snonkaku riso ḇekofen ḇadir faro au ya ḇa, ḇoi Kma yedi ro boiyaswa.

MATIUS 21:16

Sisnesna namsor, ma sikofen faroi: “Wamnaf romawa sine roi sikofen na?” Yesus ikofen faro si: “Yamnaf; mkowasya ḇaimke: Ro sḇadon romawa makḇoi ma romawa ḇeyinem sus fasos kwar sanandik?”

MATIUS 3:7

Ḇape rofyor myam kawasa Farisi ma Saduki sya siḇor sakrama ma sakor masi sren, inja ikofen faro si ḇodoḇo: “Ne ikak ḇeknampu kpu ḇyena mko. Mansei ḇekofen faro mko, insa mkofrarḇur masasor nari ḇerama?

MARKUS 10:15

Yakofen kaku ḇe mko: Mansei ro mko imarisen daknai Ḇaḇesasoser Allah ḇape dakmnis romawa kapira ḇa na daksun ro i ḇa.”

LUKAS 15:5

Ma rofyor isrowi kwar, dowi ma ikamari kuker raryaḇ;

LUKAS 15:9

Ma rofyor isrowi kwar, dor bati ḇyesi ma snonkaku ḇefanam rum ḇyedi ma ikofen farosi, ‘Mkomarisen fnoḇek aya, snar kumpan ḇero ayani yasmai kwar.’

YOHANES 11:41

Inja sikris karui ani raimnai Yesus myam ḇebo ma ikofen: “Mami, yakofen kasumasa faro aw, snar wamnaf aya kwar.

2 KORINTUS 4:3

Rofyor Ankankinem Ḇeḇye nkoḇaryas ani ono sifawi ḇaim ido, sikada snonkaku nari ḇeramura ḇeraroya.

EFESUS 1:11

Yakofen “ro Kristus”, snar ro Allah kosma rarwas ro ḇaḇeasas ḇyedi – koine ro awarya ḇyuk fa kosma rarwas ani imnisbos kuker Allah kakara ḇyedi, ifrur roi ḇeḇor kam imnis marisen ḇyedi –

EFESUS 1:5

Kuker Allah saswar ḇyedi fyasna ḇepon ko kwar ro randakya ro Yesus Kristus fa koḇeromawa ḇe i imnisbos marisen ḇyedi,