LUKAS 10:2 - ANKANKINEM ḆEḆYE RO FAFISU INE

² Ikofen farosi: “Yafna nadufen kwar, ḇape ḇefararursya siborḇa. Eḇedari nkor faro amber ḇena yafya, insa fyarem ḇefararur ono fa srabar roḇean anna.

LUKAS 10:2 Iomraidhean Croise

MATIUS 20:1

“Snar Ḇaḇesasoser ro Boiyaswa imnis tuan ḇena rum oso isasyar ro arwo prim kaku fa syewar snonkaku ono fa sifararur ro yaf anggur ḇyedi.

MARKUS 13:34

Moḇ ine imnis bos kaku snon ḇewadwa, ḇebur rum ḇyedi ma ḇeḇe asas manfamyan ḇyesya oser-oser kuker fararur ḇyeja ma ḇeyanun faro ḇewaren kedwaya insa iwaren.

MARKUS 16:15

Raimnai ikofen faro si ḇo doḇe: “Mkora ḇe supswan ḇesiper, mkoḇaryas Ankankinem Ḇeḇye ya faro roi ḇekenem sya kam.

MARKUS 16:20

Si kako sra sḇaryas Ankankinem Ḇeḇye ro moḇ na kam, ma Manseren ifararur fnoḇek si ma syoser wos ya kuker aḇyair ḇefnoḇek si.

LUKAS 9:1

Inja Yesus dor manfamyan samfur seser risuru ḇyesi, raimnai ḇyuk samambraḇ ma papoik farosifa insa sipoik syadi rur ḇemaḇak ma ssḇuk pararei ro dafduf na.

FARFYAR RO MANWAWANSYA 11:19

Ro fafisu ya naek srar sibor skakek snar marindi ḇekur si rofyor sḇuk samamyai marmar faro Stefanus kwar. Sibur skakek isof ro Fenisia, Siprus ma Antiokhia; fama sḇaryas Ankankinem Ḇeḇye ya monda faro snonkaku Yahudisya serer.

FARFYAR RO MANWAWANSYA 13:2

Ro ras oso rofyor seari faro Manseren ma sfarfor, Rur Ḇesren ya ikofen: “Mkoḇuk ḇardi Barnabas ma Saulus faro aya, insa sufrur fararur yaḇuk kwar faro su.”

FARFYAR RO MANWAWANSYA 13:4

Snar Rur Ḇesren ya iwan su, Barnabas ma Saulus surandak ro Seleukia, ma ro dia suyayun ḇe Siprus.

FARFYAR RO MANWAWANSYA 20:28

Inja mkowaren mankun mko ma mkowaren nai ḇesiper ani kam, snar mko iso Rur Ḇesren ya fyasnai kwar fa ḇemamepen ma ḇefakwak Allah jemaat ḇyedi, ismai si kwar kuker rik ro mankundi Romawa Ḇyedi.

FARFYAR RO MANWAWANSYA 22:21

Ḇape Manseren ikofen faro aya: Rwa, snar nari Yawan au binkwan kaku rodine faro er-er ḇeso.”

FARFYAR RO MANWAWANSYA 8:4

Kawasa Kristen ḇebur famok ansi simbran ro sup ḇesiper ma sḇaryas Ankankinem Ḇeḇye.

1 KORINTUS 12:28

Rarirya ro jemaat kako Allah fyasna kwar moḇ faro snonkaku oser-oser: randakya manwawan; ḇeḇesuru, nabi-nabi, ḇeḇekior guru-guru, raimnai ḇefrur aḇyair kanandor, ḇarpurya faro ḇesma papoik fa ḇeḇuk pararei faro snonkaku ḇeduf, roḇaido faro ḇefnoḇek snonkaku ḇese, roḇaido faro manfarkin, roḇaido faro ḇewawos ro wos kofawiḇa.

1 KORINTUS 15:10

Ḇape snar Allah ḇaḇenaḇye ḇyedi aya isya raris moḇ baboine yaraine. Ma Allah ḇyuk payasyos waworek mondaḇa maro aya. Snar aya iso ḇefararur syadi ro manwawan ḇesesya kam. Ḇape kaku ḇeri ḇaḇesewar ayenaisyaḇa; nane Allah ḇaḇesewar ḇyenairya ḇesewar aya ma ḇefararur fnoḇek aya.

2 KORINTUS 6:1

Snar nkoine min ḇefararur fnoḇek Allah, inja nkor kaku ḇeri insa naek mkoḇefandunba awer Allah ḇaḇenaḇye ḇyedi.

FILIPI 2:21

snar sikam ssewar ḇaḇefandun mankunsi sena, mboi ḇaḇefandun ro Yesus Kristus ḇa.

FILIPI 2:25

Rofafisu ine yakara iḇye yawan Epafroditus faro mko, isoine naek ayedi ma min ḇefararur kayam, mkowan faḇeyuffarmyan aya ro ḇaḇefandun yena.

FILIPI 2:30

Snar kuker fararur Kristus ḇyena indokada imar ma ḇyuk rur ḇyedi fa ifrur mnis rosai ḇemisḇa ro afuffarmyan mkoḇena maro aya.

KOLOSE 1:29

Eḇedari yaḇesewar kaku kuker samambraḇ ḇeḇor kam imnis Kristus papoik ḇyedi ḇefararur sambraḇ ro aya.

KOLOSE 4:12

Epafras fyarem aroo faro mko; i snon oso rofandu mko, Yesus Kristus manfamyan ḇyedi, ḇeḇenadi ḇesyakwar faro mko, insa mkores nako, imnis snonkuf ma ḇekyar kaku roi ḇeḇor kam Allah imarisen na.

1 TESALONIKA 2:9

Snar mkoswarepen kaker ḇaḇesewar ma kandera – marmor nkoḇena kwar. Rofafisu nkofararur ro roḇ meser, insa nkofrur kandera faro oso ḇa kako rofandu mko, snar nkoḇaryas Allah Ankankinem Ḇeḇye ḇyedi faro mko.

1 TESALONIKA 5:12

Nkor faro naek srar, insa mkoḇesyowi ḇefararur sambraḇ rofandu mko, ḇefarkin ma ḇesonek mko snar Manseren;

2 TESALONIKA 3:1

Inja, naek srar, mko ḇenadiwarek nko, insa Manseren wos ḇyedi irwuren ma imbran kuker payamyum rofandu mko.

1 TIMOTIUS 4:10

Eḇedari kofaḇri isof kardomes, snar kona kakyar faro Allah ḇekenem, Ḇeḇuk koreri faro snonkaku kam, isyadi faro ḇekyarsya.

2 TIMOTIUS 4:5

Ḇape wepen mankundaw ro roi ḇeḇor kam, wakḇaḇ ro ḇaḇekandera, wafrur fararur ḇaḇeḇaryas Ankankinem Ḇeḇye, ma wafrur posa afuffarmyan bedi!

FILEMON 1:1

Ro Paulus, snon ḇesmai snar Yesus Kristus ma ro Timotius naek koḇedi, faro Filemon yaswar kaku, bati ḇefararur kayam

IBRANI 3:6

Ḇape Kristus ikada ḇyeuser imnis Rumkun nari ḇeḇeḇru ro Allah rum ḇyedi; ma Allah rum ḇyedi isoine koine, rofyor koisya ro papupesya kuf nako ro kakyar ma saneraro ro rosai komsik kukerya.

FASASNA FARO YOHANES 2:1

“Faro malaikat jemaat ro Efesus, fas radine: Inekada ananun ro i ḇeyufepen kum rifik ro ḇramin ḇar raku ḇyedi, ma ḇembran rofandu padamara brawen ḇeḇewemin rifik anna.