LUKAS 1:6 - ANKANKINEM ḆEḆYE RO FAFISU INE

⁶ Imbeswa suine sukenem nasren, ro Allah ḇarpon ḇyedi ma sukenem kuker ḇaḇeuser sasoser nakam raris Manseren moḇ ḇyukraya ma suḇeyuk royoḇa.

LUKAS 1:6 Iomraidhean Croise

LUKAS 1:7

Ḇape sukada suna romawaḇa, snar Elisabet pyansnasem ma suḇe insar mansar kwar.

LUKAS 16:15

Raimnai Yesus ikofen farosi: “Mkoḇuk kaku ro mankun mko, ro ḇarpon snonkaku, ḇape Allah ifawi sne mkoḇena. Snar roi snonkaku semanmin na, Allah dayin na.

LUKAS 2:25

Ro mnu Yerusalem, snon oso isya snori Simeon. I snonkaku ḇekyar faro Allah ma ḇenapes, ma ḇewaf Ḇeḇuk sneprei faro Israelsya.

FARFYAR RO MANWAWANSYA 2:25

Snar Daud ikofen ro i doḇo: ‘Yamam ḇesya kwar faro Manseren, snar dores fanam aya isof yapok yamarmer ḇa.

FARFYAR RO MANWAWANSYA 23:1

Paulus iknower ḇebarara Kankain Karkara Agama ansi, posa ikofen: “Ne, naek srar ayesi, isof ro ras ine yakenem kuker sneuser ḇesren ro ḇarpon Allah.”

FARFYAR RO MANWAWANSYA 24:16

Inja yasewar ḇesya kwar insa yakenem kuker sneuser ḇesren ro ḇarpon Allah ma snonkaku.

FARFYAR RO MANWAWANSYA 8:21

Wasma rarwas osoḇa ro mnuk ine, snar snembri inapes ḇa ro ḇarpon Allah.

ROMA 8:4

Allah ifrur rarirya insa marisen ḇyedi ḇefasna ro sasoser agama Yahudi koḇena fa nambran ro kenem koḇena raris kankenem ro Allah Rur ḇyedi ma koso awer kankenem ro ḇaḇesnonkakuya.

1 KORINTUS 11:2

Yasandik mko snar mkoswarepen aya ḇesya kwar ma mkoso farkarkor yaḇuk faro mko na.

2 KORINTUS 1:12

Roi nkoryaḇya mboi swaruser ro nkosnesna ro roi ḇeḇor nkofrur ro supswan ine – isyadi ro ḇaḇeoser nkoḇedi kuker naek mko – nkofrurna kwar kuker kakara ḇenapes ma ḇesren ro Allah. Nkofrurna kuker fawawi snonkakuḇa, ḇape kuker samambraḇ Allah ḇyuk maḇenko.

FILIPI 2:15

ma mkofrur sasar awer, imnis Allah romawa ḇesren ḇyesi rofandu snonkaku ḇeḇarḇor ma ḇesasar ma ḇeḇor sine, isof mkosna rofandusi imnis maksya ro supswan ine,

KOLOSE 1:22

ḇape ro baboine, kuker marmar ro Rumkun ḇyedi, Allah ifrur ḇaḇeoser mkoḇedi, iḇye kaḇer wer kuker mankundi. Kuker nyan ine dun mko faro Allah imnis snonkaku ḇesren, mkokaku ma mkofarorew ḇa.

1 TESALONIKA 3:13

Manseren ḇyuk sambraḇ faro mko kada, insa mkosren ma mkofarorew ḇa, ro ḇarpon Allah ma Kma koḇedi rofyor raramuma ro Manseren koḇedi, Yesus fnoḇek kawasa ḇyesya kam.

2 PETRUS 3:14

Inja, naek srar yaswar kaku, rofafisu mkowafwaf roi ḇeḇor nane kam, iḇye syadi mkoḇesewar, insa sisma mkofarorewḇa ro Allah ḇarpon ḇyedi kuker ḇaḇeaski ro Allah.

1 YOHANES 2:29

Mkofawi kwar Kristus ikenem ma iso Allah marisen ḇyedi. Snar rarirya mkofawi kako snon oso ikenem ma iso Allah marisen ḇyedi, ikada Allah romawa ḇyedirya.

1 YOHANES 2:3

Rofyor koḇeuser Allah sasoser ḇyena, irya kofawi Allah.

1 YOHANES 3:7

Romawa yesi mko, mkomam monda awer ḇo manseirya kako ḇyeninyan awer mko. Mansei ḇefrur Allah marisen ḇyedi, ḇyeknam ro Allah, imnis Kristus ḇyeknam ro Allah kako.