LUKAS 1:2 - ANKANKINEM ḆEḆYE RO FAFISU INE

² Imnis raris sḇaryas kwar maroko, ro randakya ro snonkaku ḇemam kuker mkamor ma ḇeyuffarmyan Wosya.

LUKAS 1:2 Iomraidhean Croise

MARKUS 1:1

Ine kada Ankankinem Ḇeḇye randak kaku ḇekur Yesus Kristus Rumkun Allah.

MARKUS 16:20

Si kako sra sḇaryas Ankankinem Ḇeḇye ro moḇ na kam, ma Manseren ifararur fnoḇek si ma syoser wos ya kuker aḇyair ḇefnoḇek si.

MARKUS 4:14

Ḇekekef mor anya kyekef wos ya.

LUKAS 24:48

Mko ḇeḇesaksi roi ḇeḇor nane kam.

YOHANES 15:27

Ma mko kako nari mkoḇe saksi ro aya, snar mko kada ro randakya mko fnoḇek aya kwar.”

FARFYAR RO MANWAWANSYA 1:3

Faro manwawan ansi Yesus fyasna mankundi ro fyor marindi ḇekur i nasyof kwar, ma kuker aḇyair nabor ḇyuk fasasnai mboi i kenem. Snar ro ras samfur rifiak, fyasnai mankundi ḇe rarwan ono ma dawawos faro si ro Ḇaḇesasoser Allah ya.

FARFYAR RO MANWAWANSYA 1:8

Mboi nari mkosma papoik, rofyor Rur Ḇesren dadofes ḇemko, ma nari mkoḇesaksi ḇe aya ro Yerusalem ma sup Yudea ḇesiper, Samaria isof supswan pember ya.”

FARFYAR RO MANWAWANSYA 14:25

Ro dia suḇaryas wos ya ro Perga, raimnai suraḇe Atalia, ro swan andir.

FARFYAR RO MANWAWANSYA 16:6

Skombranuk sup Frigia ma sup Galatia, snar Rur Ḇesren ya idwarek sko ḇaryas Ankankinem Ḇeḇye ro Asia.

FARFYAR RO MANWAWANSYA 17:11

Kawasa Yahudi ro mnu ani sisnesna nfafir syadi kawasa Yahudi ro Tesalonika, snar sikada simnaf wosya kuker sne ḇemarisen syadi ma ras-ras kam sewasya Refoya fa ssḇuk karkara farkarkor simnaf na nkaku rariryake roḇa.

FARFYAR RO MANWAWANSYA 26:16

Ḇape knikine, wakḇok ma wores. Yafasnai mankundaya faro au insa yaḇeasas au fa bemanfamyan ma besaksi ro roi ḇeḇor mam kwar ro aya ma roi ḇeḇor nari yafasnai wer faro au.

FARFYAR RO MANWAWANSYA 4:20

Snar nari inkomnai ḇaḇeri fa inkawawos ro roi inko mam ma inko mnaf kwar.”

FARFYAR RO MANWAWANSYA 8:4

Kawasa Kristen ḇebur famok ansi simbran ro sup ḇesiper ma sḇaryas Ankankinem Ḇeḇye.

ROMA 15:16

Allah ḇyuk kwar fa yaḇe manfamyan ro Yesus Kristus, ma iwan aya faro er-er ḇese ḇeḇe Yahudiḇasya, ma yafararur imnis imam, ḇeḇaryas Ankankinem Ḇeḇye ro Allah, insa kawasa ḇeḇe Yahudiḇasya simnis farsarser oso faro Allah ma Allah nyasi. Iḇyekada Allah Rur ḇyedi ifrur fa sḇefarsarser oso faro Allah.

1 KORINTUS 4:1

Mkokara inkoḇe Kristus manfamyan ḇyesi ḇekarem ma ḇeḇaryas Allah aw ḇyena faro supswan ine sifawi ḇaim na.

IBRANI 2:3

nari kokfis rariso rofyor kokara kuker awnosḇa knam ro koreri ani, randakya Manseren ikofen kwar ma kosma na ro snonkaku ḇerower kwarsya sfar pampyam maḇeko kuker nyan kokyar na,

1 PETRUS 5:1

Yaḇuk swarepen faro penetua-penetua rofandu mko, aya imnis min penetua ma saksi ḇaḇekandera Kristus, nari ḇesma kako rarwas ro baba, rofyor Kristus baba ḇyedi ḇyeḇefasna faro snonkakusya.

2 PETRUS 1:16

Snar nkoso farfyar kakais fararur snonkaku ḇa, rofafisu nko ḇaryas faro mko baba ma rarama Manseren koḇedi Yesus Kristus. Baba Kristus ani nkomam i kwar.