FILIPI 3:9 - ANKANKINEM ḆEḆYE RO FAFISU INE

⁹ ma aya isya kuker Kristus mboi kuker ḇaḇenapnapes ayena ḇa snar yaḇeuser sasoser Refo Yahudi, mboi kuker napnapes snar kakyar faro Kristus, isoine napnapes Allah ḇyuk snar kakyarya.

FILIPI 3:9 Iomraidhean Croise

2 KORINTUS 5:21

Kristus ifrur sasarḇa, ḇape Allah ḇyuk faḇyar sasar koḇena, insa koḇye kaḇer wer kuker Allah, snar ḇaḇeoser koḇena kuker Kristus.

1 KORINTUS 1:30

Allah mankundi iso ḇefrur fa naek srar mkoḇeoser kuker Yesus Kristus. Allah ḇyuk Kristus maḇe ko, insa fawawinanem koḇena nmambir ro Kristus. Snar Kristus ḇefrur fa koḇye kaḇer wer kuker Allah, ma ifrur ko fa koḇe kawasa faro Allah. Kristus iso ḇefasparko.

GALATIA 2:16

Mkofawi, mboi snonkaku osero ḇaḇeri sbuk napnapes faroi snar ḇyeuser sasoser Refo Yahudiya, ḇape snar kakyar faro Yesus Kristus monda. Eḇedari nko kako nkokyar faro Yesus Kristus kwar, insa nkosma ḇaḇenapnapesya snar kakyar faro Kristus. Mboi snar ḇaḇeuser sasoser Refo Yahudiyaḇa.

ROMA 8:1

Baboine samamyai isya werḇa faro snonkaku ḇekenem ro ḇaḇeoser kuker Yesus Kristus.

ROMA 1:17

Snar kuker Ankankinem Ḇeḇye ani, Allah fyasna rariso nyan ḇaḇeoser snonkaku kuker Allah iḇye kaḇer wer; isoine kakyar faro Allah, ro randakya isof papupesya. Imnis fas-fas ro Refo, “Snonkaku ḇekyar faro Allah isof ḇaḇeoser ḇyedi kuker Allah iḇye kaḇer wer, snonkaku ani nari ikenem!”

TITUS 3:5

rofyor ani ḇyuk korerima ḇeko, snar fararur ḇeḇye koḇena ḇa, ḇape snar ḇaḇenaḇye ḇyedi ro masi sren ḇeyaḇen kaḇer ko snar fararur ro Allah Rur ḇyedi,

2 TIMOTIUS 1:9

Allah iso ḇeḇuk koreri ḇeko ma ḇeyor ko kuker fararyor ḇesren, ḇeḇeknam ro fararur koḇena ḇa, mboi ḇyeknam ro kakara ma saswar-fakamaman mankundi ḇyena, ḇeḇuk ḇeko kwar ro Yesus Kristus ro awarmadero ḇaimya.

2 KORINTUS 5:17

Snonkaku ḇeḇeoser kwar kuker Kristus, sḇesnonkaku ḇebabo kaku ḇeri. Inja roi ḇekwar ro snonkaku ani isyaḇa kwar – snar nakam nbabo kwar.

FILIPI 3:6

ro fararur yaḇewayam jemaat, ro ḇaḇenapnapes ma sasouser sasoser Refo Yahudi yafarorewḇa.

ROMA 10:10

Snar kuker sneya, snonkaku sikyar Allah, isof Allah nyasiḇe snonkaku ḇeḇye kaḇer kuker Allah. Ma snonkaku skarem kuker sisḇasna isof sisma koreri.

ROMA 8:3

Rosai sasoser agamaya ifrurḇa, snar snonkaku koya kosambraḇ ḇa Allah ifrurna kwar. Allah ifrur kafyo papoik sasarya ro rari snonkakuya, isof iwan Rumkun ḇyedi fa ryama kuker ḇaḇesnonkaku ḇesasar, insa ipyos sasar na.

MATIUS 9:13

Inja mkora, ma mkokara wos ine kankunesḇyedi isoine: “Roi Yaḇefandun ya isoine sne ḇesaswar ḇoi farsarser ḇa, snar Yarama fa yor ḇenapes sya ḇa, ḇoi Yor kawasa ḇesasar.”

1 YOHANES 3:4

Mansei ḇefrur sasar, ḇyeuk Allah sasoser ḇyena; snar sasar ikada ḇaḇeuk Allah sasoser ḇyena.

2 PETRUS 1:1

Ro Simon Petrus, manfamyan ma wawan Yesus Kristus, faro si ḇefnoḇek kuker nko ḇesma kakyar snar Allah ḇenapes ma Yesus Kristus Ḇeḇuk korerima ḇeko.

YAKOBUS 3:2

Snar kokam kosasar ro roi nabor; mansei ḇesasar ḇa kuker wos ḇyena, ikada snonkaku ḇenapes, ma nari fyara baken ḇesiper ḇyedi kako.

IBRANI 6:18

insa fasasna risuru ansuya susadwer ḇa, isoine asas ma fafores, Allah fyes mankundi kuker fafores ani, Allah isrer ḇa, inja ḇesewar fafnoḇek koya, idif ko fakufnako kakyar ḇero ḇarpon koḇena.

ROMA 16:7

Mkokofen ḇadir aroo ayena kako faro Andronikus ma Yunias. Sukada su ḇekeret ma er oser kuker aya ma su yaksun bui kwar fnoḇek aya. Rofyor yakyar faro Kristus ḇaim, sukada sukyar ḇepon kwar. Manwawansya sifawikam su.

ROMA 5:21

Inja, imnis komar snar kofrur sasar, rarirya kako Allah ḇyuk nyan maḇeko insa koḇye kaḇer wer kuker Allah snar saswar ḇyeja ḇeko. Ma snar ḇaḇeoser koḇedi kuker Allah, iḇye kaḇer kwar ma ḇyuk kako kankenem fyoro-fyoroya maḇeko snar Manseren koḇedi Yesus Kristus.