FILIPI 3:6 - ANKANKINEM ḆEḆYE RO FAFISU INE

⁶ ro fararur yaḇewayam jemaat, ro ḇaḇenapnapes ma sasouser sasoser Refo Yahudi yafarorewḇa.

FILIPI 3:6 Iomraidhean Croise

MATIUS 23:25

Mkoroë, ne, ḇefawi nananem Refo Yahudi ma kawasa Farisi, ne, kawasa ḇeḇarḇor mko, snar skaninem ma ben ḇeyanan mkoḇan sren ḇandisi, ḇape donsi kada sifo kuker fasyar ma rmomen.

MATIUS 5:20

Inja Yakofen faro mko: Rofyor kankenem ḇaḇeagama mkoḇena nanapes syadiḇa ro kankenem ḇaḇeagama ḇefawinananem Refo Yahudi ma snon Farisi syaḇa, kaku ḇeri nari mkaksun ro Ḇaḇesasoser Boiyaswaḇa.

LUKAS 1:6

Imbeswa suine sukenem nasren, ro Allah ḇarpon ḇyedi ma sukenem kuker ḇaḇeuser sasoser nakam raris Manseren moḇ ḇyukraya ma suḇeyuk royoḇa.

FARFYAR RO MANWAWANSYA 21:20

Simnaf rarirya sikam sisandik Allah. Raimnai sikofen faro Paulus, ḇo soḇo: “Naek mamkada, Yahudi syaran-syaran sikyar kwar ma simyaren sisouser sasoser Refo Yahudi.

FARFYAR RO MANWAWANSYA 22:5

Roi nane iḇye Imam Ḇeba ma Kankain Karkara Ḇebarara-Ḇebarara sya mankunsi smame. Si ḇeḇuk syap ḇeaya fa yun faro naik syaro Damsyik ma yara kwar ro diwa yafor ḇeso Manseren Nyan ḇyedi ḇero diwa sya, insa yun si ḇe Yerusalem fa sismai.

FARFYAR RO MANWAWANSYA 26:5

Fyoro kwar sifawi aya ma simarisen kada, nari ssḇuk ḇaḇesaksi snar yakenem imnis snon Farisi ḇeḇeuser ḇar ḇepakrek syadi ro agama nkoḇedi.

FARFYAR RO MANWAWANSYA 8:3

Ḇape Saulus syewar nyan fa fyasasye jemaat ani inja syun-syaye rum ḇe rum ma ismer snon ma bin ḇeḇandi ma ḇyesi fa ssun ro bui.

ROMA 7:9

Ro randakya, yakenem kuker sasoser agamayaḇa. Ḇape rofyor sasoser agamaya isya kwar sasarya kako isya ḇeri

1 KORINTUS 10:32

Mkokenem rarirya insa kankenem mkoḇedi ifrur fa snonkaku ḇeḇesya skarkar ma nafnai fa naek mkoḇesi sḇesasar awer; iḇye snon Yahudi roḇa snon ḇeḇe Yahudiḇa, roḇa wer Allah jemaat ḇyedi.

1 KORINTUS 15:9

Aya ine Manseren manwawan ḇyedi ḇesma anonef. Aya ine sipok sap aya ḇe manwawanḇa, snar yaḇewayam Allah jemaat ḇyena kwar.

FILIPI 2:15

ma mkofrur sasar awer, imnis Allah romawa ḇesren ḇyesi rofandu snonkaku ḇeḇarḇor ma ḇesasar ma ḇeḇor sine, isof mkosna rofandusi imnis maksya ro supswan ine,

FILIPI 3:9

ma aya isya kuker Kristus mboi kuker ḇaḇenapnapes ayena ḇa snar yaḇeuser sasoser Refo Yahudi, mboi kuker napnapes snar kakyar faro Kristus, isoine napnapes Allah ḇyuk snar kakyarya.

1 TIMOTIUS 1:13

Ḇeponya yonef ma yaḇewayam kuker yakoryae ma yamsor Yesus Kristus, ḇape Allah iswar aya, snar yafrur nakam kuker fawawiḇa snar rofyor ani yakyar ḇaim.