FILIPI 3:5 - ANKANKINEM ḆEḆYE RO FAFISU INE

⁵ yasma sofakfuk ro ras ḇeḇewar, ro er Israel, ro keret Benyamin, snon Ibrani kaku, ro ḇaḇeuser sasoser Refo Yahudi aya ine snon Farisi,

FILIPI 3:5 Iomraidhean Croise

LUKAS 1:59

Ma ras ḇeḇewarya srama fa sifrur sofakfuk faro romawa ani ma simarisen sniriḇe Zakharia imnis kmari snonsnon ḇyedi,

LUKAS 2:21

Ma rofafisu wombrek ani ḇye rasri war kwar, sifrur sofakuk ḇyedi, ma sniriḇe Yesus, imnis snonsnon malaikatya ikofen kwar, rofyor snari fyadoresi ḇaim.

LUKAS 5:38

Inja swan ḇebabo sya ipyum syadi seḇeser ro kibon ḇebabo kako.

FARFYAR RO MANWAWANSYA 22:3

“Aya ine snon Yahudi, saḇen aya ro Tarsus ro sup Kilikia, ḇape yaba ro mnu ine; befarkor aya isoine Gamaliel ḇyeaunos pyum kaku ḇe aya ro sasoser kpu koḇesi, isof aya ine yamyaren kaku yafararur faro Allah imnis raris mkokam ro fafisu ine.

FARFYAR RO MANWAWANSYA 23:6

Ma snar ifawi, ro fandu si ono ssun ro rarwas Saduki ma ono ssun ro rarwas Farisi, inja dor naba ro Kankain Karkara Agama ani, ḇo doḇo: “Ne, naek srar ayesi, aya ine snon Farisi, ḇeḇeḇarpur ro snon Farisi; mkun aya ḇe ḇarpon Kankain Karkara ine, snar yakyar nari aḇiḇer ro snonkaku ḇemar sya.”

FARFYAR RO MANWAWANSYA 6:1

Ro fafisu ani, kawasa Kristen ḇesun babo sya sibor syadi wer, isof ro fandu kawasa Yahudi ḇeyawosḇe Yunani sya surem kawasa Ibrani sya, snar rarwas faro kabom sesi sefandun siḇa ro afuf farmyan ḇero ras-ras.

ROMA 11:1

Yaḇe yafuken: Inja Allah mankundi isawen kawasa ḇyesya kwarke? Roḇa kaku ḇeri! Snar aya ḇardi snon oso ro Israel, Abraham kpu ḇyesi, ma ro keret Benyamin.

2 KORINTUS 11:22

Snon Ibrani siryake? Aya kako snon Ibrani. Snon Israel siryake? Aya kako snon Israel. Abraham up ḇyesiryake? Aya kako rarirya!