FILIPI 3:3 - ANKANKINEM ḆEḆYE RO FAFISU INE

³ snar koine snonkaku ḇesma sofakfuk ḇekaku, ḇeḇeari kuker Allah Rur ḇyedi, ma ḇemsik kuker Yesus Kristus mboi kosma kakyar faro rari snonkaku ḇa.

FILIPI 3:3 Iomraidhean Croise

ROMA 1:9

Mboi Allah yuffarmyan kuker sne ḇesiper ro ḇaḇe ḇararyas Ankankinem Ḇeḇyeya, kuker Rumkun ḇyedi, iso ḇeḇesaksi maro aya, mboi rofyor yabe yanadi ido, yaswarepen mko besyakwar;

ROMA 15:17

Inja, snar yaḇe oser kwar kuker Yesus Kristus, inja yamsik kuker fararur ayedi faro Allah.

ROMA 7:6

Ḇape baboine koḇe ḇefesepen kuker sasoser agama Yahudi anna werḇa. Komarbur papoik ro sasoser randakya ḇeyaḇek ko kwar. Inja koḇe manfyan faro rari ḇekwarnaḇa kwar, imnis sasoser ḇeser fasfasna. Inja baboine koḇe manfyan koso rari babo Allah Rur ḇyedi fyasna maḇe konya.

ROMA 8:15

Snar Allah Rur ḇyedi ḇyuk faro mko fa mkoḇe manfyanḇa, isof mkokenem kuker makakakḇa kwar. Snar Allah Rur ḇyedi ifrur fa mkoḇe rumkun faro Allah. Ma kuker papoik ro Allah Rur ḇyedi kor Allah ḇe “Kma, o Mami.”

ROMA 8:39

iḇye roi ḇero nanki, roi ḇero sup ine dori nakako, oroḇaido roi ḇese wer, nakam nadwarek Allah saswar ḇyuk mabekonyaḇa, imnis fyasna kwar ro Yesus Kristus Manseren koḇedi.

ROMA 9:6

Yakara ma yakofenḇa ḇo yoḇo Allah asas ḇyena nari ndarirya werḇa; ḇape kawasa Israel Allah kyinfir sikamba.

2 KORINTUS 11:18

Kakuḇaḇoi snonkaku sibor simsiksi ro roi ḇeḇor ro supswan, inja yoḇe yamsik mankundaya kermkuno kako.

GALATIA 5:25

Rofyor kokenem kuker Rurya, iḇye wer Rur ani ikfin kankenem koḇena kako,

GALATIA 6:16

Ma snonkaku kam, ḇeḇuk mankun faro kakara ine, aski ḇaḇenaḇye Allah isabu faro si ma faro Israel ḇyesi.

EFESUS 6:18

mkofrur nakam kuker nadi famkor fafnoḇek ro Allah. Mkonadi kada rofafisu nakam kuker Rurya ma mkomnai awer ro nadi ma fararyor faro snonkaku ḇeḇor ḇesrensya,

FILIPI 1:1

Syap ro Paulus ma Timotius, Yesus Kristus manfamyan ḇyesi, faro Allah kawasa ḇyesi kam ro Yesus Kristus ro Filipi, kuker manfarkin ma ḇeyuffarmyan (syamas) jemaat.

FILIPI 3:12

Inja imnis raris yasma moḇ ine kwar roḇa yamnis kwar, mboi yayawna, isof yaforna, snar aya kako Yesus Kristus fyor aya ro marandan ḇeraḇe Damsyik.

FILIPI 3:14

ḇape moḇ yafararur raiso ine: yafanander rosai ḇero ḇarpur ayedi kwar ma yamamker monda faro rosai ḇero ḇarpon ayedi, ma yafrar faro yasma sasuref, isoine fararyor ro boiyaswa ro Allah snar Yesus Kristus.

KOLOSE 2:11

Ro Kristus mkosma sofakfuk kwar, sofakfuk snonkaku sifrur ḇa, ḇape kuker Kristus sofakfuk ḇyedi, ḇeḇeknam ro ḇaḇemkei baken ḇesasar ine,

YUDAS 1:20

Ḇape mko kam, naek srar ayesi, mko kada mkokfin mankun mko ro kankenem kakyarya kada; kakyar mkoḇena nasren kaku; ma mkonadi kuker papoik Allah Rur ḇyedi,