FILIPI 3:12 - ANKANKINEM ḆEḆYE RO FAFISU INE

¹² Inja imnis raris yasma moḇ ine kwar roḇa yamnis kwar, mboi yayawna, isof yaforna, snar aya kako Yesus Kristus fyor aya ro marandan ḇeraḇe Damsyik.

FILIPI 3:12 Iomraidhean Croise

MATIUS 5:48

Inja mkonapes imnis raris Kma mkoḇedi ro boiyaswa moḇ inapes rai.”

FARFYAR RO MANWAWANSYA 9:15

Ḇape Manseren ikofen faroi: “Rwamura snar snon ani dera yakimfir kwar faro aya fa ḇyaryas snonsnon Yedi faro er ḇeso kako ma faro wairek-wairek ma kawasa Israel.

ROMA 8:39

iḇye roi ḇero nanki, roi ḇero sup ine dori nakako, oroḇaido roi ḇese wer, nakam nadwarek Allah saswar ḇyuk mabekonyaḇa, imnis fyasna kwar ro Yesus Kristus Manseren koḇedi.

1 KORINTUS 13:10

Nari rofyor ḇemnisna ndama kwar, nari ḇemnis mankun ḇaimna nari nadawer kam.

1 KORINTUS 13:12

Rosai komam ro baboine namnis nin ḇefafafen ro kansinai. Ḇape nari komambos ḇekakuya. Baboine roi yafawina namnis mankun ḇaim, ḇape nari yafawi namnis imnis raris Allah moḇ ifawi namnis ayaraya.

1 KORINTUS 9:24

Naek srar mkofawi kaku ro fanandi farandar, ḇesosya oser monda i ḇesma sasurefya. Eḇedari naek mkofaḇri ro farandarya insa mkosma sasurefya.

2 KORINTUS 13:9

Nkoryaḇ rofyor nkosambraḇ ḇa, mboi naek srar mkosambraḇ. Nkonadi warek naek srar insa mkokenem mnis.

2 KORINTUS 7:1

Naek srar yaswar kaku! Snar asas ḇeḇor kam neḇefrur maroko kwar. Inja, iḇye kofasren mankun ko ro roi ḇeḇor kam ḇefrur mamas baken ma rur koḇesi. Iḇye komkak faro Allah, ma kofrur sren ko insa kosma kankenem ḇardi kuker Allah.

GALATIA 5:17

Snar rmomen krafya fyamfaḇri kuker rmomen Rurya ma rmomen Rurya fyamfaḇri kuker rmomen krafya – snar sukam sufamfaḇriyae – isof ro rarwan ono mkofrur rosai mkomarisen naba.

EFESUS 1:4

Snar kuker Yesus Allah kyinfir ko kwar rofyor supswan ine ḇyeḇefrur ḇaimya, insa kosren ma kofarorew ḇa ro ḇarpon ḇyedi.

EFESUS 4:12

insa sfasos snonkaku ḇesren faro fararur afuffarmyan, faro ḇaḇawes Kristus baken ḇyedi,

FILIPI 1:1

Syap ro Paulus ma Timotius, Yesus Kristus manfamyan ḇyesi, faro Allah kawasa ḇyesi kam ro Yesus Kristus ro Filipi, kuker manfarkin ma ḇeyuffarmyan (syamas) jemaat.

FILIPI 3:16

Ma rosairya monda kosma kwar, kombran rarirya monda.

FILIPI 3:3

snar koine snonkaku ḇesma sofakfuk ḇekaku, ḇeḇeari kuker Allah Rur ḇyedi, ma ḇemsik kuker Yesus Kristus mboi kosma kakyar faro rari snonkaku ḇa.

FILIPI 3:8

Rarirya roi ḇeḇor kam yakara naḇe roi ḇeḇefromo, snar mambir faro Yesus Kristus Manseren ayedi, naḇye syadi ro roi nakam. Snar i eḇedari yasawen ḇesena kam ma yakara naḇe mamas, insa yasma Kristus,

1 TESALONIKA 5:15

Mkoswarepen naḇye, insa snonkaku ono smunsu ḇarḇor kuker ḇarḇor awer, ḇape mkoḇesewar ḇesya kwar roi ḇeḇye, faro mko oser-oser ma faro snonkaku kam.

2 TESALONIKA 2:13

Ma nari nkokofen kasumasa ḇesyakwar faro Allah snar mko, naek srar, Manseren iswar kaku, snar ro randakya Allah kyinfir mko kwar famkosma koreri kuker Rur ḇefasren mko ma ro napnapes mkokyar ani.

1 TIMOTIUS 5:10

ma sfasna ḇair sifrur fararur ḇeḇye, imnis sfaduru romawa, ssḇuk sim ḇeḇeryar faro dakam, suffarmyan snonkaku ḇena kakyar oser, ma sifnoḇek snonkaku ḇeyananjarsya – rarirya sifrur kaku ḇeri fararur ḇeḇyena.

1 TIMOTIUS 6:19

ma rarirya sfanjur arasa ono imnis knam ḇeḇye faro mankunsi rofafisu nari ḇeramaya insa sisma kankenem ḇekakuya.

IBRANI 12:14

Besewar wakenem kuker aski faro kawasa kam, ma faḇri fawakenem nasren kuker Manseren, snar kuker nyan ine ḇa snonkaku osoḇa nari myam Manseren.

IBRANI 12:23

Ma mkorower raryaḇ fananjur oso – fananjur Allah rumkun rak ḇyesi, snonsnon sena neḇefas epen ro boiyaswa. Mkorower Allah, Mankara ro snonkaku kam. Mkosrow snonkaku ḇeḇye rur sesi sifrur faḇemnis kwar.

IBRANI 13:21

Allah knam askiya fyasos mko kuker roi ḇeḇye kada, mkofandun famkofrur imnis marisen ḇyedi. Kuker Yesus Kristus manfandu Allah, ifrur maro ko rosai imarisenya. Sanandik fyoro-fyoro faro Kristus! Amin.

YAKOBUS 3:2

Snar kokam kosasar ro roi nabor; mansei ḇesasar ḇa kuker wos ḇyena, ikada snonkaku ḇenapes, ma nari fyara baken ḇesiper ḇyedi kako.

1 PETRUS 5:10

Ma Allah knam ro saswar-fakamaman nakam, ḇeyor mko kwar snar Kristus baba ḇyena ḇekain fyoroya nari fyasos ma isonem, ma ḇyuk samambraḇ ma syoser mko, rofyor mkosma kandera knik monda kwar.

2 PETRUS 3:18

Iḇye kada mkofawi kaku Manseren ḇaḇenaḇye ḇyena, Wairek Ḇeḇuk korerima ḇeko isoine Yesus Kristus, ma mko kako mkofawi kaku i. Sanandik faro i, ro baboine isof fyoro-fyoro kada! Amin. Ro aya, Petrus