FILIPI 1:1 - ANKANKINEM ḆEḆYE RO FAFISU INE

¹ Syap ro Paulus ma Timotius, Yesus Kristus manfamyan ḇyesi, faro Allah kawasa ḇyesi kam ro Yesus Kristus ro Filipi, kuker manfarkin ma ḇeyuffarmyan (syamas) jemaat.

FILIPI 1:1 Iomraidhean Croise

MARKUS 13:34

Moḇ ine imnis bos kaku snon ḇewadwa, ḇebur rum ḇyedi ma ḇeḇe asas manfamyan ḇyesya oser-oser kuker fararur ḇyeja ma ḇeyanun faro ḇewaren kedwaya insa iwaren.

YOHANES 12:26

Mansei ḇeyuf farmyan aya, nari iso aya ma moḇsai aya isya roya, rodia kako ḇeyuf farmyan ayasya sisya. Mansei ḇeyuf farmyan aya nari Mami ḇyesyowi i.

FARFYAR RO MANWAWANSYA 1:20

“Snar fas-fas oso isya ro syap Mazmur: ‘Iḇyesyadi aḇdares kankain ḇyedi ḇyeursḇa, ma iḇyesyadi ono skain awer ro moḇ ani;’ ma: ‘Iḇyesyadi oso ḇeso syadwer i ro nasan ḇyedi.’

FARFYAR RO MANWAWANSYA 20:28

Inja mkowaren mankun mko ma mkowaren nai ḇesiper ani kam, snar mko iso Rur Ḇesren ya fyasnai kwar fa ḇemamepen ma ḇefakwak Allah jemaat ḇyedi, ismai si kwar kuker rik ro mankundi Romawa Ḇyedi.

FARFYAR RO MANWAWANSYA 9:13

Ananias kyarem: “Manseren ro snonkaku sibor yamnaf kwar ro snon ani ifrur ḇarḇor nabor kwar faro snonkaku ḇesren besi ro Yerusalem.

ROMA 1:1

Naek srar ayesi, Allah iswar ma dorkwar fa ḇeḇe kawasa ḇyesi ro Roma. Allah kyinfir aya ma ikanow ḇardi aya kwar fa yaḇaryas Ankankinem Ḇeḇye ḇyedi.

ROMA 1:7

Iso eḇedari yafas faro naek srar ayesimko, iḇyekada Allah kma koḇeja ma Manseren Yesus Kristus ḇyeḇok ma ḇyuk aski mufaḇe naek srar mkokam.

1 KORINTUS 16:10

Rofyor Timotius ryafa, mkosrowi kuker ḇaḇye insa isma sambraḇ rofandu mko, snar i kako ifararur ro Manseren fararur ḇyedi imnis aya.

2 KORINTUS 1:1

Naek srar Allah kawasa ḇyesi ro Korintus ma Allah kawasa ḇyesi kam ro Akhaya ḇesiper. Ayaine, Paulus, Yesus Kristus manwawan ḇyedi, Allah mankundi isiḇeri imnis mankundi marisen ḇyedi, fnoḇek naek koḇedi Timotius,

GALATIA 1:10

Inja knikine rariso: yasewar snonkaku marisen sena roḇaido yasewar Allah marisen ḇyenake? Yasewar fayun snonkaku sisnesna insa simarisen aya kaker? Rofyor yamarisen yasewar fayun snonkaku sisnesna insa simarisen maro aya, rarirya ido ayaine Kristus manfamyan ḇyedi sayaḇa.

GALATIA 3:26

Snar mkokam mkoḇe romawa faro Allah snar kakyar faro Yesus Kristus.

GALATIA 3:28

Rarisya rarwas oso isyaḇa rofandu snonkaku Yahudi roḇaido snonkaku Yunani, manfyanoḇa roḇaido snonkaku ḇemkei, snon ma bin isyaḇa kwar, snar mko kam mko ḇeoser kuker Yesus Kristus.

EFESUS 1:1

Aya Paulus, manwawan Yesus Kristus kuker marisen ro Allah, mufaḇe kawasa ḇesren ro Efesus, kawasa ḇekyar faro Yesus Kristus!

EFESUS 1:15

Snar yamnaf kwar mkokyar faro Manseren Yesus ma mkoswar snonkaku ḇesrensya,

EFESUS 6:24

Iḇye Allah ḇyeḇok naek srar mko kam kada, ḇeswar Manseren koḇedi Yesus Kristus kuker saswar ḇekain fyoro-fyoroya. Ro aya Paulus

FILIPI 2:19

Ḇape ro Manseren Yesus yakyar nari yawan Timotius faro mko, insa yasma sneprei kako rofyor yamnaf rariso kankenem mkoḇena.

FILIPI 2:5

Iḇye ro kankenem kayam mkona, swaruser ma ḇaḇir raris kosma ro Yesus Kristus kako,

FILIPI 3:12

Inja imnis raris yasma moḇ ine kwar roḇa yamnis kwar, mboi yayawna, isof yaforna, snar aya kako Yesus Kristus fyor aya ro marandan ḇeraḇe Damsyik.

FILIPI 3:3

snar koine snonkaku ḇesma sofakfuk ḇekaku, ḇeḇeari kuker Allah Rur ḇyedi, ma ḇemsik kuker Yesus Kristus mboi kosma kakyar faro rari snonkaku ḇa.

FILIPI 3:8

Rarirya roi ḇeḇor kam yakara naḇe roi ḇeḇefromo, snar mambir faro Yesus Kristus Manseren ayedi, naḇye syadi ro roi nakam. Snar i eḇedari yasawen ḇesena kam ma yakara naḇe mamas, insa yasma Kristus,

1 TESALONIKA 1:1

Ro Paulus, Silwanus ma Timotius faro kawasa jemaat ro Tesalonika, kawasa ro Allah Kmaya ma ro Manseren Yesus Kristus: Saswar-fakamaman ma aski-ḇaḇye ryowus mko kada.

1 TESALONIKA 2:2

Mboi kaku ḇeri nkorafa ḇaimya, mkofawi sewayam ma sonef nko ro Filipi kwar, ḇape kuker fafnoḇek ro Allah koḇedi, nkosma makaku fankoḇaryas Ankankinem Ḇeḇye ro Allah faro mko ro fararur ḇemarḇak ine.

2 TESALONIKA 1:1

Ro Paulus, Silwanus ma Timotius, faro kawasa jemaat Tesalonika ro Allah Kma koḇedi ma Manseren Yesus Kristus.

2 TESALONIKA 1:10

rofyor ryama ro ras ani kawasa ḇesren ḇyesya nari sisandik baba ḇyedi ma snonkaku ḇekyarsya sikandori, snar ḇaḇesaksi nkun faro mkona mkokyarna kwar.

1 TIMOTIUS 1:2

faro Timotius, romawa karyer ayedi snar wakyar faro Kristus: saswar-fakamaman, ma aski-ḇaḇenaḇye ro Allah Kmaya ma Yesus Kristus, Manseren koḇedi, ryous aw kada!

1 TIMOTIUS 3:8

Rarirya kako (syamas) ḇefnoḇek ro jemaat iḇye snonkaku ḇesma syowi, mboi snonkaku ḇeḇeramar kasipḇa, snonkaku ḇefarandinem ḇa, snonkaku ḇermomen pipi ḇa,

TITUS 1:1

Ro Paulus, Allah manfamyan ḇyedi ma Yesus Kristus manwawan ḇyedi faḇefaduru Allah snonkaku kyinfir kwarsya kakyar sena ma fawawi ro napnapesya ḇeḇair ro ḇaḇeari koḇena,

TITUS 1:7

Snar ḇefararur ro Allah rum ḇyedi snonkaku ḇefarorewḇa, ḇemarares ḇa, ḇemasasor ḇa, ḇemasaser ḇa, mkaba pipiḇa,

FILEMON 1:1

Ro Paulus, snon ḇesmai snar Yesus Kristus ma ro Timotius naek koḇedi, faro Filemon yaswar kaku, bati ḇefararur kayam

IBRANI 13:23

Mkofawi naek koḇani Timotius sisasyar i kwar ro bui. Rofyor ryama kwar ro moḇ ayedine, nari yuni rofyor yaḇe yarakaki mko.

YAKOBUS 1:1

Ro aya, Yakobus, Allah ma Manseren Yesus Kristus manfamyan suḇedi yafarem aroo faro keret samfur seser risuru ḇekakek ro supswan ine.

1 PETRUS 2:25

Snar ḇeponiwara koḇor imnis domba, ḇape baboine kokaḇer kwar faro Manfarandows Ḇefaduru Rur koḇesi.

2 PETRUS 1:1

Ro Simon Petrus, manfamyan ma wawan Yesus Kristus, faro si ḇefnoḇek kuker nko ḇesma kakyar snar Allah ḇenapes ma Yesus Kristus Ḇeḇuk korerima ḇeko.

YUDAS 1:1

Naek srar ḇesma fararyor kwar ro Allah Kmaya, iswar kaku ma mkoḇeḇewaren faro Yesus Kristus. Aya – Yudas – naek ro Yakobus, ḇeḇemanwawan ro Yesus Kristus;

FASASNA FARO YOHANES 1:1

Syap ine kyur rosai Allah ikofen ḇadir faro Yesus Kristus insa fyasna na faro Allah manfamyan ḇyesi rosai nari ḇerama fasaw na. Kristus iwan malaekat ḇyedi faro manfamyan ḇyedi. Yohanes, insa ikofen ḇadir roi anna faroi.

FASASNA FARO YOHANES 1:20

Inekada kankunes ro kum rifik mam ro ḇramin ḇar raku yedi, ma ro padamara ḇeḇewemin rifik ro brawen anna. Kum rifik ansi isoine malaikatsya ro jemaat rifik, ma padamara ḇeḇewemin rifik anna isoine jemaat rifik anna.”

FASASNA FARO YOHANES 19:10

Ma yakain wepur ro malaikat ani ḇarpon ḇyedi yamarisen yaḇansuba faroi, ḇape ikofen maro aya, “Bansuba awer! Bansuba faro aya awer, mboi bansuba faro Allah! Snar aya kako manfamyan imnis aw ma imnis naek srar besi ḇeyufepen wos ḇekaku ro Yesus ḇyaryasna!” Snar ḇekofen ḇadir faro nabisya ikada wos ḇekaku Yesus ḇyaryasna.

FASASNA FARO YOHANES 2:12

“Faro malaikat jemaat ro Pergamus, fas radine: Inekada ananun ro i ḇeyuf sumber ḇesar raḇanḇar.

FASASNA FARO YOHANES 2:8

“Faro malaikat jemaat ro Smirna, fas radine: Inekada ananun ro i ḇeponya ma ḇepupesya – ḇemar kwar ma ḇekḇok kaḇer.

FASASNA FARO YOHANES 22:9

ḇape ikofen maro aya, “Bansuba awer! Bansuba maro aya awer! Bansuba faro Allah kada! Snar aya kako manfamyan imnis aw, ma imnis naek srar besi nabisya ma snonkaku kam ḇeswarepen farkarkor ro syap ine!”